(lonelygaij a ngaihawm hle mai, he thu hmana ka post hian, a tawp ber maruti car story khu a tak anih leh nih loh pawh kan chiang lo kha a nia. lonely khan a tak a nia, kan nau pawh a tel ve a rawn tih kha chuan ka chhiar tha leh a, ka hlau lutuk kha ka tim ur ur in ka hria.)
Ka thiannu in hei thlahrang a sawi a. A naute Aizawl college an kal laiin an kal pui pa khatin a thil tawn a hrilh a ni a. An veng leh tunge anih chu a sawi thei chiah tawh lo a. An venga raicheha thi an riahpui tum a ni a, an thianpa pawh chu mitthiinah a riak ve ngei a, mahse a zanhnihnaah chuan a riak duh ta tlat lo mai a.
A hnua a sawi leh dan chuan, zanah midang an muthilh vek hnuah, naute chu a tap tap a, a buaipuitu a pite pawh chu an lo chau tawh aniang an lo muhil ve tawh ni ngei tur a ni. Tichuan, A nu thi tawh khan, “Bawihte ka lo kal e” tih pahin, chhuata tlangval riakho chu a rawn rap phei a. Chu an thianpa pawh chu a ban ding lamah a rawn rah hruak sak a. A hnua an en sak pawn ala duk a ti.
Nula naupang tawh lo tak pakhat, Kolkatta mizoram house-ah ka thiannu hnena a sawi ani a. Zanah an titinaah thlahrang vel an sawi khawm laiin, ama hriatdan sawi tura chu nula chu an nawr luih avangin ti hian a sawi ve a. A driver nen Kawnpui khawdai deuhah, khawthim hnu hian nu naupawm hian a lo phar ding a. Gypsy hnungah chuan chu mite nufa chu an chuang ta a. Kawnpui accident-na lai an thlen chuan mihring form ang deuh si hi a lo langa, kawngah alo lan mai avang khan, motor chuan an sutlang angin alanga, chu an thil sut chuan hmel mumal pawh a nei lo a, thil var mihring form anga awm ni mai hian a sawi a. Chu nula leh naute chu an te thrawt a. Chuan in hmu ve em tiin a chuanpuite an zawt chu, kan hmu ve lo tiin an chhang avang chuan a ngawi ve ta mai a. An tlan pelh hnu ah thingpui in a an chawl hnuah, chunu, nau pawm pawh chuan ka hmu ve alawm, mahse in hlauh ka hlauh avangin ka sawi duh rih lo anih kha tiin a sawi.
Tleirawl rualho hi Maruti-in Silchar atangin Aizawl an rawn pan a, nula pakhat hian chuan ve a dil a, an chuan tir ve mai a, nula chu an han chhaihvel pawn engtinmah a chhang duh lo a. Kawnpui accident-na an thlen khan tlangval rui phur chuan kan hmelhriatte pawh an lo tel mai thei asin tiin lungphun chu an chhiar vel a. An thianpa khat chuan, hming pakhat chu kawkin he nula hi a chhe lo asin, a biang dinglamah pawh khuavang chhinchhiah a awm asin tiin a thiante chu a hrilh a. Chu ve leh nula phurh chuan keimah hi alawm ka nih hei ka khuavang chhinchhiah pawh tiin a hmuh a. Tlangvalho chuan ruih a reh duh mai mai asin an ti.
-----------------------------------------------------------------------
Similar Posts
- Friday the 13th zan a ni a…
- Romantiko Lam pang aw niang
- Vairengte ah naute piang hlim chhar
- Serlui B a tlahlum ruang chhar
- Tunlai mite nun ka hmuh ve dan
He thu hi Friday, March 27th, 2009 dar 9:25 am a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
keima hmuh ve ngei kan sawi ve mai mai teh ang.
Lui a len deng ve zuih zuih thin, zan pawh riak ve zeuh zeuh thin ka ni a..thingtlang pa ve tak mai hi ka ni a. Ramhuai leh Thlahrang tih vel hi a awm chu ka ring ve thova, hmuh ka la neih ngailoh avangin rin dan pawh ka nei ngai lo! Vawikhat chu Tuipui Lui riakin kan kal a lawm… kei leh ka thian pahnih telin. Zan tir ani a, avawt a..thosi a tam bawk a. Chawi kan han ei kham te te a, muang mar in chengkawl char pahin lui hnar ka zawh cho a, a rem chang lai deuh a… len ka deng zeuh zeuh bawk a. Ngha bawm ka awrh bawk a. Ka cho zel a… torchlight dim deuh hlek tawh hi ka keng cho bawk a… a reh ang reng khawp mai a, ka deng cho zel a…chutah tah chuan., Lui hnar lam tang hian mipakhat hian len alo deng ve ni ngei tur ani… a ri ka hre deuh zeuh zeuh mai a.(rilru te chuan miin an deng ve ani maw?)ka ti rilruk deuh mai mai. A len den ri chu a hnai tial tial a… kei pawh ka cho tial tial a, a thim tial tial, a vawt tial tial, ka bettary a down telh telh bawk nen…. in hnaih tawh tak kan nih hnu chuan, a mah chu phe deuh ruai ruai chuan ka hmu phak a, len chu a deng ngei a… sangha pawh a man. Mahse, a sangha man kha a ei zel ni hian ka hmu a..ka rilru te te chuan a ei lovang a sangha bawm awrh ah a dah lut anga ka hmu vai mai mai ani ang ka ti a. Hlam 7/8 vel kan in hlat hnu chuan…chiang tawk tak miah a, a sangha man alen atanga a lak chu alu a sek hmawk hmawk ta mai a. Mak ka ti lutuk!!! hlauh na chang ka la hre lo. Hlam 3/2 leh a awm in, chiang leh zualin ka en leh a, a ei lai chiang taka ka hmuh hnu chuan. Thianpa i man hnem tawh em? tiin ka zawt a. A ngawi deuh hlek a, keima lam a rawn hawi mai chu!!!!!!! A mit a sen vek!!! a bial pawp! a rawn puam lian deuh tial tial a… lian tak ani!Vawi leh khat thut ah a sawngte leh nghal vek a… a din na lai tak atang chuan Laiking dum a rawn tlak chhuak! ka chemchuan ka zuk sak a…. ka hmuthi a ding sur sur……….. meipui ka chhem vak a. Chute chu Lui a ka hmuh ve chhun te ani. A dang ka hmuh chu nidang ah ka sawi leh ang!
Ka hriat chu ka sawi ve lo mai ang, in hlau lutuk palh ang
In va hre mak hlawm ve.Hman deuh khan kei pawh kawnpui daiah…. aa.. hmeichhe ho tan a rapthlak lutuk dawnin ka hria,ngawih chuh leh zawk teng.
han sawi zel teh uuu……
Nikum kumtawp mai kha ania, ka thian, kum 32 vel mi pakhat hi a thi a, (a hming tak chu sawi lo anga, mahse tunah tan chuan SANGA tiin kan vuahchawp mai ang e). Kum hni vel kal tawh a tang khan telephone a tangin kan inhmelhriat a, kan inbe ve zeuh zeuh thin. A taka erawh kan la inhmu lo. Chuti maia han boral tak mai chu ka lainat hle a, anni hriat rengna a tan tiin lehkhabu chhete mah nise siam ka rilruk a. Chu lehkhabu buaipui chuan a thih ni a tanga ni 15 thleng kha chu zan rei taktak, a chang chuan zinglam dar 2 thleng te pawh ka meng thin. Chutia nguk taka ka buaipuih lai chuan zankhat chu ka Mobile phone a lo ri a, pick-up tura kan en chuan SANGA Calling…. tih a lo lang mai chu ka phu nasa chiang ania, ka harh sawng sawng mai. Mahse thianpa Sanga kha ni lovin a nupui zawk khan Sanga phone hmangin min call kha lo niin..
Hehe Sawi zel teh u, anih loh pawn rawn post ve teh u, trim ur ur a, chhiarte hi a nawm dan adang tlat a nia.
Ka hriat ve chu, sawi chi pawh a nilo… a sexy lutuk.. ahaha
Haha thlahrang sexy lo hriat bik reng reng
Naupang chhia nghalloh thlahrang tih vel mai mai a, nutling patling zahmawhthankin tawh kan la buai duh hi chu ho ka ti riau.
a hre chak2 ho hi an doih duh an ti……..