Counter Insurgency & Jungle Warfare School (CIJWS), Vairengte-in an ram luah neitute, Vairengte-I leh Vairengte-II village council president te hminga thuchhuah siamah an ram dil danah diklo awm nia sawi thin chu sawifiahin Mizoram Forest department-in compensation engemawzat an claim ve chu diklo nia an hriat thu an tarlang.
VCP pahnihte hminga thuchhuah an siamah, CIJW School, Vairengte hian Vairengte Lungkual ram an dil belh a, Mizoram sawrkar pawhin pek a remti a, helai ramah hian Soil department-in rubber kung 2200 an nei a, mimal zingah huan puitling lo nei tawh te pawhin sipai ram a nih dawn avang hian an chei zawm duh ta lova, kum 4 zet enkawl loh a nih tawh avangin a chereu zo tawh a ni, an ti a. Helai ram hi Mizoram buai lai khan huan pass neih angte leh chhungkaw thlalak thlenga chhuhsak leh halchhiatsak an nih avangin pass petu VCP la damte hnenah pass form te siamchawp lehin an signature te lak that leh a ni a, computer awm hmaa pass neite’n computer sulhnu lo lan nachhan pawh hei hi a ni, an ti.
Sipaiin an huan ram an la dawn tih an hriatin an tu leh fate an sahthlak ve avangin compensation claim-tu pawh an tam phah nia tarlangin, sipai ram lak tur hi sawrkarin a hmawr a bawkpui tawh dawn emaw tih laiin Mizoram Forest deptt. chuan Rs. 12,78,87,000 a claim ve leh hnuhnawh a, CIJW school-a Brig. Anil Ram chuan pawisaah harsatna a awm loh laiin, neitu pahnih compensation pek chu a theih loh avangin Mizoram sawrkar chinfel turin an dah thu a hrilh, an ti a. Soil deptt. in helai rama rubber 2200 man an claim mai ang hian Forest deptt. pawhin teak kung 1000-1500 an neih hi claim ve mai se, ram leilung man erawh chu ram neitu mipui te’n chang se tih chu an duhdan a ni thu an tarlang bawk.
-----------------------------------------------------------------------
Similar Posts
- Indo Bangladesh Border Fencing, Compensation
- Serchhip Dist-a Department 5 in NLUP sum sem zo fel tawh?
- Chhimbial Chhantu rel kawng thlawp?
- Tipaimuk Dam siam turah SIPHRO in chanchinthar lakhawm tute hmu
- Sorkar hnathawk bill ngaihventu tam
He thu hi Thursday, April 30th, 2009 dar 5:36 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
