Tunlai chu ka inti journalist leh tlat pek a, mipa ka hmuh dan ziah ka chak tlat, a hua hua in lo haw teh se, khawnge nula tin chin ka ni ka tih tawh kha! Ka huaisen ve tawk tawh tlat. 
Mipa han ti hluai mah ila, ka mipa hriatna chu mizo mipaah a limit tho tho a, tin ka hmuh dan ni miau hek haw thei pawh in ni chuang hlei nem. A tlangpui thu in Mizo mipa hi an rilru chhungrilah chiah an romantic in ka hria, amaherawh chu a tam zawk chuan, an romantic-na hi zuk ti lang chhuak ngam der lo a. Han tilang ngam se an hmeichhiate hi kan lawm dawn teh reng nen. Hai chhuak peih te tan chuan haichhuah hun chu a awm mahna, haichhuah vek vek erawh chuan tih chi tak chu a ni! An romantic kan tihna chhan pawh hi, Mizo love song tha zawng zawng deuh tho hi mipa phuah deuh vek alo nia. Hei hian a tlangpui thuin rilru lamah an romantic ruk veng veng ka ring tlat alawm.
Mizo mipa chu an inti mipa tlangpui, thil tha pawh tih duh se, mipa tihawm chi a an ngaih loh chu an ti duh chuang reng reng lo. PA loh hlau hian a rukin an phichung ru vek in ka hria. A lehlamah chuan an in tih PA na hi chhawr thiam chuan a tangkai fu, entirnan : hmeichhe tana harsa thil rit chawi tawrh tawrh nan te, kan sual ngam loh velh kan chak si velh tir nan te, sawi vek lo ang an lo fing var ve dah palh ang nge. An in ti PA kan tih rual rual hian zuk pangchang em em bawk a. Duatte hi phu hliah hliah in an in hria a, duat tura piangah an in ngai bawk emaw ni chu ka ti thin. Duat an lawm luatah hian em maw ni chu aw, tlangval naupangte te, tha tak tak te hian nuthlawi duatthiam zunah an uai thin le!
In ti PA hnuaia dah tur nge pawh ka hre lo, thil pakhat mak ka tih leh deuh chu, DIRECTION zawh hi an duh lo reng reng. Kawng an bo anih pawn an kal mawp mawp zel midang han zawh hi an tum ngai vakin ka hre lo. Mipa kawngbo pui chu zawt rawh ti a nawr sek an ngai zel nia, a bik takin phaia kawngbo hian an zawt duh lo zual in ka hria. Sawi duh ala tam lutuk zep thren rih ang min khaihlum an tum riau riau palh ang nge.
A hmawr bawk nan, Mizo hmeichhe tan chuan Mizo mipa hi in lo tha ber fo a, in la tha ber zel dawn bawk a. Tin, Khuanu remruat dan pawh a ni a. chuvangin inzir tawn ila, Mizo nunphung tha chhawm nung tur hian I tangrual ang u. Heng ka sawi te hi chu thil ho mai mai anih hi, hemi piah lamah hian kan ngaisang che u in, min enkawltu tur atan pawh kan duh ber che u a. Ruihhlo leh Thatchhiatna hi in bawih tir lo ula. Saw saw Mizo mipa anih saw ti a, kan hnamdang thiante bula chhuang taka kan sawi theihna tan han la thar teh u.
-----------------------------------------------------------------------
Similar Posts
- Mipa leh mipa – Zo Rap
- Engnge i ngaihdan ve
- Mizoram-ah mipa leh mipa inkawp 315 awm
- Mizo takin
- October Thla eng
He thu hi Thursday, May 28th, 2009 dar 9:01 am a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Gimme 5 HJ, mipa nge hmeichhia i nih hriat a har hle mai, ‘marawhchu thil pakhat chiang tak chu MIPA hrechiang tak chu i ni e. …. Mipa chauh emaw ni bik le.. duat phut, tupawh mai hian kan duh tak leh hmangaih(kan ngaihzawng ) te lak atang chuan kan phut vek a ni lawm ni le???? Lehlam atang chaua chhuak a nih chuan a famkim lovin inzawmna a ngheh theih a rinawm loh. Chutichuan(han ti teh hluai ila) pawimawh ni a lang ta chu: Hmeichhia te hi mipa ten i duat ang u, anni’n mipa an duat ve dawn tho avangin. ….
MHIP takin Hmeichhia tih hi ‘Minu’ tih ve mai a tha ka ti tawh, ka trang peih tawh lo. Mizo Mipa ten Minu hi Uite ang a chul nel hi tlawm ah kan la tlangpui, Hnamdang mipa te hian minu hi an chul nel peih bik, chu chu kan nula ten hnamdang pasal-a an neih chhan pawh a ni thin. HJ chul nel tactic hi a lo tha ber anih hi!!!!
Mipat hmeichhiat = mipat minut…
Ti tha lawk… Hmeichhiat mipat = Minut mipat (a nu hi kan soi hmasa thin).
Tite-a a fuh chiah in i hre lo em ni? A fuh loh chuan tawngkam dang kan chherchhuak mai dawn lawm ni? Tawngte chu thil nung ang ania, a thang reng tho alawm… Hmanahte chuan PHERH tih chuan, thil pherh duai bak rilruah a awm lova, tunah erawh chuan Mipa pawh in Pherh thei daih tawh asin!!!
HJ, kei chu dik ka ti thei lo ani, a thlakna lo zawng lo hram teh…
A sap tawng takin “Caring” an tia, hei hi hmeichhe ho beisei ber anih hmel. Kan duat tur pawh ani, amaherawhchu engnge “Caring” awmzia hi? Thil in leisaka in chul heuh2 vel ringawt hi caring a ni lo. In “care” dan chi tam tak a awm thei. Mizo mipa ten kan hmeichhia te kan care/duat dan hi chu a dan a dang deuh ani mai a, hmanlai atanga kan zia ve reng kha ania. Tlawmngaihna kan neih te hi hnamdang ho chuan an nei ve mang lo. Tunlaiah tlangval fel tak2 pawh an la awm hi maw…..
Pathianin hmeichhia leh mipain induhtawn a kawppui ni turin min siam a. Hnam leh chi bing te min siam in khawsa tlang lehin ngaina tawn turin min dah leh a(” I vengte hmangaih rawh” tih a nih kha). Chuvangin dinhmun zirloh vang emaw khawsakna in a zir loh vang a hnam dang nei ta te chu thu hran, a pawng a pui a mahni hnampui aia hnam dang kawppui tur a duh zawk leh thlang zawk te chu, Gay leh Lesbian ten an mahni ang(same sex) an thlang zawk ang hian mihring pangngai lo, pian fuh chiah lo ho tih awm a ni.
nep set set hlawm em mai a…
Pa leh pa loh chu “TEST’ ila a chiang ber an ti,
HJ chu sawi dik fu mai..caring tih khi ka chunga mi rawn sawi khi ka ngaihdan chiah,thil inleisak tih ang thuartham chu a hlu,mahse,sap leh mizo culture a hrang..hnamdang neih chhan ang thawthanga chhuah hi a diklo,hnamdang neite chauhthubarawh mai maiah ka ngai..ty.
Care a duh lutuk vang em ni.. tun thleng a TIN …. midang laka beisei tih san lutuk hi a fuh ber emawni.. engkim hi phak tawk leh thiam tawk a awm a..chu mai bak ah chuan nihphung pangai hi a awm.. mize hran hran nei vek kan ni a.. mihring hran hran ah in ‘caring’ sawi hian thawh dan hrang a nei vek.. mipa threuh threuh si hi Pathian hian personality hran vek min pe tlat. He mi kan mimal personal individual personality neih ve te hi, in thlak tir tum vak vak lam hi ka hrethiam pha ve lo a… “alexx lo romatik ve tawh rawh” min tih vanga romatik tak thut theih pawh ni in ka hre lo…
Caring leh ring loh vanga hnam dang nei tih vel hi chu chhuanlam dawrawm tak ni in ka hre tlat mai.. mizo mipa neih phak bak aia sang caring duh chuan.. an duh chu an nei mai ang chu.. chutiang tur reng a Pathian in caring tam zawk mamawh a a siam te pawh chu an lo ni mah na.. a eng hnam pawh an nei thei alom.. an thu.. kei chu mi pasal tur ah sawi sep ka neih a trulna ka ka hre lo.
Mipa miza i sawi tam tak hi hmeichhia tam tak ah a awm ve tho mai bawk.. kawng bo chungchang ah pawh kei ai in kan nu hian bo nih a hreh.. a eng pawh ni se.. i ngaihdan i ziak a ni mai a..kei pawh in ngaidan dang erawh ka nei ve. khati zawng kha tun atana chanchin thar kan rawn puan theih te chu a ni e…ka lawm e.. hahaa