Vawiin July 15 chawhma dar 10:30 khan Thuampui JAC te chuan Silchar atanga Army Supplier motor lo check-in Bar zu um 60 an man.

Thuampui JAC hnen atanga thu kan dawn danin heng zute hi Army Supplier Gajindra Singh, Mela Road, Silchar amiin sipai chawhmeh a rawn supply zinga telhin vai 4 in an tawlhru. Heng zu rawn kengluttute hi Gautam (43) A pa Nepal Saha, Kislo Singh (34) a pa Punchi Singh,  Boyio Singh (35) A pa Anondo Deb leh Montu Deb (35) a pa Punchi Deb, Silchar ami nia insawite an ni.

Thuampui JAC te chuan hetianga Sipai leh vai supplier te inthlunzawma MLTP Act remchanga hmanga Bar zu sumdawn nana an hmang thin chu pawi an tih thu leh hetiang zozai Vairengte check gate a rawn kaltlang thei chu mak an tih thu kan palai an hrilh a ni.

Heng zu man te hi vawiin vek hian an leibaw nghal vek a ni.

Share

-----------------------------------------------------------------------
Similar Posts

• Thuampui ah Manipur Hel Man
• Sipai Pawl Ni
• Sumo Chesualah Assam Rifles 3 Thi
• MJA ten MLTP Act sawiho
• Mizoram Police CID ten hel an man

He thu hi Wednesday, July 15th, 2009 dar 5:09 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.