July 29 zinga computer a chanchin thar an ziak zingah chuan ngaihven bik riau mai ka nei a. A tawi zawngin lo sawi ta ila. Hmeichhe naupang kum nga mi Phoebe thil ngaihtuah chhuah chu a kum ngaihtuahin “pui tak” a ni tawp mai. Hetiang ngaihtuahna a lo neih chhan chu, a nu leh pate’n Pre-school a dah tura motor-a an hruai laiin, mi pakhat ei tur nei lovin kawng sir atangin tanpui a lo dil lai a hmu a ni.
Chutianga tanpui ngaite tanpui a chak danzia chu a sawi chhuak ta a. San Francisco khawpuia Food Bank a thuneitute pawh a bia a, anni chuan an lo phur pui a. An zirtirtute zinga pakhat chuan an school hotute hnena dilna tur ziak dan turte a ruahman pui a. Mi tam takin an phur pui a, $33,624.00 hu lai chaw an khawn khawm a, chaw ei tur thleng 17, 971 lai hu a ni, mi 17,971 ei khawp tihna a nih chu. A ropui hle a ni.
Naupangte hian a tlangpui thuin nu leh pate hnen atangin pocket money an dil a, ei tur chi hrang hrangte leiin, an mamawh vak loh pawh an ei riral mai mai a, chhungkaw neinung vak lote tan phei chuan an fate thil chip neuh neuh tur leina tur hi phurrit a tling thei a ni. Chuvangin naupangten nu leh pate hnen atanga pawisa hman tur dil emaw aiin an aia tlachham zawkte tana pek khawm turte an ngaihtuah theih dan turte hi zirtir an mamawh hle a ni. Bible-ah pawh khan Isua thusawi ngaithla tura lo kal khawm mipuite zingah khan rawlthar pakhat chuan a chawfun chhangper panga leh sangha pahnih kha phal taka a pek kha, mipui sang tam tak tlai puar nan Isuan a tih pun sak a.
Hetiang thil makte pawh hi hman laia thil thleng thei kha a ni a, tunlai pawhin a la thleng ve thei em em tih ring ila. Kan fate thinlungah hian hman laia mamawhte pe theitu khan tunlaiah pawh hian a pe thei reng a ni tih kan hriat thiamtir a tul hle a ni. Naupang tete te hian Lalpa hnaah tihtur pawimawh an nei thei a, chhandamna kawnga hruaitu pawh an ni thei a, mite hnenah van in kawngte pawh an kawhhmuh thei a ni.
Women’s Ministry
-----------------------------------------------------------------------
Similar Posts
- Masi chu kan hmang zo leh ta der mai…
- Chhungkua
- Ka tawngtaina
- A Tawk Lo – F.Chaltluanga, Salem Veng
- MPSTA in chaw sem tawhlo an ti, MSU in pawi ti
He thu hi Thursday, July 30th, 2009 dar 3:12 pm a ETC . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Hei chu mail-ah ka dawng ve tlat.
Tum talh talh te chanvo a ni e hlawhtinna hi tih hi ka sawi theih tawk a ni e
Women’s Ministry hi in tih lar an tum eeeee ka ti,,no offence,,,lolzzzz