Vawiin march ni 31 hi Sawrkar Kum tawp financial Year ni hnuhnung ber a ni a, Office tam takin an pawisa Budget a awm te hman ral tumin an hmanhlel hle a, hetihlai hian Kohhran thenkhat te pawhin financial Year hmangin Kohhran ah an sum an chhunglut ve thung.
Sawrkar in financial Year March to April chu vawiin ni 31 hian a tawp ta a, Dept hrang hrang ten Budget a awm si tangka an la hman zawh loh te chu hman zawh tumin theihtawp chhuah in hna an thawk a, helam pang buaipuitu Treasury Office lam pawh an buai hle a, ni 1 a nuai 50 Bill passed thin chu tunkar chho atang khan nuai 500 nitin passed phalsak an ni a, ni 30 leh ni 31 hi chuan Bill hi bithliah awm lovin Finance dept in an Sanction theih ang ang chu Treasury hian an lo passed sak thei a ni. Hetihlai hian Bank lampang chuan ni 31 tlailam dar 6 thleng khan Bill an dawn theihtur thu an sawi thung a, Sawrkar bill te chu tlailam dar 4 thleng khan an dawn theih thu an sawi a ni. Hemi chung chang ah hian kum dang aia March ni 31 a an buainepna chhan chu Chief Minister Pu Lalthanhawla’n Dept te lo in hmakhua tura a hrilh vang niin thudawn a ni a, Bill khawihtu Treasury officer Pu V.L Thlanawma chuan a sawi.
Sawrkar Dept ten an tangka neihte kum tawp hmaa hman ral hram an tumlai in Kohhran thenkhat te pawhin Financial Year hi an hmang ve bawk a, sawrkar dept ten financial Year an hman dan nen a inletling thawk a, Kohhran te hian Financial Year chhung ngei a, an Budget te hi chhunluh hram an duh avangin Tualchhung Kohhran ten March ni 31 thleng hian an sum hmuh ang ang te an chhunglut thung a, Presbyterian Kohhran chuan kum 2008-2009 hian an Budget chu cheng vaibelchhe 37 chuang a ni a, kan palai in vawiin ni 31 a an Pisa a tlawh lai chuan Budget lut tawh hi cheng vaibelchhe 49 chuang a lut tawh a, hetihlai hian tangka hi a la luh belh mek a, kan palaiin a tlawh laia budget an khum tawhna chu cheng vaibel chhe 7 leh nuai 89 chuang a tling tawh a, a la luh belh mek bawk a ni.
Baptist Kohhran pawhin sawrkar kumthar March to April Financial Year hi an hmang a, kum 2008-2009 Baptist Kohhran Budget chu cheng vaibelchhe 10 leh nuai 16 chuang a ni a, kan palaiin an Pisa a tlawh laia an hmuh zat chu cheng vaibelchhe 10 leh nuai 87 chuang niin Budget an khumna hi cheng nuai 70 chuang a ni a, Baptist Kohhran ah hian Missionary chawmna hi a hranpa a kal a, Missionary atana 2008-2009 Budget chu cheng nuai 56 leh sing 4 a nih laiin cheng nuai 72 leh sing 1 leh sang 4 chuang an hmu a, a pumpuia budget an khumna chu nuai cheng vaibelchhe 1 leh nuai 1 chuang a tling tawh a ni. March to April Financial year hi Kohhran thenkhat chuan an hmang lova, January to Dec an hmang thung a ni.
-----------------------------------------------------------------------
Similar Posts
- Mizoram Presbyterian Kohhran chuan budget an khum
- Mizoram Annual Budget 2011-12 pharh
- 6th Mizoram Legislative Assembly Budget Session
- BA Result a chhuak
- Referral Hospital tan cheng vaibelchhe 50
He thu hi Tuesday, March 31st, 2009 dar 7:38 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
SUM hmanna zawng in an phu leh suau suau anga.. zan rei tak tak thleng an meng anga, zu leh sa nen a nuam ti tak tak pawh an awm ang….Bill lem siam in mi tam tak an buai hle bawk ang.. kohhran thawhlawm te a lo pun phah chuan thra tho lom, ti pawl te pawh an awm ta ve ang… hausak phah ta deuh pawh an awm nual bawk ang. A nuam awm veiiiiiiiiiii…
Sum kha i eat ka ring rengah alexx…
nuam ve thei em a lom… keini ang kohhran mi vak lo.. zu in mi lehnghal.. tu ngaihsan hloh lo tan chuan nuam deuh a sin.. mahse.. kohhran upa te leh inti RAU chang sang deuh deuh pawh in.. kei chu ka kut ka sil e.. hei hi a diklo an ti duh bik ngai miah lo!
Heng hunlai hian office an thulh duh mai mai lo..a thrente phei chu an bang tlai thei emmm emmm lehnghal. Bang tlai ho lah hi an in thurual ang threm ah a té ber atanga a a thuneitu lam hi..!
A huho a rilru inthiamchawpna nen a sum siamna a ni thei mai angem.. mahse nuam thei chiang e,,,,, lol
Pawisa an la hman zawh loh hman zawh tumin…..ka va man lo ve..