Peace Accord MNF Returnee Assn ( PAMRA) Gen Hqrs hruaitute chuan vawiin April ni 29 khan Chief Minister Lalthanhawla chu a office ah hmuin MNF leh India sawrkar inremna in a ken tel MNF lo haw te chhawmdawlna chungchang an sawipui. PAMRA Gen Hqrs hruaitute chuan vawiin ni 29 chawhnu dar 1:30 vel khan Pu Lalthanhawla Chief Minister chu a office ah hmuin India sawrkar leh MNF inremna a MNF Returnee te chhawmdawlna tur la tihfel loh chungchang chu an sawipui.
PAMRA hotute chu Chief Minister chhanna ah an lawm hle a, Chief Minister chuan a hnena file a thlen veleh lo enfiah a tihfel a tiam avangin an lawm hle a, reiloteah an ngen chu a hlawhtlin theih an rin thu an sawi. PAMRA hotute chuan Chief Minister hian MNF leh Sawrkar laipui inremna thuthlung la tihfel loh te chu a ngai pawimawh hle niin an sawi a, amah Chief Minister Pu Hawla hi Inremna neih dawna a lalthutthleng ngei kian thei tu kha anih avangin an dinhmun pawh hre chiang hle tura an ngaih thu sawiin Chief Minister lakah chuan beiseina sang tak an neih thu an sawi a, a hun chep tak kara a lo hmu leh hun tha tak a lo pe chu an lawm hle a ni. PAMRA hotute chuan political party ta bik an nih loh thu sawiin Congress party hmalak dan pawh hi a tha chho viau a an hriat thu an sawi a, ram siamna kawngah pawh Ram leh hnam tana tha tur ah chuan theihtawpa tanpui an in huam thu an sawi bawk a ni.
-----------------------------------------------------------------------
Similar Posts
- National Institute of Technology Mizorama awm tur SSU ten Minister sawipui
- CITUM Press Meet
- Middle School Hindi Teachers Assn. ten CM an hmu
- CM zin alo haw
- Mamit Leikhi A Zual
He thu hi Thursday, April 30th, 2009 dar 10:23 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
chhawmdawlna an hmuhtur ang hmulo an nih chuan Sorkar hian pe fel vek teh se. An hmu a nih pawhin chen ral leh mai mai lo se, piangsual ni silo chhawmdawlna ti reng mai ka ning!!
Tinge Chhawmdawlna an la tih fo a, an sawrkar laite khan an lo ti fel zo na nge? An mahni leh mahni pawh in hai fel theih lo chuan tunge hai fel pui chuang ang? Mizo fate hian chhawmdawlna hi kan lawm lutuk em niang aw, tunah pawh Congress ho hmalakna pakhat leh NLUP hian mi a ti piangsual tlatin ka hria, thingtlang lamah kha mi beisei khan lo/ram neih an tum lova, sawrkar nawr reng reng in Pa berin a hun a hmang rala, nupui fanau chawman tur a sawi a sawi chhuah tum ai chuan, a thawha thawh chhuah hi tum ila a fuh ber mai lo maw?
Kum 20 hnu-ah pawh an la tifel lo a maw? Mak thei ngei mai.
An pu ber kum 10 chhung lal chhung khan enge maw an tih chu le….
Kei pawh ka ti chiah..an ruling lai pawh a ti fel thei lo chuan..iak iak tawh lo se ni mai ka ti ve tlat.
ka nuih a 100