Dreams from My Father
Dreams from My Father: A Story of Race and Inheritance tih bu hi US President Barack Obama-an a nunhluite a chhui kirna bu a ni a. He lehkhabu hi Obama, African-American zinga Harvard Law Review president hmasa ber a nih hnu, politics a luhchilh hma si, kum 1995-a tih chhuah a ni a. Obama’n 2004 Democratic National Convention (DNC)-a Keynote Address a sawi hnu lawk , hemi kum vek 2004 hian tih chhuah nawn leh a ni a. Kum 2004 edition-ah hian introduction thar Obama’n a ziak a, senator a thlan tlin a nih chungchang leh DNC a a thusawi pawh bilh tel a ni bawk.
He lehkhabu hian fak a hlawh hle a, Nobel Prize pawh han dawng pha hial, Toni Morrisson-te; Time columnist Joe Klein te; The Guardian a mi Rob Woodard-te; The New York Times a mi, criticism vanga Putlizer Prize pawh dawng pha hial Michiko Kakutani te chuan an fak hle a. ‘Politician in ama chanchin a ziahah chuan a la tha ber ang’ tiin an sawi a ni. Toni Morrison phei chuan thuziak thiam a tih ber pawl chu Obama hi a nih thu a sawi hial a ni.
A CHHUNGTHU TLANGPUI:-
Ama chanchin a ziahah hian Obama hian Hardvard law school-a luh thleng a huam tir a. Kenya mi Barack Obama Sr. leh Kansas State-a Wichita khua ami Ann Dunham-te fapa niin Honolulu, Hawaii-ah a lo piang a. Hetih lai hian a nu leh pate chu Manoa-a University Of Hawaii-ah East-West Centre-a zirlai ve ve an ni.
Anu leh pate hi kum hnih chauha upa a nih, 1964 khan an inthen zui ta a. A hringtu pa hmel pawh chu a nute hrilh dan atanga a mitthla chawp vel mai mai a ni. Tumkhat dang chu a pa a hmu leh a, Kum 1971-a Obama Sr-an thla khat cham tura Hawaii a lo zin khan an inhmu leh a ni. Car accident vangin 1982 khan Obama upa zawk hi a thi.
Ann Dunham khan East-West Center-a zirlai ve tho Indonesia mi Lolo Soetoro chu pasalah a nei a, an chhungin Jakarta-ah an pem ta a ni. Zirna a that zawk avangin, Hawaii-a a pi leh pute hnenah a kir leh a. A hnuah a nu bulah a awm chho zui ta zel a ni.Punahao School-ah pawl nga zirturin a inziak lut a. Obama chu, chu sikula kal Asian-American zinga mihang awm chhun pathum zinga pakhat a ni a, he lai hmunah hian chi inthliarna (Racism) a hrethiam tan a, African-American nihin engnge a nghawng tih pawh helai hmun atang hian a hre tan ta a ni.
Obama hi pawl nga a nih atang hian High school a zir chhuah, 1979 thleng Punahao School-ah hian a lut a. Obama chuan ti hian a ziak a: “Punahou Academy -a ka han lut thei ringawt pawh chu ka pi leh pute tan chuan thil ropui tak bul intan chho a ni a, Kan chhungkua pawh a ti zahawm sawt ni hian an hria a, an hmuh apiang hi an hrilh mai a ni” tiin
High School a zawh hnuah, Obama hi Los Angeles lamah a insuan a, Occidental College-ah a inziak lut a, chuta a khawsak laia a nun dan chu, ‘party nun’ a ni a, zu leh ruihtheih thil nen a inhnuk hnawk nasa ve thin hle niin a sawi..Occidental-ah kum hnih a awm hnuin, Columbia University hnuaia Columbia College, Manhattan, New York-ah a insawn a, heta tang hian Political science a zir zo a ni. Graduation a zawh hnu hian Kum khat vel chu sumdawnna lamah an kal ve leh lawp lawp a. Chicago-ah insuanin, vantlang rawngbawl hnate a han thawk leh a. Hetah hian harsatna tam tak a tawk a, sawrkar lam hotu lian atang a ni leh zual. Heta a khawsak lai hian Obama hian Chicago khuaa Trinity United Church a zawm a ni.
Harvard Law School-a a luh hma chiah hian, Kenya rama an chhungte a tlawh a, he a zinna a a thil tawnte hi behchhana hmangin a lei khualzin kawng chanchin a ziah chu ngiahnawm takin a khar ta a ni.
He lehkhabuah hian Obama chanchin tluang pangai mai bakah, ama tawnhriatte behchhana hmangin USA hnam chungchang leh, hnam leh hnam inlaichinna chungchangte pawh fiah leh chiangkuang taka thlirna dah tel a ni.
A lehkhabu kawm thlalak vei lamah Habiba Akumu Hussein leh a pa Barack Obama Sr. naupan lai thlalak a awm a, A kawma thlaka dinglamah : Apu (Anu pa) stanley Dunham leh a nu Ann Dunham naupan lai thlalak a chuang bawk.
Hming phuahchawp:
An chhungkaw mi thenkhat te leh vantlang mi langsar tlemte tih loh chu a chhunga mihring hming engemaw zat chu phuah chawp a hmang a. Ziaktu tam tak chuan a lehkhabu a mi thenkhat te chu ama hriat chian tak tak te an ni a, hming danga hman sak a, chung hming dang a hmansakte chu a hnuaia mite hi niin an sawi:-
An nihna tak tak Lehkhabu a tarlan dan
Earl Chew Marcus Frank Davis Frank Loretta Herron Angela Emil Jones Old Ward Boss Keith Kakugawa Ray Jerry Kellman Marty Sohale Siddiqi Sadik
He lehkahbu hi Audio Edition a siam a ni bawk a. Audio Edition vang hian Obama pawhin 2006 Grammy Award for Best Spoken word Album a dawng hial a ni.
He lehkhabu hi Three Rivers Press-in an tih chhuah a ni a, Phek 442-a chhah a ni.
-----------------------------------------------------------------------
Similar Posts
- Hawh U, Chapchar Kut Website
- Pathian lehkhabu thianghlim
- Chanchin Tha Pathian thiltihtheihna – Lalmuanzova
- “Let us Share Vol-2” ah Mizo Pa hming a chuang.
- Sex video a hluar???
He thu hi Friday, May 1st, 2009 dar 10:51 am a Articles, Literature . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
obama hi mi phena ropuiah ka ngai lak lawh a, ka ngaihsanna zu nep tlat tawh a. Ama puala interview leh eng emaw a sawi nikhua hian a trawng a buh thei tlat
Tunlai chu Obama hmel hi ka hmu ning tlat anih chu…
HJ hei keipawh ka fapa in uite a ngen tlat a, chuan kan lei sak a, a hming ah Obama a phuah leh tlat pek a, a ninawm reuh lutuk..a zun leh ek ka thiar tlauh tlauh mai..mawza ilo pu kual chhen bawk..wire a hmuh ang a piang seh chhe zel bawk..Obama hi ka ning lutuk..
)