Chang thlan: Luka 5:4-7,  Johana 21:4-8

Tholeh Krista zara sual hnehna nun changtu ten kraws en chunga ke an pen a tul ta! Isua zirtirte leh amah zuitute te pawh khan beidawnna ruam an dai ve tlat. Kan tan inhnemna leh huaisenna thlentu ni mawlh rawh se. Simon Petera nunram hi ngun takin i thlir teh ang. Eizawnna kawngah chhungkaw chwm thei khawp a ln den thiam, sangha mantu a ni (Mt 4:18). Chuti taka thiam si, zan khat chu len dengin a fehchhuak a, engmah a man tlat lo. Zing khawvarah tholeh Isuan len deng leh turin a ti tlat. Mihring chapona atang chuan a har ngawt ang chu! Lalpa, zankhuain engmah kan man lova, mahse i thuin ka dng leh ange tiin a thawk chhuak leh a. Sangha tam tak a a man leh ta mai. Lalpa thu nghak lova ropuina um a ln kan den avangin beidawnna leh chhungril khawharna kan tawk fo. Inhnemna zawngin humsual kan la dai zui. Nun tam nei turin Lal Isuan min sawm tak meuh a ni. Lalpa thua ln kan den hunah engkimah a ropuina leh khawngaihna thukzia kan hmu ang.                                                                                                                                                            Thlarau a rawngbawltu ten Petera experience hi nitin an nung tur a ni. Thusawi tha tak pawh hi tinungtu thlarau a tel loh chuan thu ve mai, tumah chawm lova thmral mai tur a ni. Tirhkoh Paula chuan, Pathianin khawvl thil te chu a thlang zawk a, mifingte chu a tihmualpho theihna trin; tin, Pathianin khawvl thil chaklote chu a thlang a, thil chakte chu a tihmualpho theihna turin (1 Kor 1:27) a lo ti daih mai. Ringtute hnenah Pathian thu kan sawi hmain ringtute chu Pathian hnenah kan hlan hmasa tur a ni. Lalpa thua ln kan den chuan ringtu ten kan nunah Krista an hmu ang a, kan thusawi pawhin an thlarau nun a chwm ngei ang. Lalna leh hmingthanna m a rawngbawltute chu sawi tam ngai lovin a ni tlin an beram ten an hlat tial tial ang. Inkhawm kan tlem zel nachhan hi thatchhiatna piahlamah, berampute thusawi leh nunram inpersan lutuk vang a ni ngei ang.

Missionary ten mihring ram paih thlain Lalpa thuin ln an deng ngam tur a ni. A kotu chu Pathian a ni a; chunglam dah lal si lova pen chhuak ve mai an nih hlauh chuan an va kalna ram/ hmunah phurrit an nih bakah Chanchin Tha an puang kher lovang. Tin, nu leh pa ten fate an enkawlnaah Petera thinlung puin, Lalpa i thuin kan fate hi kan enkawl ange, min pui rawh ti a Lalpa an belh a tul lehzual ta! Beidawn chang awm mahse, Lalpa nena fate enkawltu chuan zawi zawiin Pathian hnathawh a hmu ang. Ram hruaitute phei chuan mathei lovin Lalpa thuin ln an deng tur a ni. Thlarau puihna nena rorel kan zir hunah Zoramah ngei pawh dikna a lal anga, ei leh bar a hmasawn kan sawn rualin kan thlarau nun pawh a thang zel ang. Hawh u, Lalpa thuin ln i deng theuh ang u.

Peteran vawi thum a Lalpa a phatsan a, vawi engzatnge i phatsan ve le? Kum thum lai lo kaihhruai tawh, a beramte chawm zel tura a lo blruat Petera chuan a phatsan daih mai. Phatsanna sual a dai hnua Petera rilru siam dan hi a entawn tlak leh hle thung. Tih tak zeta inchhirin, a tap hawm hawm a. A beramte chawm turin Isuan a nemnghet zui ta. Peteran vawi thum a phatsan vang em ni dawn ni, Isua khan Peter, min hmangaih em? tih vawi thum a zawt ve kher nia. Setanan min sawp fo mahse, Kristaah hnehna leh nunthar kan nei thei tih hi chiang ila. Tidamthei hmangaihna chu pawmtu leh ataka temtu kan ni tur a ni. Kan sualna aiin Pathian hmangaihna a thuk zawk a. Halral thilhlan aia zahngaihna duh zawktu kan Pathian hian thinlung taka inchhirte ngaidamin nunthar a pe thin. I ngaihtuah tawh ngai emaw, hringfate zalenna min pekna hi kan Pathian ropuina a ni. Tihluihnaa amah kan thlan a duh lova, zalenna famkim nena amah thlangte hi a lawm a, a kaihruaiin a tithianghlim thin.

Petera kha engvangin nge Kristan a rin em em le? Petera chuan a chaklohna bak chhuan tur a neih lohzia a pawm a. Engkimah Lalpa auh nachang a hriat avang tak chuan beramte chawm tura a thlan a ni. Petera rawngbawlna kha thlarau hna a nih avangin Kristaah a hausa tlat. Kan rawngbawltute hi Kristaah an hausa ve em? Krista mi hriat, tawngtai mi leh mahni beramte ngaihsak mi nise heti khawp hian kan sawisel phal lovang a, an sermon ngaihthlak chakin Biakin hla takah pawh kan tlan dawr dawr ta ve ang. Chutin thawhlawm thawh kan chak hliah hliah ang a, mahni phk twk pe te pawh an lwm veng veng tawh ang. Chutah zet zawng Kohhran tinah thlarau mi an lal ang a; mitin an hausakna leh nihna in kan teh tawh lovang a, thlarau hnathawh leh thlarau nun dik tak kan hrethiam ve tawh ang. He hun lawmawm a lo thlen theih nan kohhran tinte nasa lehzualin kan tawngtai tur a ni. Mi nuna fello kha kan nunah a inphum ve reng tih hria a tan lak a hlawk ber! Rawngbawltu tlinlohna avangin Pathian ka rinna a nep tur a ni lo. Kohhran chu kan ta theuh a ni a, a dintu Krista chu kan hruaitu a ni. Eng dinhmunah pawh Lalpan min dah se taima leh thahnemngai taka thawh hi ringtu puitling awmdan a ni.

Isua lam pana tuichunga Petera a kal khan, a  Lalpa a en chhung chu a kal a, a rin ngam chhung chu a pil hauh lo. Mahse tuipui, hlauhawmna leh thlemna chu a hmuh veleh pil dawn niin a inhria a, Lalpa a au ta ruai mai. Petera thil tawn hi nitin atakin kan nunah kan hmu. Lalpa ring a ke kan pn chhung chuan kan hlau lova, thlemna lian tak pawh kan hneh mai thin. Kan dam chhungin tuarna, manganna leh tahna kan tawk fo. Lal Isuan Tin, kei, lei ata khaiknin ka awm chuan, mi zawng zawng keima hnenah ka hp ang (Johana 12:32) a tih ang hian, Krista kraws-ah chauh kan tuarnain awmzia a nei anga, harsatna kara retheite leh thlarau bo te tana kan inpekna pawh hian kraws ah chakna thar a thl zel ang. Petera nun harsa tak her rem zeltu Isua hian amah kan thlan tlat chuan min veng zel ang. Aman tlinga min puan avang zawkin kan awmna hmun theuhah a sipai huaisen kan ni ang. Chutah zet chuan pawl ram kan thiat ang a, mitin thinlungah Pathian a lalber tawh ang! Kan tana tholeh Krista chuan malsawm che rawh se.

Share

-----------------------------------------------------------------------
Similar Posts

• Li thùk lamah deng zel rawh! – Denis Lalfela, Rome
• TUMKAU PATHIANNI (Palm Sunday) – Denis Lalfela, Rome
• Krista Kraws Thiltihtheihna! – Denis Lalfela
• KRISTA KRAWS THILTIHTHEIHNA ! By Denis Lalfela
• Krista tuarna ka ngaihtuain – Denis Lalfela, Rome

He thu hi Saturday, April 18th, 2009 dar 7:04 pm a Religion . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.