Zalen : Mizoram hi football-ah hian kan dinhmun hi tha tawh viau angin kan sawi fo thin. Hma chu sawn viau mah ila, han chapopui tur kan la ngah lo hle. National Games-ah phei chuan football hi kan la khel pha lo hrim hrim a, heta khel tur hi chuan Santosh Trophy hi a pawimawh hle. Santosh-ah hian quarter final tal thlen phak loh chuan National Games inelnaah hian football kan la khel thei lo. Chumi thleng thei tur chuan MFA lam pawhin theihtawp an chhuah a, mahse, a player te berin Mizoram hmakhua an ngaih miau si loh chuan tih ngaihna a vang hle.
Tun tum Santosh atan pawh hian Mizoram Football Association chuan theihtawp a chhua a, a phak ang tawk tawk chuan hma pawh a la nasa hle. Services leh Railways a khel ni lo player tha te chu Mizoram tana khel tur hian a be hlawm a, I-League khel pha chin club-a khel te phei chu a be vek a, mahse, player tam tak chuan MFA sawmna hi an chhang hlawhtling lo. Indian football-a hming langsar tak tak kna nei a, mahse, tun tumah hian an khel lo deuh vek. Robert Lalduhzuala, Malsawmtluanga (Mama) leh P.C. Lalawmpuia (Tuaitea) te chu tun tumah hian MFA chuan Santosh khel tur hian a ngen vek a, mahse, anni hian an hman loh thuin an chhang vek. Tin, Chirag-a khel Lalmalsawma (Sawmtea) pawh Kolkata-ah rel a man hman loh chhuanlamin Mizoram team hi zawm ve ta lo bawk. Tuaitea hi tun tumah hian khel hman lo tur leh zin tur angin a insawi a, amaherawhchu, he tournament hi West Bengal hmingin a khel dawn a, anni hian an squad-ah pawh he Kolasib tlangval hming hi an tarlang vang mai.
India ramin football-a hmasawn tuma hma a lak mek vang hian state tin an tang hle a, chuvangin tun tumah hian India football player tha te chu an inlan kim hle, club tana inkhel te pawhin a ni telin an state team an zawm indawt zut a, mahse, Mizorama pawna inkhel te pawhin a ni telin an state team an zawm indawt zut a, mahse, Mizoram pawna khel Mizo player langsar te erawh an HAI tlat thung. Club lama an khelhpui te an state tana an khelh hman laiin anni chuan an khel ve hman lo, an club khelhna atana player thawkrim tak tak chuan an state tan a nih miau avangin hahchawl hman niin an inhre lova, keini player te chuan hahchawlh an duh. mizoram football dinhmun diktak atanga min khaichhuaktu tura ngaih kan football player ten hetianga chhuanlam min siamsak zel si chuan engtikah tak kan ram football hian hmasaw tak maw? Mizoram Football Association pawh hian ram leh hnam tana a nih chuan player te lakah hian a theih angin hremna pawh lek mai rawh se. Football inzawmna thukzia hi kan player te pawh hian hre rawh se. State pawna khel ni mah se, MFA hian a hrem thei tih te hi hre chiang se la, state leh state inelna hi AIFF hian a ngaihpawimawh ber a nih an hriat a tul tawh ani.
“Fam dairial pawh chang ila, kan sakruang Mizoram tan,” tih hi Mizo te thinlungah hian thar leh te se. Hetiang rilru pu footballer, ram tana eng pawh huam kan mamawh. Mi hausa hi a sum vang ngawtin mi hian an ngaisang lo, a hnathawh te, ram tana a tihah te an ngaisang zawk thin. Tuna kan player te hian Mizoram hi eng dinhmunah nge min hlan tawh le? Age group a hlawhtlinna te hi chu ropui viau mah se, a tak tak chu senior hi a ni si.
-----------------------------------------------------------------------
Similar Posts
- Red Ribbon Football Final Khaweng Laiin Khel Dawn
- Santosh Trophy ah kan la chak
- Farewell but not Goodbye Sir Bobby
- Zahmingliana Memorial Badminton Tournament zawh fel ani ta
- Capt. Samuela, Mount Everest lawnchhuaktu chawhlui kilpui a ni.
He thu hi Sunday, May 31st, 2009 dar 2:05 pm a NEWS, Sports . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Kan Mizo-ho telna club inkhel hi ka en tha peih tawh hlei nem. Mizo footballer-ho rawn lar chho, awmngaihna hrelo ho hi ka thlir peih ngang lo a ni. Ram/ hnam ang ngaihtuahnaah a thlengpha lo an mawl lutuk tlat..
A lo nih chu maw le! A zia lo hle mai.
An lova ngeiawm hlawm ve, kan lo ralkhat chhuan ve em em a, hnam dang te’n an ram tan khelh theih loh hlauvin theihtawp an chhuah a ni ngai a…Beckham-a atrang pawh hian inzir rawh se. Tin, MFA hian han hrem nghauh nghauh mai se rei an inla ngam lo mai ang.
EH!!! Kan footballer-te hian chhuan lam tha tak an nei ngei ngei ang. An thu leh hla ngaithla hmasa lo chuan kei chuan ka dem ve thei tlat lo. Mizo Mipate chuan Mizoram tana khelhte chu an chak ber fo ang chu. Football lam chu ka hre lova, kan nau pakhat hi boxing lama tui mi a ni a, India tan leh Mizoram tan pawh a chhuak nasa, mahse Mizoram Boxing Association-ho leh Mizoram Sawrkarin a tihdan hi a hriatpuitu ka nih ve ka ring. A lungawi thlak loh chang tam tak a awm ve fo bawk asin. MFA ho hian an lo lar tak hnu hian an bawh leh huam si em niang, an lar hma khan engnge an lo tih pui tawh? Ka rilruah chuan zawhna tam tak a awm, heng zawhna ho hi chhan anih hma chuan kan Mizo player-te hi ka dem ve ngawt thei lo a ni e.
MIzoram chuan 3-0 in Goa chu an hneh lo ta tlat mai!!! A pawi khawp mai defending Champion nge2 chu an khan lo deuh pawh ani maithei e. Kan Star player ho hi tel ta se result a danglam thei mai angem aw ka ti. Hetiang rilru hi an put ka lo ring lo asin mawle, a pawi ka ti hle mai.
Ka chunga mi sawi khi thil ni ve thei chu a ni tho mai, a chhan awmlo chuan in dem ngawt chi chu a ni chuang hauh lo mai.
Ti zawng hian kan ti teh ang. Mizoram tana khelh chakawm tur te pawn an siam thiam a pawimawh lawm ni ? Anih MFA ho hian heng kan player te hi engtiang chiahin nge an tanpui a, an chhawmdawl ? MFA hnuaiah hian emaw an telna, an inrawlhna, an thuneihna hnuaia inkhawlh hi achakawm teh chiam loh ani lo maw ? Tin Mizoram sorkar hian, kan ram tana khelh chakawm tur khawp hian tan la sela !
A va zialo thrin veeee
Dem or dem loh ngaihna pawh ka hre chiah lo…
Kan sawrkar pawh hian kan infiam mite hi an phu tawka chhawmdawlna an pek a tha khawp ang. entirna’n tun laia LPS profight a khatla tlangval Sanga, final khel mai tur pawh hi India ram aiawha Germany te pawh lo thleng ve tawh a ni a, tunah chuan SSA ah coach angin hlawh tlemte in a thawk a, a nupui fanaute chawmna a tan chuan a beitham khawp mai, kuhva chep te’n a inhlawh hram hram thin, a khawngaihthlak khawp mai.
An hman reng chuan Mizoram tan chuan han khel hram sela tha tur, ahnuah state dang hmingin an khel leh tho si a (pakhat phei chu).Khawvelah hian sum chauh kan um pohin engemaw chen chu a theih khop mai mahse hunlo la kalzel tur hi ngaihtuahve tur. Engtikah emaw (kum5 hnuvelah) chuam Mizoramah an haw leh ngei2 ang a chumi hunah chuan …..ka sawi zui tawhlo mai ang
Lol old trafford vel ah an khel pha ang tih a va hlauh om ve lol kauh a hnek in kauh hrim2 an duh lo bur ang …Sum an ngiat anih ka ring ” Kei ni start player a free in kan khel duh lo” an ti niang