Corruption do chungchang Training ATI in a buatsaih chu May ni 39 khan ATI Conference Hall ah khar a ni a, Law & Judicial Minister Pu Lalsawta’n a hmanpui. He kharna hun tawite hi Pu K. Riachho, IAS, Director, ATI in a kaihruai a,Mizorama a hmasaber atan Group ‘A’ officer Department hrang hrang a thawkte puala corruption do chungchang training an buatsaih hi a zawngchhang thlak hle dawn a a hriat thu leh a tul dan a zira neih chhunzawm zel pawh tum anih thu a sawi.
Course Director, Pi H. Vanlalchuangi, Programme Co-ordinator in report tawi a pe a, rin ai daih a Department hrang hrang a Group ‘A’ Officer training chhim tuten phur taka an hlenchhuak thei chu lawmawm a tih thu a sawi a. Training chhimtu zawng zawng ten corruption do chungchangah bul tan theuh ila Mizoram tan hmelthar an siam ngei a beisei thu a sawi bawk.
Pu Lalsawta chuan thu sawiin corruption hi tun dinhmunah chuan a manhla em a, manchhuah ani bawk silo a, zah an la kai mah zawk a, chuvang chuan tirem tura beihpui thlak pawh thil harsa tak ani a. Amaherawh chu tihtak zeta inzirtirna nen a tan kan lak chuan Mizo Society ah kan tihrem theih ngei ka beisei a ni, a ti a. Minister hian Bawrhsapin Lamsuaka te thian dun a khaihlum khan misual an tim phah hle a, tun hunah pawh hian officer lian hlemhle te hi Central Jail ah tan tir nita sela corruption hi a ziaawm phah ngei a beisei thu a sawi bawk.
He corruption do training ah hian Sorkar Department hrang hrang atangin Group ‘A’ officer 21 zet an tel a. Mithiam leh corruption lama hmingchhe lo pawnlam atangin lecture pe turin engemaw zat an sawm a ni. An paper buatsaih te zir hoin training te hian hlawk an inti hle a ni. Training te aiawh a thusawitu Pu G. Malsawmdawngliana, Jt.Director, Industry pawhin duhthlanna mai ni lovin Sorkarin tihluihna in Department tin officer te tan hetiang training hi huaihawt se a duhthu a sawi bawk.
-----------------------------------------------------------------------
Similar Posts
- RTI Act, 2005 leh Information Technology hman tangkai chungchanga training
- MP inthlan tura inpuahchahna peihfel a ni ta
- VIP zah entirna kawngah police inthlahdah – CM
- Mit lam thiamte training neih a ni.
- Integrated Pest Management of Crops for Farmers of Mizoram
He thu hi Saturday, May 30th, 2009 dar 4:10 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Kan thianpa pawh Social Welfare hnuaiah Puanthui a training a, a chhuah hnu chuan a kawr leh kekawr te a thiat a thiat mai asin. Kan Group ‘A’ Officer-ho chuan a thiah hi an rawn thiam chhuak tuk mai ang e!!!!!!!
Mizorama corrupt ber chu officer-ho hi alawm dik tak chuan, anni hian eiru duh lo ta se, Minister tih ang velte tan chuan eiruk ngaihna a awm lo. Officer eiru thiam deuh phei chu an in pass chhawng diat diat a ang ka ti thin… eng party pawh ni rawh se… khang officer ho kha chu an lal em em reng mai anih hi. AN TI
Lo nui ve ringawt phawt ang…
peon pawh in an eiru tho..
A eiru zawng zawng ka sawi lo, eiru sim se ka tih zual ka sawi mai alawm. An pu ber a eiruk loh a, a hrem hmak hmak chuan peon tan eirukna chance a vang duh ngawt ang.
Mizo mipui tam tak eiruk sawisel2 ho hi eiru thei dinhmunah han ding ve ta chiah sela chuan za a 60 vel hi chuan an eiruk ve tho ka ring, chu ai pawh chuan ala tam mah ang. Mi rinawm tak2 hi kan lo vang em atin ni, han inchhui chiang tak2 ila chuan. Naupan tet atanga kan mizia hi a pawimawh berin ka hria. Tet lai atanga school exam naa thiante ta entawn duh miah lo, fail phah dawn pawh ni se Pu Gandhi-a ang deuha thiamlohna mualphopui ngam te hi naupang ho zingah hian vang tak an ni. Chutiang ang atanga seilian an awm anih chuan corruption laka fihlim tur pawh hian an rinawm nge2 ang ka ring tlat. Kan banphak maiah hian cheng nuai tel ho te a lak mai theihin han awm ta hlawm se, tlanchhe lo tur chu a tam zawk kan nih ngei ka ring tlat. Mizo mipui te ka timualpho ltk em ka hre lo, ka hmuh dan ani ve miau sia……..
Officer-ho hi eiru nasa ber an ni tih hi a pawmawm khawp mai. Bul tranna tur dik takah an tran anih hmel e. Ka chunga mi rawn sawi mi dangte pawn chance nei se an eiru ve tho vang tih khi ngaihdan awm thei tak anih rualin kan eiruk hratho a tipawng pawrh zawk thei ang em,inthiamlohna an neih nep phah angem tihte ngaihtuah a thra,office tlai pawh eiruk a ni tih tih pawh hi a trul lo,eirukna a tilangnep..
@chawngbawla, eiru thei dinhmuna kan din loh avang tak hian eirukna hi kan sawi theiah ka ngai. Tin, ‘cheng nuai tel ho tea lak mai theihin han awm ta hlawm se’ tih tak hi – sawrkar pawisa hi hotea lak mai theihin a awm lo, rukruin awlsam takin thil an ru lo. Hlauthawng tak, mi hmuh leh hriat hlau takin an ti thin zawk a ni. Kan rukru milian ho hian rethei pawisa an ru.
carey,i sawi dik..baal hmaa thringthri ngai lo tam tak an awm,eiru ho pawikhawih hi a mimir hian kan la hrefiah thiam tawklo emaw ni aw tih ngaihdan ka nei fo thrin..devlpmnt. an tih thruanawp nasatziate,aa a tam,mipuite hian hei aia eiruk kan huat a la ngaiin ka hria..sawi sep sep mai duhtawk lovin,vaihawla sawrkar pawh hi a kal dik fu dawnin a lang e,ka lawm angreg khawp mai.
@ carey, eiru theilo dinhmuna kan din avang hian eirukna hi kan sawi theih loh a ni e tih ziak a awm ka hre bik lo. amaherawhchu an dinhmun angah ding ve ta ila mi tam tak chuan an ti ve tho ang tihna lam zawk a ni. Tin, sorkar pawisa hote a lak theihin a awm tih ziak pawh a awm ka hre lo. Mahni hlawh pangngaia nuai tel khawl tur chuan kum tam tak thawh angai a, chu aia awlsam zawk chuan eiruk chuan a lak mai theih a ni tihna lam zawk a ni. Kan mihausa eiru ho hian hlauthawng taka eiru an nih chuan hlauthawng takin an eiru pawh ani thei e, mahse mipuiin an eiruk an hai lo tih erawh chiang takin an hria a, an zak miah lo bawk
Officer eiru nia kan hriat te hian an lo eiru reng reng hleinem. Hei chu mi in lawmthu sawinana min pek a nia, hei chu budget plan aia tlemin kan zo thei han pek let leh chi ani si lova, kan kawl ta mai alawm le, tih te ani deuh nawk ang. Eirukna do dawn chuan enge ‘eirukna’ hi kan hrilhfiah hmasak a ngai ang.
Tin, sawrkar hnathawk, eiru ni a kan hriat chu engtin nge hrem se kan tih. President hming sign hnan tawh hi ban ngawt theih ani si lova, a nasa ber ah suspend ta pawh ni se, a hnu ah a hlawh a la leh vek thova. Eng chu nge hremna?
A khawi te in an eiru te deuh mai niin a lang, chhangphut den (chhangban) zuarin vai buh an pawlh a, aieng den zuarin maida an pawlh a….chutiang zelin hlemhletna hian kan zoramah hian bu a khuar nghet tawh khawp mai, corruption te hi atraining a zawnga do chi niin ka hre lo, eiru an ni tih finfiah ngei te hi chu an phu tawk angin han hrem hmiah2 mai sela kum tam kan inhrem ka ring lo.
Khawtlang pawhin heng eiru ho hi chu kan endawng ngam pawh a hun tawh khawp mai. Khawpakhata (an khawhming chu sawi lo mai ila) an store keeper chu eiruk vangin an ban a, mahse kohhranah hruiatu a la ni reng a, YMA ah pawh a thusa pawl tak a la ni.
@biggie: Lak theihna dan a awm chuan ban theihna dan chua a awm ve ngei law’ng maw ka ti deuh. Dan lam hriate khan han sawi teh u, Sawrkar hna thawk eiru te hi ban theih an ni em?
Kan tih ve loh theih..kan tih ve theih loh… leh kan tih ve ngailoh thil ah hi chuan kan pawr viau zel.. kei ni ta ila tih hi kan ngaihtuah khan fo mai.. chanchinbu mi te pawh in mi eiruk te hi an ziak vak vak a.. rin ai in an ni pawh hian sum awmna lam hi an hre ve teh mai a nia..bill siam pawh an thiam ve litukz!
Thil hi kan do vak zel a, corruption do ai chuan corrupt loh tawp dan inzirtir se a hlawk zawk mai thei.
@triplestar, ‘ban ngawt theih loh’ tih ai chuan ‘ban harsa lutuk’ ti ila hriat thiam a awl zawk mai thei. Hman kuma zirtirtu nuar truma, kan minister-in,’A nuar chu kan ban vek mai ang’, ti a a vaupung te kha thu kawrawng ani tihna anih chu.
Corruption hi chu a tak tak ramah chuan DO harsa tak ani. Hausa sa emaw, eiru hausa tawhsa emaw, rinna lama chak fal deuh tan chuan DO a awlsam deuh mai thei. A hremna lam lekkawh thra ila, chu chuan min vawng ang. Corruption dona tur dan thra tak tak chu kan nei ngei nguai mai, Anti Corruption Branch te pah kan nei bawk. Mahse, DAN anihna tur ang tak a ENFORCE anih loh avangin a thei theiin kan eiru huai huai mai anih ber hrih hi maw.