Tunlai hian Police te chuan ILP neilo dap hna an thawk a, vawiin June ni 29 khan ILP neilo hnamdang mi Mizoram a awm mek mi 19 te chu Court ah an hruai a ni. ILP hi Hnam tlem leh humhalh ngai te humhimna atana sawrkarin a hman mek a ni a, dan ang taka ILP neia hnathawk hnamdang mi tam tak an awm laiin ILP nei lova dan lova khawsa te pawh an awm thin avangin police te chuan a dap chhuah hna hi an thawk thin a ni.
………………………..
Mizoram Mirethei Movement chuan thuchhuah siamin Municipality Act an duhloh thu sawiin tun ah hian Municipality Act hi tlangzarhna awm si lovin Tax lak tan a ni an ti a, an duhloh thu sawiin Hnam inchimralna leh retheite rahbehna kawng zau takin a in hawng tana an ngaih thu an sawi a, Sairang thlenga rel kaltir pawh an duhlo tute zinga an tel thu sawiin sawrkar chu a thiltih tur ngun taka ngaihtuah nawn leh se an duh tih an sawi bawk.
……………………………….
ZNP chuan thuchhuah siamin Serlui B Hydel project a Copensation sem chung chang ah Enquiry Commission hial din a ngai ta hian zangnadawmna pek chung chang ah thilfel tawklo awm tih a tilang chiang a ni tiin Enquiry Commission Pu S.L Sailova kaihhruai an rin tawk thu an sawi a, thil diklo a awm a nih chuan tunhma anga zuzi mai lova, sawrkarin a tihtur dik tak ti turin an phut tih an sawi a, He Projet bul tan atanga tun thlenga an huan leh ram an chan tak te hriatpui a, a tuamdam zo ngei ruahmanna siam turin Mizoram sawrkar an phut tih an sawi.
-----------------------------------------------------------------------
Similar Posts
- Oil leh Gas zawng ten kan ramah beiseina an nei sang
- MICLUN in Feb. a lohal zawh vek chu tha an ti lo
- Bangalore-Ah House Hmun Tur Lei Kan Tum Ngai Lo:MPCC
- Sawrkar Hnathawkten 6th. Pay La Dawn
- MZP in dan diklo a Chakma awmte dapchhuah tum
He thu hi Monday, June 29th, 2009 dar 6:13 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
