Kan pi leh pute atanga kan lo humhalh kan ramah ngei hnamdangte kut kan tuar a, hnam dangten min cho va, min rawk a. Ram leh hnam chhanin kawng kan zawh a, kan ram hruaitu leh politician ten vote zawn nana an khawingam kha keinin hnam chhan nan tharum nen kan umchhuak leh a. Khua hi a var lo teh e. Mizo hnam humhalh nan nunna pawh chan huamin thalai ten ke kan pen a, tha kan thawh a, he Zoram hian hmangaihtu a va ngahin a chhunga chen hi a va nuam em!
Kan thalai leh hnam a chiang ten kan hnam nun hi a boral kan hlauva theihtawpin hnam chhan nan hma kan la a, hnam chhan nan chuan mahni thisen pawh chan huamin ke kan pen a chutih lai chuan kan hnam hi hnamdangte min la rawk fova, kan pawi an khawih leh fo mai thin hi chu ngaihtuah chian a hun ta hle mai. Kan hnam nun chhan nana kan vaupung kan tisang chung pawha hnamdang ten min hlau lova min zuam tlat thin mai hi chu a chhan chhuichian a va hun em. Mahni ram ngeiah kan zalen lohvin khawi hmunah nge kan zalen teh lul ang ni. Hei hi kan ram a ni si a.
Central sorkar in hnam hnufualte him nan a bik takin State dangte thik tur khawpin Inner Line Permit min pe a, mahse chuti chung chuan MZP tena ILP an check nikhua a ILP neilo mi engemawzat an awm leh thin hi chu thil diklo chu a awm a ni lo maw? Central sorkar in kan hnam nun humhim nan a ILP min pe chunga he kan hnam nun a la derthawng fo mai hi chu mawhphurtu hi an awmin i ring ve lo maw? Kan ram hruaitute hi nge a chhunga cheng mipuite hi?
Kan hnam nun a boral mek a kan Zonunmawi hian mual a liam mek zel zawng anih hi. “Zonun, aw nun mawi, liam lovin la chamrih teh la aw” ti a lo au lawm lawmtu Zirsangzela awrawl hi a thlawnin kan thamral tir dawn em ni?
Keinin kan au ding zo lo anih pawhin nakinah chuan tuten emaw an la auding ngei ang, he kan hnam nun hi a boral hlen dawn lo. Zofate tan hun tha zalenna ni a la herchhuak ngei dawn e. Chutih hunah chuan Zofate hi hnam dangten min tibuai tawh lovang a, kan ramah hnamdangte an tlangnel tawh hek lovang. Zonunmawi in Zofate nunah ro a la rel leh ang. Chumi hun thlentir tur chuan tuna Zofa Mizoram chhung leh khawvel hmun hrang hranga awmdarh zawng zawngte hi he kan Zoram hian min nghak reng asin. Lets make together, a CHANGE for a better Mizoram.
-----------------------------------------------------------------------
Similar Posts
- Zonunmawi Beihpui
- Zoram nuam i dinthar ang u!!….
- Zoram Ni hman a ni
- PAMRA Youth Wing Gen Hqrs Thuchhuah
- Zoram Ni hman a ni
He thu hi Monday, April 20th, 2009 dar 8:20 am a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Mizoram thatna tura CHANGE-ah hian a chhunga mi te hi kan in CHANGE thei lo leh tlat thin zawk em?
Change Yourself to Change Mizoram tih hi thupuiah neih thung ila….
ILP chungchangah hi chuan dan kengkawhtu sorkar thiamloh a ni..gatige dan lo anga lo lutte dap chhuah hna pawh a thawhthrat theihloh…MZP te hi awm lo phei se a buaithlak kher ang..tin,Thil diklo titu chu Mizo pawh ni se gatige a man mai loh,dik taka thiltih chuan thil hi chhuichhuah a har lo..tham theih an awm chiah hian a ni thil a buaithlak thrin,sawrkar khauh rawh se..chu chu a ni mai.
‘in duh phawt chuan donation in lak luih sak ve zel dawn a nia.. ‘ ti ta se, kan police te pawh an active viau mai long maw??
misual.com-ah khan comment ka pe tawh, sawi duah tawh lo mai ang -…………………..
http://www.misual.com/2009/04/20/hun-a-la-herchhuak-ang/#comments
Zirsangzela hla ah khan ka duh lai chu, Mizo nih mai a tawk lo, i ram hmangaih mai pawh a tawk lo, i nunah zonunmawi larchhuah tir zel rawh… a tih lai hi a fuh a ni. Unaute u inngaihtuah chiang ve teh u… Ram hmangaih inti nun the hlep kan tam em mai hi maw!!!