MNF party thuchhuah chuan Tunhnai khan MPCC Vice President Pu. Hiphei Ex- MP leh ahote chuan New Delhi ah kalin AICC President Pi. Sonia Gandhi leh Prime Minister Dr. Manmohan Singh te hmu in, Autonomous Dist. Council Pathum tan Direct Finance an dil a, hlawhtlin ngei inring in an hlim hle rualin Hnam pawikhawihna lian tak ani an ti.
Thuchhuah chuan Autonomous Dist. Council hruaitu te hnen atanga thu an dawn danin tun tum MLA inthlan dawn khan Pi Sonia Gandhi chuan chhim lam a tlawh tum khan, Congress in thlantlin chuan Autonomous Dist. Council ah Direct Finance kan pe ang che u tiin alo tiam a, hetia Dist. Council pathum ah leh Mizoram leh Central ah Congress an sorkar takah chuan Pi. Sonia Gandhi in alo tiam tawh angin Pu. Hiphei leh Council hruaitu te hian an bawhzui ta niin an sawi a, hetianga Mizoram Pradesh Congress Comtt Vice President nilai mekin Mizoram sorkar kaltlang lova, Central a, Direct Finance ama hova an nawr ta mai hi MPCC President Pu Lalthanhawla leh a Sorkar hian a hriatpui em, nge ama remtihna a heng thil te hi ti annih tiin zawhna an siam a.
Pu Hawla hian Opposition a a awm lai khan Mizoram hi Inches khat pawh sahthlak kan phal lovang alo ti tawh ni a sawiin sorkarna achan hnu ah hian Lalna aduh luat avangin athusawi thin kha azuk leh ta mai em ni an ti a, Direct Finance an nih chuan Autonomous Dist Council te hi Mizoram Sorkar thuneihna piah lamah an awm dawn tihna ani a, UT ang anni mai dawn a hei hi Hnam pawikhawihna lian tak ani an ti. Thuchhuah chuan Congress Party hian aphal tak tak em ni ? MNF Party chuan kan phal ngai dawn lova, Mizoram leh Hnam inpumkhatna atan kan thawk zel dawn ani an ti bawk.
-----------------------------------------------------------------------
Similar Posts
- Rahul Gandhi a lo zin
- Sonia Gandhi Aizawl ah
- MPCC in MPC pawl khat ho thiltih chu an dinhmun nen awm an tihpui
- AMC Hruaitu Tur In Thlang Fel
- Annual Budget hi a pun tam lam aiin a hman thatna lam kan ngaihtuah zawk – CM
He thu hi Friday, July 31st, 2009 dar 5:54 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Direct funding hi Sonia Gandhi Politics lam thuneihna atanga in pek ngawt theih ani lo.
Ka ram riangte hi thendarh ka phal ngai lovang(ka thuneihna nise). UT dil lam phei chu heng Dist. Council lam hian an amen zawng tak a nih ngei ka ring.
Direct Finance an hmuh theih chuan Mizo Nation tan thil pawi ni lovin thil ropui tak ani zawk lo’ng maw… La rethei/mawl leh harsa tak tak tan a kawng inhawng chu Mizo hnam tan thil tha tak ani zawk dawn lawm ni? Nge? Heng Council te hi Mizo Hnam ah kan chhiar lo? Engvangin nge an hma a thil tha tak awm chu kan lo ngaimawh viau tak mai le?? Zawna
Direct funding anih chuan financial independency ani phawt ang a, chu chuan UT dil lamah pawh kawng a hawng zau ngei ang, thil tha lo tak ani..State Govt Zoram hmangaihtan chuan phal chi aw zawng ani lo ..
Pu Hiphei a pawh hi Ex MP ve lai si, MLA chu sawi loh Mara Autonomous District Council ah MDC ah pawh a tling zo tawh lo, a tla tlum tawh lo va, kaw dang a hreuh kual vel mai mai anih hmel e.
Pu Hiphei hi MP a nih laia Calcutta/Delhi nula pawngsualtu an tih kha ani em?
Chanchinbu pakhat hemi chungchang ziahna pawh an hralh chhuah hmain a lei zo vek an tih kha ani em?
@Ven va hrechiang ve a,,Vai ho in an lo bum kual vel anih leh dawn chu maw le,,an lawm ve em em aaaaaaaaaa,tih kha minti hrechhuak..hahahah