Kumin April ni 11 a Tripura Hel National liberation of tripura ten an man ni a in sawi Lallawmzuala,apa Rualzuama Aizawl Dinthar veng leh a thian dang pathum te chu an chhuak fai tawh a Nimin July ni 12 Pathianni khan Lallawmzuala leh Zoramnghaka west phaileng te chu Aizawl rawn thlen pui an ni.
Lallawmzuala chuan Krawsmuana nen April ni 11 khan NLFT te hian an man niin a sawi a, an thiante dang Zoramnghaka leh Pachhana te chu an mahni an ngaihven na lamah man an nih thu a sawibawk.NLFT In an man ni a insawite hi an vai hian Bangladesh-a Chipui khawchhuak vek an ni.
Lallawmzuala chuan man dun an nih avangin Krawsmuana nen an dah dun thu leh,amah chu chiahpuam chungchangah thu an zawh fiah thu leh a thian te chu case nei lo tiin a hrangin an dah thu a sawi bawk. Lawmzuala hian April ni 8 khan Aizawl atangin damdawi (perfect), torchlight box 3, dist TV leh set 1.leh Geletine tlawn 100 hralh tura a ken thu a sawi.
Lawmzuala chuan a man tuten Mizoram sawrkar thu a man an nih dan leh Chiahpuam-a hming lar tak Vanlalzapi nen eng anga inhnai nge an nih an zawh hmasak ber thu leh Vanlalzapi chu (a putea fanu) a nih thu a hrilh thu a sawia,NLFT te chuan Bangladesh-ah hlawhfa ruaiin pawisa an phur thla nia ngaiin NLFT chuan an lo man ta mai niin a sawibawk a ni.Lawmzuala chuan NLFT-te chuan Chiahpuam pawisa awmna chiah an zawh thu leh nihnih chhung chu nasa taka an vuak thu a sawi a, a thih mai a hlauh vanga Aizawl Dinthar thlanmual-ah Zapi pa, Malsawmzuala nen phum anga in sawiin, dawt a hrilh thu leh chumi hnu rei vaklo ah a man tu te chuan Dinthar thlanmual thlalak fiah vak lo chu an entir thu leh an pawisa phumna lai kawk tura an tih hnu ah, a awmna tak ni awm a hrilh tak loh thu a sawi bawk.
NLFT te kut a tanga tlan chhuak ni a in sawi Zoramnghaka chuan NLFT ten an man chhan ber chu Chiahpuam pawisa cheng nuai 80 vel thukrua puhin pawisa an thuhrukna an hriat duh vang niin a sawi bawk a. Amah pawh an dawpna lamah kut an thlak nasat avangin dawtin an thuhrukna chu sawi ta mai niin a sawi bawka an thuhrukna hmun erawh West Phaileng ramah a nih thu a sawi thung a ni Zoramnghaka chuan NLFT hian Mizoram police CID SP man tir an ni tih an hrilh niin a sawi thung a. Lawma chuan ‘Mizoram government’ man tir niin min hrilh a ti thung. Zoramnghaka hi Lawmzuala Nupui amngaii unaupa a ni.
Hetianga Chiahpuam chungchanga man nia an insawi leh, Mizoram Police CID hming a lan avang hian nimin khan Lallawmzuala leh Zoramnghaka te hi police te awmlaiin thuthar thehdarhtute chuan a hrang ve ve in an kawm a ni.
He inrukbo chungchangah hian Lawmzuala nupui Lalramngaii chuan Home Minister R Lalzirliana hnenah July 9 khan NLFT-te’n an pasal chu chhuah a nih theihna tura hmala turin a lo ngen tawh a. Superintendent of Police, CID (SB)Pu. C Laldina chuan hmalak vak ngaihna awm lo mahse, Bangladesh Chhippui khuaa Tawnliana chu a biakpawh thu leh, lo ngaihven tura a ngen thu a sawi a.chutianga an hmalakna ah chuan July 9 khan NLFT chuan Lawmzuala an chhuah thu Pu Tawnliana chuan SP CID chu a rawn hrilh thu a sawi.,Lallawmzuala lam tur hian Aizawl atangin DSP hova kalin nimin zing dar 2 hma hret khan Mizoram chhung Hnahva khuaah an inhmu a, Aizawl an rawn phur thleng ta a ni.
CID-te’n nimina Aizawl an rawn thlenpui hian Police mipawimawh te leh Chanchinthar lakhawmtu thenkhat ten an lo dawng sawnga,CID lam chuan langtlang taka thu kalpui an duh laiin a nupui Lalramngaii pawh an hrilh a,Nimahse Ramngai hian a pasal hi a ngaihven lem lo aLawmzuala thil awm dan sawipui a nih chhung hian a hmel hmuh tur a awm lo a ni.
-----------------------------------------------------------------------
Similar Posts
- Chiahpuam Case-ah Police an khawng zual sauh dawn
- Chiahpuam Sum Chheprelha Rin Hnamdang Mantir
- SPLA hel inpe mi 64 Aizawl an lo thlenpui
- Pawisa lem man
- Chiahpuam depositor ten Jubileethangi In an luhchhuak
He thu hi Monday, July 13th, 2009 dar 5:48 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
An thusawi hi rintlak tak maw!!!
A phenah hian engemaw inthukru a awm ka ring tlat kan sawrkar hotute hian a zung chawpin han kar phawng vekse, hel, inrukbo etc. tih vel hi abo mai ang.
ka awih nih niah lo e a.. te lo ti ve ngawt ila.
Kei pawh he thil hi kan chhut chian a ngai khawpin ka hria NLFT ho hian an man tak tak a nih chuan he tiang mai mai hian an chhuah ka ring lo, a chhan chu an pawisa phumna Dinthar thlanmualah tiin dawt a hrilh a, a pawisa an hmuh hma chu an chhuah ngawt lo vang. CHIAHPUAM SUM hi chu a duh duh hian phawrh chhuah sak zel thei i la an ta a ni bik hlei nen. VANLALZAPI te chhung hian Cheng eng zat nge tlanna sum hi an sen ang le, an seng lo a nih pawhin eng GAME eaw chu an plan a ni mai lo maw COLLECTOR lian ho hi chu tun atanga kum 5 hnuah chuan an che lian tawh ngawt ang. Mipui lah kan dawi si kan sawi liam leh mai mai ang chu.