Synod Mission Board hnuaia Karbi Anglong Mission Field, Diphu High School-a zirtirtu hna thawk mek Nl. Hmangaihsangi chu Malaria PF/Mitliam (jaundice) natnain July 28, 2009 (Thawhlehni) zan dar 6:15 khan Diphu Hospital-ah a thi.
A Chanchin Tlangpui : Nl. Hmangaihsangi hi Upa H. Lalsawmliana leh Pi Englianpuii te fa hming koh ni turin October 1, 1979 ah a piang a. Sialsuk khua atanga seilian a ni. Thiamna lama M.Com a zawh hnuin kum 2006 khan Synod Mission Board hnuaia Missionary turin a inpe a, Missionary Training Centre-ah Pre-Service Training Course bei turin kum 2006 khan a lut a. Kum 2007 atang khan Salem Boarding School-ah a thawk a. Kumin (2009) khan SMB chuan, mi thiam mamawhna a nasat vangin, Karbi Anglong Mission Field hnuaia Diphu High School-a thawk turin a sawn thla a, hetah hian a hun tawp thlengin a thawk zui a ni.
Nl. Hmangaihsangi hi mi taima leh thahnemngai taka hna thawk thin a ni a. July 26, 2009 (Pathianni) khan a khawsik deuh thu sawiin a awm a nuam lo tan a. Thawhtanni-ah pawh sikul a kai peih lova, Thawhlehni Chawhnu dar 1 velah Diphu Hospital-ah an hruai a. Malaria PF hrik an hmu a, enkawlna pek nghal a ni. A hnu lawkah jaundice a vei tih hriat zui a ni a. Zan dar 6:15 velah a rawngbawlsak a Lalpa hnenah min lo hawsan ta a ni. Nl. Hmangaihsangi hi a pianna leh seilenna khua Sialsukah vawiin (Ningani) hian Rev. R. Ramdinmawia, Karbi Anglong Mission Field Secretary-in a vuiliam a ni.
* source Synfo. 30th. July 2009. Nula Pathian tana nun hlan hi a fakawm em a, ka rawn dah lang anih hi.
-----------------------------------------------------------------------
Similar Posts
- Nl. Lalhriatzuali hriatreng nan.
- PC Girls’ School Day
- Inkawp lo chi inkawp zirchiang dawn
- St. Charles Convent School Zirtirtu Lakah Naupang Pa-in FIR Thehlut
- Synod Social Front Consultation
He thu hi Thursday, July 30th, 2009 dar 6:23 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A va han lainat awm ve le. A kalsan tak a chhung te Pathianin awmpui mawlh rawh se.
May her soul rest in peace
Mizo zingah hian mipa aiin hmeichhiate hian missionary atana kohna hi an dawng tam zawk emaw ni dawn le?
Malaria tih fo mai, enkawlna tha zok te poh awm ve sela! Diphu phei cu thingtlang kho thing poh ni mang si lo. Ka thn hi a rim ane.
Dei!
A lei hringnun chu vuiliam a ni dawn ta, mahse mithianghlimte chawimawina lawmman hmutur leh hmutlak a ni hi a chhuanawm e, ni e, mipa rilru khauh ai chuan hmeichhe rilru nem hi an tam zawk tlat. Ngaihtuahna a ti thui khawp mai
Aw ava pawithin tak em!!R.I.P,hmeichhia hian rinna lam ah hian an hmuchiangthei deuh zawk emaw ni dawn le,?Missionary chhuak hi an tam hmel zawk riau mai @Samuelapa sawi ang deuh khian.
Nula martar kan nei hi a lawmawm lamah i ngai teh ang u, a khawngaih thlakna te leh an chhungte tan pawh a tuar awm viau anga, thihna rau rauah chuan keini kristian tan chuan a thlan nah awm a lawm mawle.
Kungawrhi hi mipa em ni a? tinge hmeichhia i sawi a AN i tih kher a, kan ti ve mai la.
Hmangaihsangi te hi kan family close friend an ni a, ka ui takzet a ni.A vuinaah ka kal thei bawk si lo. ‘A mi thianghlimte thihna chu Lapa ngaih chuan hlu tak a ni..’
Pathian ram zau nana nun hlantu Nl. Hmangaihsangi, i va chhuanawm em! Van hmun ropuiah Van Angel te leh mithianghlimte nen hlim te’n leng ang che. I chhungte leh nang suntute hnemtu Pathianin awmpuiin damna pe zel rawh se.
Sangte-i te nen hian Missionary Pre Service kum 2006 khan kan training hova, hunlo taka minlo kalsan ta hi ka ui kher mai, mitha te hi Pathian pawhin a rama awm turin a lo duh a ni hmatakah ropuina ram min kalsan ta si a. Sangte-i chanchin tlem azawng chhiar duh tan ka blog. http://www.laldoma.blogspot.com lo tlawh ve rawh u.