Pathianni a inkhawm taima tak mai hian nikhat chu chanchinbu editor hnenah lehkha thawnin, Pathianni a inkhawm fo hian awmzia a neih loh thu a tarlang hlawl mai a. Kum 30 lai taima takin ka inkhawm thin a, sermon 3000 vel ka ngaithla tawh a. Ka inenchian erawh chuan a eng a mah hriat reng ka nei tawh hauh lo. Hun ka khawhral mai mai niin ka hria. Pastor te pawh hian sermon thlak nan hun an khawhral mai mai bawk niin ka hria, tiin a ziak a. Editor hnena lehkhathawn tihah chuan an chhuah ta kuau mai a.
Hun engemaw chen hnuah chu chanchinbu vekah chuan chhanna mi tu emaw hian a rawn ziak hlawl mai a. Ka nupui nen kum 30 lai kan cheng ho tawh a, hemi chhung hian kan nu chuan vawi 32,000 vel lai chaw a chhum tawh a. A chawhmeh siam thin te mumal tak a hriatchhuah ka nei mang lo. Mahse hei hi ka hria: a chaw chhum te chuan hna thawk thei turin chakna min pe a ni. Heng zozai hi chaw ei ta lo ila ka thi daih tawh ang. Chutiang bawkin thlarau nun a kan inchawm nan Biakin ah kal lovin, sermon tha tak tak te ngaithla ta lo ila, thlarauah kan thi mai dawn a ni tiin a ziak a. Thlarau a kan tlawm pauh leh Pathian kan hnaih zual thin. Rinna chuan hmuh theih loh min hmuh tirin rin theih loh ni a lang min rintir a, thil theih loh a dawng bawk thin. – Translated by Denis lalfela
-----------------------------------------------------------------------
Similar Posts
- Chaltlang kham ah tla hlum
- Makedonia chanchinbu in kum 38 tling
- Zarkawtin Thlan Laih Loh Rel
- UPC NEI Gen Sunday School Director Thi a hmuh a ni
- Kohhran beihrual leh rawngbawlna – Denis Lalfela
He thu hi Wednesday, April 29th, 2009 dar 7:04 am a Religion . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Sunday-a inkhawm fo hi tul ka ti lem lo, kum 1-ah vawi 1 inkhawm hi awm sela chu pawh chu Pa ho inkhawm ni sela tih nak a laiin………………..
Niruk chhung mahni mamawh leh tul thawhna hun Pathianin min pe, Nisarih zingah Sunday (nikhat) chauh Amah Chibai bukna leh inserh thianghlimna hun kan neih hi Pathian laka kan thil bat tlat a ni.
A tul leh tul loh lam ni lovin, Kristian, Kohhran mi kan nih chuan kan tih tur a ni. Kohhran programme-a tel ve kha kan tih ve tur a ni.
Thawhtanni atanga Inrinni thleng taima takin hna thawk ila, Pathianni ah inkhawm keuh ila. Nu ho zaikhawmna ah han lam deuh thuak thuak bawk ila…
Ringtu chu in hmangaih tawn tur kan ni a, Sunday-a kan han in hmuh khawm ngawt te pawh hian in ngainatna a thlen a, chu chuan in hmangaih tawnna, in lainat tawnna a thlen a ni. In hmu ngai reng reng lo leh in be ngai reng reng lo chu in lainat in hmangaih a har khawp mai.
Thuthlung hlui atang tawh khan Pawl khawmho zingah hian Pathian hnathawh pawh a lang nasa hle a ni. Mimal pawhin Pathianin a pawl theih tho laiin, pawl khawm ho kher a demand tum pawh a tam ve hle mai. E.g. Mosia hnenah a inlar ngawt a duh tawk lova, mipui pung khawm tura a tih te. Isua thih hnuah pawh mimal te te a inlar lovin a huhova an awm laite pawhin a in lar kha.
HJ nge nge, a biblical leh tlat thin
From the author: Buannelers te chibai ule. Comments/ feedback tha tak tak in rawn thawh thin avangin article post pawh a nuam a. Ka articles min lo tarlan sak thintu buannel.com enkawltute chungah thinlung takin lawmthu ka sawi e. Nidangah pawh articles tha zawk ka ziah theih nan denissdb@yahoo.com ah hian suggestions min rawn thawn thin dawn nia. Ka lawm ngawt ang- in rawngbawlpui, denis lalfela
Kan inkhawm chhan ah hian chiang ta zawk ila… inkhawm hrim hrim kha va dah engemaw vak tur pawh a ni chuang lo a.. sunday sikul kai kim hrim hrim tum ringawt te hi kei ka ngaihdan a ni miah lo a.. va mutthlu liam mai mai lah an tam.. inkhawm loh law law ngam zawk a fuh ka ti. Kan hlawkpui lem lo a nih chuan inkhawm loh mai tur… chutih rual chuan mi inkhawm leh inkhawm loh ah lo buai vak tum ta lo bawk ila… chaw ei te chu pum a luh sim sim chuan puar chu kan ni ve mai a.. khawvel chaw leh van chaw hi khaikhin a rem vek lem loh na lai a awm ang. Thil reng reng hi ngai a neih ve ngawt hi a awm thei bawk.
Inkhawm hi chu a inchhirawm loh tlangpui. Tin, kohhran awm chhan 1 pawh ani. Pathian bia a, in pawl ho turin. Kristian nun hi mal tlat chang chu awm tho mah se a hu hova Pathian biak chuan kan in chhem alh tawn thei.
Ka thianpa te biakin chuan an mutthlu ngai lo, setana hna thawh an tia, an mek kar zel.
Thu dang a lai chuan, buannelers nih aiin buannel pasaltha nih ka duh zawk ti deuh tlat teh ang.. hehehe
peih em em lo mah ila, Pathianni zan hi chu inkhawm ngei ngei turah ka ngai ve thin
inkhawm peih loh ni lovin ka HMAN LOH hun hian min la nang dawn. Tui a len laia dai ve mai hi kan tihtur a ni rih in ka hria