July 13 zana Herald For Chirst Camping Centre-a thi, Lalnunpuia (13) chu kut an thlak vanga boral a nih thu Centre-a thawk mi pasarihte’n an puang. Thu dawn danin, Centre-a thawk mi pasarihte sawi dan chuan, Lalnunpuia hian Centre-a awm ve naupang pakhat tiduhdahin a hrem thin a, Centre-a thawkte chuan thuiawh lote an hrem thin angin, Lalnunpuia pawh hi a luhlul bik avangin mi dang aiin an hrem nasa a ni. Lalnunpuia hi a ngal an roll sak bakah, vawihnih aia tam an vaw bawk a, an hremna hi tuar loin July 13 zan dar 7 velah a boral niin an sawi.
Police te sawidanin: Media ten Kulikawn Police OC sawi an chhuah danin Lalnunpuia an sawisak chhan hi a aia naupang kum 10 mi Lalvenhima a sawisak nat deuh vang niin a sawi.
Police ten an chhuinaah,”Lalnunpuia hi kut an thlak hnuah a tho leh tawh lo a. A pumna a ti a, zanriah chaw ei tur pawhin a kal lo a, khawiah mah a chhuah loh avangin an Superintendent nupuiin zan dar 6:00 vela bawnghnute pek tuma kal chuan a be thei tawh lo a, a thi zui deuh mai a ni,” an ti.
Lalnunpuia khawihtu nia sawi Home hnathawk mi 7 chu IPC Section 302 thubiuai awrhtir an ni a. Police te chuan an thil chhui hi an zo tawh a, vawiin hian Judicial-in Court thuah an awm tawh dawn a. An case hi bail theih loh (non-bailable) niin police te chuan an sawi.
-----------------------------------------------------------------------
Similar Posts
- Samuel Lalrindika thih chungchang thu kal zel
- Jail atanga lo chhuak parthi nen veng ten an lo hmuak
- Mualvum ah mipa naupang sawisa
- Damdawi thi tawh ei vangin thi
- Zirtirtu chemawi lo
He thu hi Friday, July 17th, 2009 dar 4:13 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
vawihnih aia tam, vawi zahnih lek an lo vua te hi nia nge… bawnghnute pek an tum tlai em mai a..
rawngbawlna a ngaiin an zilh hau chu a ni awm si a a van rapthlak tak em!naupang kum tling lo ngal roll chu a zia lo hle mai bawk.thu neituten an administration hi en fiah se a va tha awm ve aw…kal zui zel se nge khar mai se tha zawk ang le?nge in hrem nan in sawisa kher lo hian a na tuar tlem zawng a KHAIHLUM te an duh zawk le naipang hrem nan hian?kei chu ka sual a ka sawi vak zel..ka duh tawk dawn.
..Lehlam ah chuan nu leh pa te enkawl theih tawh lo kha an en kawl a nia,nun na laksak em chu an tum bik chu ka ring lo,vanduai vang deuh liau liau ah ka ngai deuh thlarawk a,a side B lam hi thlir a tha ve fo ania.
Pathian rawngbawl (hetiang enkawl) hi a phur phur leh piangthar inti nazawng tih ngawt chi ni hleinem. Hetiang kawnga thiamna neih hi ngai sin. Ran nnilo mihring asin an enkawl.fimkhur a ngai reng midang pawn hre rawh se
TNT chu nise hetiang hian an tih ka ring miah lo
A ruang video-a en theihna link hi thian pakhatin mi rawn pe a, a rapthlak khawp mai
http://www.mediafire.com/?oj0ujgkdntq
enge kan tih tak!!!!inhremna vanga thi kan awm ta zeuh zeuh mai…..taksa tan a pawitur zong a inhrem hi a fuh ber lo in ka sia…..
@kungawrhi an naupang sawisak thlalak kha i la hmu ve lo a mi aw..ka ti mai2 a.. vanduai vang mai2 ni tur chuan a taksa khan hliam a tuar nasa mah2 a ni.. a B side a awm pawh kei ka ring ve zo chiah lo…kum 13 mi chunga pathian hminga kut tlak a tan chuan a kal thui lu hret in ti zawk lo maw….chutah an han zep phot bawk nen..tun tum chu an kal fuh lo deuh a ni…
Huiham rilru a va ti na deuh ve… a pic hi ka en ve thei miah lo leh nghal… Hetiang camp hi khar vek se ka duh kan ti frank tawp teh ang. Pathian hminga in hremna hi chu hmanah INQUISITION vel hunlai 16th century vel khan a tawp tawh…
an phu tawk hremna pe ngei rawh se, thi khawp hiala insawisak chu engtikawng zawng pawn a dik thei lo,,ka thin an tirim..an mahni tran zawng khan trawng reng reng lo teh u..