Evening Post : Sep. 31 zing dar 8 vel khan Kepran khaw mi Remvela (52) chu an khua atanga km 1 vela hlaah a ram kal tur savawm no hruai laiin a seh a, a hnar a sehchhiat bakah a taksa dangah hliam a tuar bawk. Thudawn danin Remvela leh a nupui ramkal tur hian kawnga savawm no pahnih awm an hmu a, an kalsan mai loh avangin kawngsira hnawhkian an tum laiin kawngchhak atang lo chhuak a pui hian Remvela hi kawng thlang lamah a bawhthla a, a hmai seh sakin a hnar a hik a, a nak dinglamah sehna hnuhma ni awm tak hliam a tuar bawk.

More >>>>

Mizo Aw : Khasi Students Union (KSU) chuan Vairengte-a Khasi-Jaintia mite chungchang Mizoram sawrkar leh tlawmngai pawl (civil society group)-te an sawipui dawn tih an sawi. KSU, Vairengte Circle chuan KSU Central body hruaitute tun hnaiah Shillongah an hmu a, Vairengte-a Khasi-Jaintia hnamte Mizoram tualchhung mi ni loa ngaih an nih chungchangah inrawlh turin an ngen a ni. KSU General Secretary Hamlet Dohling chuan KSU Central Body memberte chuan Mizorama Khasi-Jaintia hnamte chungchang hi Mizoram sawrkar official-te leh Mizorama zirlai pawlte an sawipui dawn a ni a ti.

More >>>>

MIFCO hnathawktute chuan thla 7 hlawh an lak tawhloh avangin Sept. 1 atanga office kailoh an tum thu an lo puan tawh chu kaltlangpui ngei an tum tih Resolution siamin an sawi. August 31 hian MIFCO Employees Association (MEA) chuan an office-ah General Meeting neiin thla 7 lai hlawh an lak theih tawh loh avanga an kal zel dan tur an ngaihtuah a. An harsatnate August 24, 2010 a Press hmaa an sawi chhuah bakah thuneitute hnena an thlen tawh chu awmze neia chinfel tumna ala awm lova an hriat avangin hreh tak chungfin Sept 1, 2010 atangin hreh takin chhungkawnintunnunna kawng dapa chawlh an rel thlu a, Zoram mipuite leh a bik takin an hnena thlai thar hralh thintute hriatthiamna an ngen a ni.

More >>>>

Hnahlan khua ah hian kum sawm chuang kalta ah khan Grape chin niin, mitam takin eileh bar zawn nan an hman mai bak ah an sum hmuh te saving adah an duh thin, mahse sorkar mai nilo amimir pawh in an hriat lar Hnahlan Grape hian, changkanna thlen mahse, a khaw chhung ah pawisa dah that a han khawl thatna tur Rural Bank emaw tal pawh a awmloh avang in, an khua atanga 50Km a hla Champhai ah buai phili in an kal thin a, thil buaithlak tak anih a rinawm, Sotrkar hian hmun hrang hrang ah Chutiang a pawisa dahthatna Bank, abik in Rural Bank hi a dah a, hmun then khat ah chuan an hman tangkai viau laiin  hmun then khat ah chuan atangkai lo hle a ni, hemi khua ah hian awm ve ta sela chuan atang kai ngeiin arinawm a, a khawmi 70% vel eizawnna leh sum hmuhna a ni miau a, an hmangtang kai khawp ang le, chutiang lo pawh in Branch dang atangin entirnan  Karkhatah nikhat emaw kalin va hmui ta se, district thenkhat tihloh dan pawh nibik lova, kan sorkar chaktak  hian hmalak na tur hmun te chu a hrekhawp ang tih ring chungin kan thailang ve a.

More >>>>

Kar hmasa (August (19 – 21) chhung khan India Missions Association (IMA) Conference, Nagpur-ah neih a ni a, IMA Vice President tang lai mek Rev. Zosangliana Colney, Executive Secretary a tel a, Synod Mission Board aiawhin Rev. Lalzuithanga, Executive Secretary pawh a tel a ni.

Kumin IMA Conference-ah hian India ram pum huapa rawngbawltu titha thlangchhuakin Lifetime Achievement Award chawimawina an hlan a ni.He Award dawng tur hian mi pathum thlanchhuah an ni a, Upa Dr. L.N. Tluanga (SMB Missionary pension) chu thlanchhuah zingah a tel a, thuziak leh tangka fai a dawng a ni.

More >>>>

Kum tam tak kal tawh atang khan Kawnpui leh a chhevel ah hian Motor accident a tam hle tawh mai a, engvangnge heng chhiatna hi alo thlen tih lam erawh ka sawi tum a ni lo.  Heng chhiatna alo thlen hian Kawnpui khawtlang mipuite harsatna hi kan sawrkar hian a hriatpui ve em tih lam hi sawi sawi phawt ila.

Kumin chhung (Thla 6 chhung) hian) kum kal ta 2009 chhunga Lirthei chesual zawng zawng aiin Kawnpui leh a chhehvelah hian Mortor accident a tam tawh zawk a. Chhiatna alo thlen thut hian Kawnpui PHC hi panpui a ni hmasa ber lothei thinlo. Hliam tuarte enkawlna pek nghal thuai an ngaih thin lai hian Kawnpuiah hian Doctor 1 chauh dah anih avang hian a training lai More >>>>

Hetiang pa hi kan thenawmte kawtah a rawn awm leh hluai zel a, engnge anih pawh ka hre lova, hria in lo awm tak hlauhin kan zawt teh ang che u. Tuna pic ka lak zawh tuk hian a parh hluaia, a bak chu a neitute hian anlo paih vek aniang ka hmu tawh rih lo.

Tunlai chu he hla Pu Vanlalzauva phuah hi nalh ka ti riau mai. a thluk hi a mizo a, a thu han chhehdan vel hi a nalh bawk a, Pathianni inhlan thar nan, Sailova’n uluk tawk a, a sak hi i ngaithla teh ang u.

Ramhlun Presbyterian Kohhran chuan Ramhlun South Presbyterian Kohhran Biak In leh Kohhran hall-ah an kum 50 tlinna Gilden Jubilee lawmna hun ruai nen ropui takin an lawm. Ramhlun Presbyterian Kohhran chuan August ni 23 atang khan Golden Jubilee an lawm a, he Jubilee lawmna hi Ramhlun South Presbyterian Kohhranah neiin vawiin August 28 hian nilenga Pathian fakna hun : Lengkhawm leh thalai pual tan Praise & Worship hman a ni.

More >>>>

Carthage-a Kristian hruaitu, Cyprian-a chu Rome lalber Decius-an, ‘Rom mi zawng zawngin milem hnenah inthawina certificate an nei tur a ni,’ tih dan a siam avang khan a biru a. A ngaihdanin nunna chu thihna ai chuan a thlanawm zawk a ni.

Kum hnih a bihruk hnu chuan Carthage-ah chuan hripui a leng a, mi sang tam tak an thi tih thu a thang vel chiam a. Tu chhungkua mah a zuah lo. Khawpui chu hlauhnain a man a ni ber. Mitthi turte chu kawtthlerah an theh chhuak a. Tanpuitu dila an tap rite chuan ngaihsak a hlawh lo. Mi tinin thih an hlau theuh mai. Engtinnge chung thil chu Kristian ten an hmachhawn ang?

More >>>>