July 30 chhun khan Samuel Lalrindika thih thu avanga man Ramhlun Venglai VDP te bail chhuah tumin VC leh tlawmngai pawl hruaitute Pu KL Liana court ah an kal.
Puan tawh thin angin July 9-a Samuel Lalrindika boral chungchangah Samuel-a nu chuan FIR a thehluh angin Ramhlun Venglai VDP chu nimin khan man an ni a, hemi chungchangah hian Ramhlun Venglai VC chuan YMA, MHIP, MUP leh VDP te July 29 zan khan joint meeting a neihpui a, Joint meeting chuan Ramhlun Venglai VDP in kut an thlak avanga Samuela hi boral ani theilo tih kan hre chiang a ni tiin chuvang chuan VDP hruaitu man te hi Jail atangin chhuah leh nghal nise an duh thu an sawi a.
Thuchhuah siamin Samuel Lalrindika July 9 -a a boral chung changah Ramhlun Venglai VDP te hian mawhphurhna an nei lo, VDP hruaitu mi 5 an man Central Jail a tangte hi July ni 30, 2009 hian chhuah ngei ni rawh se tiin an case tihtawp nghal an phut bawk a ni. He lehkhaah hian VCP, Branch YMA President, VDP Secretary, MUP Vice President leh MHIP President ten hming an ziak a ni.
Vawiina Ramhlun Venglai khawtlang hruaitute Court tuala an punkhawm lai hian buaina chhuah hlauhthawn thu-ah venghimtu police tam tak duty tir an ni a, mahse he thu buatsaih lai thleng hian boruak duhawm lo thleng a awm rih lo a ni.
-----------------------------------------------------------------------
Similar Posts
- Jail atanga lo chhuak parthi nen veng ten an lo hmuak
- Ramhlun South Thlanmual ah Samuel Lalrindika ruang an phawrh
- NGO Joint Meeting-in Tuikuk laklet duh rih lo
- MHIP President-in Dan Bu sawifiah
- Khawpui chhung MHIP Branch 28 inhmukhawm : MHIP Genral Headquarters thu a khauh maithei!
He thu hi Thursday, July 30th, 2009 dar 5:56 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Mipuiten rorel an la tum chhunzawm zel a ni maw..an tih loh tur an tih avang in nunna kan chan tawh a.. a ti tu tur te kut a dah mai lo in.. a mipui bawh huk policy tho kan la apply leh a… hetiang vang hi a ni e.. tih chu khawi lam ah!
Tute veng emaw tih dan ang khan Jail tangchhuakte kha pangpar thi an lo awrhtir ve leh ngawt ang e
Ih maw midik leh roreltu dik an awm chuan tualthattu chu dan ang in jail ah rei tak an tan tir mai tur ani.YMA an ni emaw VC an ni emaw MHIP in engang pawh in nawr mahse tualthattu an nih miau avang in an hremna hmuh tur an zat chu an hmu tur ah ngai ilang atha ang .Kristian na ah pawh a hu ho leh ho lo pawh in tualthah na chu phal anih ka ring chuang lo.
Samuel lalrindika nu kha hmeichhia huaisen tak leh nu fel entawn tlak ani.Mizo nu zawng 2 khan en tawn rawh u pa ho tiam in huaisen tak in mahni dikna haih chhuah ngam tlang tawh ang u
Ka mingaihsan pu KL Liana ka tran che Mizo zing a midik awm chhun leh mirethei te dikna humhim ngam awm chhun pawl an nih avang a mob rule ken kawh ching te dim miah suh . Mi dik te Pathian chu I lam ah atrang reng tih hre reng ang che nangmah avang in Zoram ah mi dik pakhat tal an pun belh ngei ka ring.
Ka va han ning tawh tak em. hming lamtawi nei ho khi bang vek rawh se. Thudik chu thuneituten an rawn sawi mai dawn. chu pawh nghak hman lova ka chu tie de dei dei tia lo iak lo iak ve a tul lo. hemi buaina avang hian tu emaw chu an tihlum leh mai thei ani.
Ngaihdan ka nei lo e, Mipui nge mawhphur Sorkar tih chu an mahni an inhria ang chu
Mizo hi chu kan heti leh tlat thin,mahni ngaihdan dan hian rorel hi kan tum tlat zel a,in tih finna mawl tak ani..
Ka fapa ang a ka chan chuan ngaihdam chu har viau a ni…
A titu ang a ka inchan chuan rawng chu ka intiin ka inchhir khawp ang. Mb. mai2 ruk vang ringawt a!
Eng ang mb. nge hria in awm em han tarlang teh u. Eng ang simcard plan tha chungchuang nge inthun reng reng a.
phurh!
Chhungkaw rethei tak faduat ve dak thil hote (a neitu tan tiam loh in) a ruk a vang in Kan vaw hlum leh thor a , Kan Minister te ho cheng vaibelchhe ru kan vawhlum ngam bawk si lo a..makkhawp sual kan do dan hi…..Kan pek theih lon nunna hi chu la toh lo teh ang u aaaa..VDP, MZP,RSS hian Thosi ai in tangkai na an nei tlem zawk….ka lo ti mai mai…Minister fa chu nise an vaw hlum nguar ang mole