Mizoram atanga Bru raltlante hruai kir leh dan tur chungchang leh an inbenbelhna turte a hmun ngeia lo thlithlai turin ni 28 khan Sorkar laipui Home Ministry hnuaia Border Management Secretary Pu Vinay Kumar, leh Jt Secretary Pu Naveen Verma te chuan Aizawl an lo thleng.

Heng sorkar laipui mi pawimawh pahnih te hian nimin tlai khan Mizoram Larsap Lt Gen (Rtd) M.M.Lakhera chu a office ah an hmu nghal a. Hemi hnu hian hian Mizoram sawrkar mi pawimawhte nen Chief Secretary Pu Vanhela Pachuau, IAS kaihhruaiin New Capital Complex ah inkhawm pawimawh tak an nei zui nghal. He meeting ah hian an lokal chhan ber pahnih Bru raltlante hruaikir leh ramri hung hna kalpui dan rawn thlithlai an nih thu Secretary Pu Vinay Kumar hian a sawi a, Mizoram sawrkar mi pawimawh te nen huam zau takin sawihona an nei a ni.

Border Management mi pawimawh te hian nimin tlai khan Pu Lal Thanhawla Mizoram Chief Minister chu a office ah an kawm a, nimin vek khan Bru hnam aiawhte pawh State Guest House ah thil awmdan an sawipui. Tukin zing khan Tuipuibari panin heng mi pawimawhte hi an chhuak leh nghal a, Pu Zorammuana, Jt. Secretary, Home in a tawiawm a, Mamit D.C. Pu Zothankhuma’n lo dawngsawng in a tul angin a tawiawm bawk a ni

Share

-----------------------------------------------------------------------
Similar Posts

• Union Minister lo zin
• Indian Ambassador to Myanmar in CM a hmu
• Mamit Leikhi A Zual
• Indo Bangladesh Border Fencing, Compensation
• India leh Myanmar ramri sumdawna tur palai ten tlawh

He thu hi Thursday, April 30th, 2009 dar 10:17 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.