Chiahpuam kaihhnawih a, LSC tihloh Lirthei Police ten an man te chu lilam turin Migistrate phalna a pe chhuak ta. Hemi chung chang a, Chiahpuam Weekly Invesment depositors Assn thuchhuah chuan depositor hruaitute leh police ten thahnem ngai taka hma an lakna avangin chiahpuam kaihhnawih a Police ten an man LSC tih loh lirthei LMV, lirthei ke hnih nei leh Bus te chu magistrate chuan lilam turin phalna a pe chhuak ta tih an sawi a, lawmawm an tih thu sawiin Muanpuii line ni lo Line danga sum dahtu Depositor pisa a in report tawh te chu an in report na ennawn leh vek tura an hriattir thu leh Collector te ring ringawt lova mahni ngeiin in report tur a nih thu te LSC Police ten an man sak te phei chu sawifel tur tul tak a awm avangin in report ngei tur a nih thu leh inreport lote chu harsatna an tawk a nih pawhin Assn in mawh a phurh loh thu an sawi bawk a ni.
Recent Comments:
USER
Categories
Archives
Counter Insurgency & Jungle Warfare School (CIJWS), Vairengte-in an ram luah neitute, Vairengte-I leh Vairengte-II village council president te hminga thuchhuah siamah an ram dil danah diklo awm nia sawi thin chu sawifiahin Mizoram Forest department-in compensation engemawzat an claim ve chu diklo nia an hriat thu an tarlang.
Peace Accord MNF Returnee Assn ( PAMRA) Gen Hqrs hruaitute chuan vawiin April ni 29 khan Chief Minister Lalthanhawla chu a office ah hmuin MNF leh India sawrkar inremna in a ken tel MNF lo haw te chhawmdawlna chungchang an sawipui. PAMRA Gen Hqrs hruaitute chuan vawiin ni 29 chawhnu dar 1:30 vel khan Pu Lalthanhawla Chief Minister chu a office ah hmuin India sawrkar leh MNF inremna a MNF Returnee te chhawmdawlna tur la tihfel loh chungchang chu an sawipui.
LPS Pro fight video 1 ka rawn thawh e. Ka en ngaih loh thil a ni bawk a, ka lo ngaihsak miah lo laiin hmanni thawhpuiten an sawi teh hluai a ka’n thlir ve ta ngei a, a hlimawm hranpa ve angreng em bawk a lo nia. Vawikhatmah boxing ring la lut ngai lo te pawh an kat nawk a, first roundah tha pui zawng² nen bei a, second round lamah tawh chuan inkuah deuh chawt reng te pawh an ni awm e! Vai leh Mizo labour thawk dun an sawi thin te pawh min ti hrechhuak rum rum..
Pathianni a inkhawm taima tak mai hian nikhat chu chanchinbu editor hnenah lehkha thawnin, Pathianni a inkhawm fo hian awmzia a neih loh thu a tarlang hlawl mai a. Kum 30 lai taima takin ka inkhawm thin a, sermon 3000 vel ka ngaithla tawh a. Ka inenchian erawh chuan a eng a mah hriat reng ka nei tawh hauh lo. Hun ka khawhral mai mai niin ka hria. Pastor te pawh hian sermon thlak nan hun an khawhral mai mai bawk niin ka hria, tiin a ziak a. Editor hnena lehkhathawn tihah chuan an chhuah ta kuau mai a.
Health Minister Pu.Lalrinliana Sailo hovin Aizawl Civil Hospital Doctor te chu Vawin April 28 khan an thu khawm a Aizawl leh Lunglei a dah tur CT Scan Khawl thar lei ni se tih an rel. Health Minister Pu Lalrinliana chuan Meeting an neih hma a,chanchinthar lakhawmtu te a hrilh danin tun a Civil Hospital a CT Scan hmanlai mek chu a khawl a Valid dawn hnaih tawh a vang leh a Maitainance Coast a tan kumtin cheng Nuai 26 lai dah a lo ni thin chu thalo a tih vanga Khawl thar lei mai tha a tih thu a sawi a ni.
April ni 27khan Kristian Thalai, Mission Veng Branch chuan Synod Bookroom nen tangkawpin Mission Veng Kohhran Hall-ah Literature Night an hmang. KTP, Mission Veng Branch-in Literature Night an hman hi June thla thleng awh tur Literature Drive hawnna a ni nghal a, members 250 chuang an inkhawm a ni. Inkhawmah hian Literature Sub -Committee atangin an hmalak tawhnate report ngaihthlak a ni a, Pu Rochamlianan “Lehkhabu tha chhiar hlawkna” tih thupui a sawi a, Bookroom Sales Promoter Tv Lalnilianan Synod Bookroom-a lehkhabu chi hrang hrang awmte leh an lehkhabu neih dinhmun a sawi bawk. Tun dinhmunah Synod Bookroom-ah hian lehkhabu chi hrang hrang 4,076 an nei a, heng zinga 2,582 te chu Mizotawng lehkhabu a ni a, Saptawng (English) lehkhabu 1,494 leh naupang pual bik lehkhabu 88 a awm bawk a ni.
