April ni 18 chawhnu dar 1:30 vela Tlawnglui Pualhrang kai bula chesual a tui a tla Lalrintluanga kum 16 Pu Biakkunga fapa kulikawn chu ni 19 Pathian chawhma dar 10:30 vel khan hmuh a ni.
April ni 18 chawhnu dar 1:30 vel khan Imanuela kum 19 Maj Romawia fapa tuikual veng leh Lalrintluanga kum 16 Pu Biakkunga fapa kulikawn chu Tlawnglui Pualhrang kai bul ah Lawnglengin an chesual a, Lawngleng ah hian mi 6 an chuang a Lawng kartu Lalbiakmawia leh Rinneihsanga te bak ah midang 2 chu an him a, Imanuela kum 19 Maj Romawia fapa tuikual veng leh Lalrintluanga kum 16 Pu Biakkunga fapa kulikawn te chu vanduaithlak takin tui ah hian an tla hlum a ni. hetia tuia an tlak hnu hian Lawng kartu Lalbiakmawia leh Rinneihsanga te chuan chhanchhuah tumin theihtawp an chhuah a, Rinneihsanga chuan immanuela Maj Romawia fapa chu tlawnglui sir Lungpuichung ah a la chhuak a, tuitla pakhat zawk Lalrintluanga chu zawn leh tumin tui ah a luhsan leh hemi hlan hian Immanuela hi a lo tla leh hman a, a hnu lawk darkar chanve vel ah a ruang hi a zuk zawn hmuh leh thu Rinneihsanga chuan a sawi.
Immanuela ruang an hmuh hnu hian Lalrintluanga pawh hi zawn zui nghal a ni a, tui a nut em avangin tui thiam tan ah pawh rin dap mai loh chu hmalakna tur dang a awm lova, Inrinni ni 18 a zawn hmuh a nih tak loh avang hian a hmun ah riahchilh pawl awmin a zawn hna hi chhunzawm a ni a, a tuk April ni 19 Pathian ni chawhma dar 10:10 vel khan an tlakna bul lawk ah Pu H.Lalsawmkima chuan Lalrintluanga ruang hi a zawng hmu a ni.
Ni 19 Pathian ni khan Sairang, Khamrang leh Mualkhang atang te leh Kulikawn khawtlang bak ah mi veng dang atanga mi tlawmngai tha hnem tak ruang zawng tur hian Tlawnglui ah an kal a, Pu PC Zoramsangliana Transport Minister pawhin a hmun ah kalin Khamrang, Mualkhang, sairang leh Kulikawn Khawtlang hruaitute hnen ah thingpui lumna senso phuhruk nan tanpuina a pe a, bialtu MLA, Lt.Col ZS zuala pawh in ei leh in tur tulte kenga sairang lam a pan laiin ruang hi hmuh a ni ta a ni.Pu PC zoransangliana chuan kan palai zawhna chhangin Sairang leh bairabi inkar hi tui tlem lei leh tui tam lai pawh inkal pawh theih turin Sawrkarlaipui Ministry Of In-land Water Transport atangin tangka rawn ruahmana tun atanga hun reilo te ah hian hmalakna hi tan tur a nih thu a sawi a, hei hian tui tla palh an lo awm pawh a awlsam zawka hmalak theihna tur pawh a ken tel a rin thu a sawi bawk
-----------------------------------------------------------------------
Similar Posts
- Bawngthah kai chhak Tlawng luiah Tuitla Muanga zawng mek
- Sairang leh Khamrang inkarah ruang chhar a ni
- KTP Blanket Su Tuiah An Chesual. 2 Thi
- Tuitla ruang zawn hmuh a ni : Sairang mipui an fakawm
- Ni 7 a bo hnuah Sairang nu chu thi in chhar
He thu hi Monday, April 20th, 2009 dar 4:37 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Pawi hle mai, khawhar chhungte Pathianin awmpui zel rawh se.