Hachhek Constituency Jt Action Committee chuan thuchhuah siamin Tripura atanga bru lokir turte chu tunhma a an awmna khua theuh ah awm se an duh tih an sawi. Thuchhuah chuan Kum 10 chhuang lai Bru mipuiin Tripura State a an awm hnu in tun ah hian, April 26, 2005 a Mizoram Sawrkar leh BNLF/ BLMF te inremna ang in Mizoram a lo khawsa thin Bru te lo kir dan tur chung chang ah in dawrna a kal mek a ni tih hria in July 6, 2009 khan Hachhek Constituency chhung a Village Council 20 te aiawh, Taitesenna Group YMA leh Langkaih Group YMA zawng zawng Hachhek Constituency Development Committee leh MZP Hqrs Zawlnuam hruaitu te Zamuang khua ah an in hmu khawm tih an sawi.
Hetah hian Mizoram an thlir ho va, khaw tin leh pawl tin aiawh te in biakna an hriat theih chin chin an thlir ho thu leh, khaw tin leh pawl tin te ngaih dan thawh khawm in ngun tak a an sawi ho hnu ah Mizoram a lo khawsa thin Bru te Tripura State atang a Mizoram Sorkar in laklet a tum mek na ah Bru hruaitu ten an khawsakna Hachhek Constituency chhung a khaw riat an rawn thlan te hi Village Council 20 te aiawh, Taitesena Group YMA leh Langkaih Group YMA hruaitu te, an hnuai a Branch YMA zanwg zawng, Hachhek Constituency Development Committe leh MZP Hqrs Zawlnuam hruaitu te chuan tha kan ti lova, Mizoram an chhuah san hma a an awm na khaw ngai ah theuh dah leh ni rawh se tiin an pass tih an sawi.
-----------------------------------------------------------------------
Similar Posts
- TAITESENA GROUP YMA PRESS RELEASE: Dt.31.4.2009
- Mizoram khaw fai 5
- MPCC thuchhuah leh fb a Zoram tan groupa thu post vangin FIR
- CYMA in HPC(D) chairman biak tum
- Bru ten phut an nei
He thu hi Wednesday, July 8th, 2009 dar 6:55 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
