Kum 2010 KTP General Conference Organising Committee Vawi 6-na chu tunhnai khan DC Conference Hall, Mamit-ah neih a ni a. He nun hi Pu John Rotluangliana Deputy Speaker, Bialtu MLA ni bawk leh he Committee a Patron ni bawk in a hmanpui.
He meeting ah hian Committee Members te an tel tha hie a.Thusawiin Pu John Rotluangliana chuan Organising Committee te’n kawng hrang hranga he khawmpui hlawhtlinna tura in lungrualna leh thawhhona tha kan neih a pawimawh a, mikhual lo dawnsawn danah te leh kawngtin rengah hawihhawmna thinlung nen kan chet a tul thu tarlangin he khawmpui hian thalai te rilru-ah nasa taka a tha lam hawi zawnga rah a chhuah ngei a duhthu a tarlang a ni. Pu John-a chuan hei hi District tan pawh darthlalang a nih thu sawiin a hlawhtlinna turah pawh Department hrang hrangte pawhin theihtawp chhuah turin a ngen bawk a ni.
Khawmpui hlawhtlinna tura sum leh pai ngaihna-ah senso tam lo thei ang bera hmalak a tul thu sawiin Sub-Committee hrang hrangte hmalak tawh dan report te a ngaithla a, theihtawp a hmalakpui a in huam thu a sawi bawk.Deputy Speaker hian khawmpui in buatsaihna atan MLA Fund atangin cheng nuaih nga (5 lakh) inhlawhnan a ruahman sak tur thu a sawi bawk. He Organisnig Committee Vawi 6-na Pastor C.S. Rila Chairman kaihhruai ah hian Sub-Committee peng hrang hrang 14 ten an hmalak dan report an pe a, khawmpui in buatsaihna atan sum ruahman cheng nuaih sawmparuk hmuh dan turte an relho bawk.
Pu John Rotluangliana hian Mizo Venga Presbyterian English Medium School a tlawh bawk a. Naupangte leh zirtirtute bakah School thuneituten an lo dawngsawng a an mamawh a hnena an lo thlen te chu Deputy Speaker chuan ngaihthlak sakin theihtawp chhuah pui a turn thu a hrilh a ni. He school ah hian Kg I atanga Class-IV thleng zirna awmin kum 2005 a din a ni a tunah hian zirtirtu pasarih leh zirlai 150 an awm mek a ni.
Deputy Speaker hian a hawn pahin Rawpuichhip khuaa sorkar hmun pawimawh hrang hrangte leh zirna in te tlawhin chipchiar takin a fang nghal bawk
-----------------------------------------------------------------------
Similar Posts
- John Siamkung’an enquiry committee atang banna theh lut
- Minister-te Khual Lian Zat
- Ni 2 awh tur MHIP khawmpui tan a ni
- YMA khawmpui thleng tur Darlawn an in peihfel
- World Record siam tumin hma la
He thu hi Monday, June 29th, 2009 dar 2:51 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Nikuma Bilkhawthlira neih a nih tum khan ka kal hman lova; nakum chu kal ngei ka tum ang.