Nikum 2008 -2009 chhung khan Vairengte Taxation checkgate duty ten Chhiah awlruk tumna bungrua Cheng Nuai 627.94 man hu an hmuchhuak. Phai lam atanga sumdawnna bungrua chhiah lakna chi mizoram lak luh tur reng reng chu Vairengte Taxation checkgate ah chhinchhiah thin niin, dan anga chhiah an pek ngei na turin bungrua lut reng reng endik vek ani thin a, nikum 2008-09 chhung khan bungrawphur motor 40861 he gate ah hian endik niin, nitin motor -111 he gate ah hian endik ziah ang anni a. heng motor hmanga sumdawng ten mizoram a sumdawnna bungrua an lakluh hlutzawng chu Rs 10,92,49,37,485 (1092.49 Crore) atling a ni.
Sumdawng te tana road permit an tih mai Way-Bill chu nikum chhungkhan he gate ah hian 59057 checked niin, chhiah chawi hreh avang a Way-Bill neilo a bungrua tlangpui tum leh Way-Bill in a huamchin bak bungraw dang chheprelh a awm thin avangin bungrawphur motor te chu avai a endik vek hman nilo mahse an rinhlelh zualpui nitin motor 2/3 bak an endik hman lova, chuti chung pawhin chhiah awlruk tumna bungrua Way-Bill neilo Cheng Nuai 627.94 man hu hmuhchhuah ani a, heng te hi a neitu ten dan anga Way-Bill an siam leh hnuah pek kir lehthin anni a, Vairengte Taxation checkgate hi awm lo ta se, hetiang zat bungrua atanga chhiah a lak tur mizoram sawrkarin a chan dawn ani.
Heng bakah Taxation dan No 61(5) in a phalsak angin vairengte Taxation Checkgate atang hian dan bawhchhia te hremna an chawi tir zat chu Rs 6,63,366 a tling a, Dan lova sumdawng thenkhat te bungrua an mansak, a neitu ten an lam tak loh avang a lilam (Auction) na atangin Rs 24,200 hmuin, Ruihhlo chihrang hrang bungraw kara zehruk Zu – Um 904, Beer Um-144 leh Khuh damdawi -653 nikum chhung khan manin thuneitu te hnenah an hlan bawk a ni.
-----------------------------------------------------------------------
Similar Posts
- Enforcement chauhvin receipt an pechhuak
- Vairengte Bazar
- Vairengte Excise te chetha
- Dan lova Red Sander wood phurh lum tum
- Vairengte Coordination Committee Thuchhuah
He thu hi Sunday, May 24th, 2009 dar 2:24 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
An in siam rempui te nen, a vaia belhkhawmin engzat nge ni ang le??????