Kumin 2009 hian Mizoram-ah Sikserh vanga thi an pung nasa hle. Hemi chung changa sawrkar thuchhuah in atarlan dan chuan tunlai ruah sur zeuh zeuh leh nisa in boruak hnawng a siam a, he khaw lum leh hnawng inchawhpawlh hi thosi inthlahpunna atana duhthusam a nih avangin thosi a pung duh hle a, thosi a tam chuan Malaria pawh a tam thin.
Kumin Jan – May thleng Sikserh vanga thi mi 44 lai an awm tawh avangin Sikserh laka inven hi mipuite’n ngaipawimawhin khawsik, Sikserh vei nia inringhlel chuan mahni veng emaw khua a FTD/ASHA/ Sub-Centre pan vat in, a thlawnin thisen exam tir tur a ni. Sikserh veite’n Malaria damdawi an ei ngei tur a ni. Sikserh vanga thite hi mahni inenkawl har vanga thi an ni tlangpui. Sikserh do nan DDT Second Round kah mek a ni a, kah tura thlan bik khua-ah te hian ngun taka DDT lo kahtirin mahni inchhung, a bik takin mut pindante kah tir vek tur a ni. DDT hian thosi banga bet a tihhlum avangin zan laia thosi min sehtuturte lakah mi a veng thin. Kum dang anga Mizoram pumpuia DDT kap tawh lovin, Sikserh tamna khuaah te chauh DDT hi kumin April atang khan kah tan a ni. DDT hi thla thum chhung daih tura ngaih a ni. Hemi bakah hian Sub-Centre-ah, office hun chhungin thosilen damdawi in a chiahtir theih a, zan mutna-ah thosilen zar tur a ni tih a tarlang a.
Kum 2005 atanga 2009 May) thla thlenga Malaria vanga thi zat leh vei hmuhchhuah dan dinhmun chu
Year Malaria Positive Malaria PF Thi zat
2005 2390 1276 38
2006 2225 1401 38
2007 1192 754 38
2008 1220 909 11
2009 1810 1308 44
-----------------------------------------------------------------------
Similar Posts
- Chanchin thar lawrkhawm
- H1N1 vangin Mamit tlangval a thi
- Chanchin thar lawrkhawm
- Chawhchawrawi
- Puarpawleng- Lalmuankima fanai pakhup
He thu hi Monday, June 29th, 2009 dar 6:40 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Sikserh hi total prohibition khan a huam lo mi? hehehe…..
sorkar hian tran la teh se… 21st century a Malaria a la thih deuh reng mai hi chu…. a fuh chiah lo ni!!!!
Hmanni deuh khan Tata Institute of Fundamental Research (TIFR), Mumbai a scientist pakhat, Malaria research ti mek pakhatin min hrilh danin malaria hrik pai thosi (anopheles) hian zan lamah deuh chauh mi a seh thin ati. Zan lama inven ngun, mutna a thosilen zar uluk te hian engemaw chen chu a him phah theih niin a sawi.
Malaria kan vei chhan hi kan inven thrat peihloh vang a ni fo mai..taima taka thosilen zar etc..a pawimawh hle a ni..