Mizoram ah lirthei a pung chak hle a hemi rual hian a bikin tunlai hian lirthei ke 2 nei chetsualna a thleng tam hle niin thu dawn a ni. Mizoram ah lirthei a pung chak hle a, tunhnai chho ah phei chuan lirthei hi nitin 20 vela pungchho anga chhut a nih thu kan palai chuan a dawng a, a bikin zan lam ah lirthei ke 2 nei chetsualna tunhnai ah a thleng zing hle a, June ni 28 Pathian ni zan mai pawh khan kan hriat theih chin ah hmun 4 lai ah lirthei ke 2 nei chetsualna hi a thleng a, Aizawl civil hospital lam ah pawh lirthei ke 2 nei chesual avanga lut an tam thu dawn a ni bawk.
Hetihlai hian lirthei ke 2 nei kahlhtu thenkhat ten khawpui chhung chu intlansiakna atan an hmang niawm fahrana an tlan chak thin avangin Traffic thuneitu lam chuan tunhnai khan khawpui chhung ah lirthei ke 2 nei intlansiak phal a nih loh thu thuchhuah siamin an lo tarlang tawh a, lirthei a tam tak em avang hian khawlaia ke a kal mipui tan pawh fimkhur a ngai hle a, kawngpui kan tur upa lam tan phei chuan Traffic police te puihna tello chuan kawng kan pawh a harsa hle tawh a, hemi avang hian Traffic thuneitute chuan lirthei khalh tuten an thu leh hla an ngaihchan a pawimawh thu leh fimkhur a tul thu kan palai an hrilh a, lirthei ke 2 nei khalhtu tam tak ten side class tel lova an khalh chhuak thin hi dan kalh a nih avangin hei hi Strick zawka kalpui an tum thu sawiin July ni 6 atang hi chuan side Class vuah lova khalh chhuak te chu Action lak a nih tur thu leh hemi hma a side class vuah vek tura an an hriattir thu Traffic thuneitute chuan kan palai an hrilh bawk ani.
-----------------------------------------------------------------------
Similar Posts
- Krismas leh Kum thar borual Traffic SP in thlirlet
- Side glass vuah a ngai, side glass bo a tam
- Ride safe & Good rider Programme
- Bus leh bike insu
- Aizawl traffic a buai tual tual?
He thu hi Monday, June 29th, 2009 dar 4:18 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Side Glass vangin chetsualna a tlem phah an ring tihna em ni?? Nep lutuk, thil dang ngaimawhawm zawk a tam tehreng nen!!! Speed limit, Overtaking, Parking etc etc…