Mizo tawng ziah hi har ka tihna ber chu eich (H) vang hi a ni thin. H dahna lai tur hian min ti buai rei thei khawp mai. A hmalamah nge ka dah ang a, a hnuah emaw, ka word ziah ah hian H dah tel a ngai em ti vel mai mai hian ka buai viau zel chu anih hi. Entir nan : Ka thian pakhat hming hi Ramnghinglova a nia, nghing tih ka ziah dawn hian NG hi nge hmasa a H hi ka ngaihtuah fe a ngai zel mai a ni.
Hahchhiau tih ziah dawn hian H engzat nge ka mamawh tih mai mai te hian min ti buai a. Ka zir nasa bawk a, tichuan kei chu H-phobia atang chuan ka fihlim ta ti ila a dik thaw khat awm e. Helaia ka naute pahnih Mizo tawng thiam vak lo kha, a nu leh paten Mizo tawng hi an thiam lo em mai nang lo zirtir teh min ti a. Kan han in zirtir tak tak a, an harsatna langsar zual ber chu H bawk ani leh ta. Entirnan : Ka duh lo, sawtah kal rawh, tih ho ang te hi a tawp a H saw an hmaihpalh leh tlat mai thin a nih chu! H bawk mai chuan ka zirlaite pawh a rawn ti buai ta anih chu.
H hi kan chhungkaw zinga a thawhdan hi a mak ve hrim hrim, ka vahnu kum 3 mi vel anih lai hian H hi a lam thei tlat lo pek a. “Bawihte, Hello” ti rawh tih pawn. “Kallo” a ti tlat zel a. H awmna zawng zawng kha K ang in zuk lam vek a maw le! Mahse hei tlemin a lo upa ve ta a, a lam K ta bik lo e. H tur alam K vek chuan a nuihzatthlakin a manganthlak duh ang reng bawk si. A puitlin hnu thleng hian lam hlen vek mai ang ngem tih te pawh min ngaihtuah tir hman rum rum alawm.
-----------------------------------------------------------------------
Similar Posts
-----------------------------------------------------------------------
He thu hi Wednesday, March 25th, 2009 dar 6:39 am a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
H harsatna hi ka chhut ve dan chuan ziak leh chhiar min rawn zirtirtu te kha sap an ni tlat mai a. Mizo tawng nuances hi an lo man kim lo deuh ni tur a ni. Tin kan zosapte zingah khan linguist an awm lo in ka hria. Doctor te a then an ni hlawm a, mahse language kal hmang leh dan leh dun hre lem lo, linguistic laypersons te an ni hlawm a kan tawng ziak dan hi a buai chho a ni in ka hria. Kan mithiam kan tih te pawh hian an rin danin an risk mai mai ve tho tlat mai.
Literature peng a language kan zir ve danah chuan tawng hi verbal a awm hmasa a, chu verbal talk chu ziakin an dah rem ta mai a, tawng hi chu a written form in a verbal form chungah thu a nei zawk thei lo. Hmahruaitu hi a verbal a nih tlat zawk vangin.
H hi mizo trawngah lam silent a ni ngai lo hrim hrim.A hmanna a awm ve hranpa a,entrnan, ka lo kal thei lo, ka lo kal theih loh chuan tih angte. Mizo trawng hmanna hmuna awmlo tan erawh ngaihfin a awl mai thei e.
Lai ho hian ‘h’ chu an hman kan nual in ka hria. ‘Chuan’ tih te hi ‘Cuan’ tih in an ziak daih in ka hria, hresual mai thei bawk.- mahse an lam rik dan atranga dik ni a an hriat dan in an ziak ni hmiang ka ti mai.
nang chuan(cuan), ‘H’ hi ‘Eich’ i tia, kei chuan ‘Eichhi’ ka la ti tralh tho mai, EichhiZeee
Mi buaina, buaina tham a ni love lo tih ngawt chu a chi ber lo maithei a.
Hetiang ang buaina hi chu, tette atanga Mizo School a kal lemlo, Sap sikul kan tih mai atanga in zir chhote zingah hian a tam bik thei mai angem ?
sekibuhchhuak .. sap sikul ah pawh mizo tawng ziak leh chhiar te chu an zir ve tho a lom.