August 31 zing dar 4:30 hian Zoenpuia kum 5, Zoengliana fapa, Zobawk Vengthlang, Lunglei chu Ui a in a seh avangin a thi. Zoenpuia hi June thla khan Ui a pakhatin a ke ah a seh sak a, a tirah na em em nei lo mahse karhmasa Ningani atang khan a khua a sik bakah a pum a na a, hemi ni hian Lunglei Civil Hospital panpui a ni.
August ni 31 hian Zoram taxi drivers’ Assn (ZTDA) chuan Aizawl Press Club ah Chanchinthar lakhawmtute an kawm a, Zoram Taxi Owners Assn leh Traffic thuneituten Aizawl khawpui chhunga Taxi intlanchhawk tura hmalakna an kalpui mek chu a taka kalpui a nih chuan Employment Problem nasa takin a siam dawn ni a an hriat thu an sawi a, a tawl thlenga do an tum thu an puang.
By jmateea | August 30, 2009 | 8:56 am | Posted in : Religion | |
Hmanni chu Exodus 14 hi kan chhiar fuh ve tlat pekah. A lo ropui hle mai tih ka hriat phah ta hlauh mai. Pathian chuan Mosia hmangin Israel mite kha Pharaoh-a kut atangin a hruai chhuaka. Ramtiam lam an pan lai chuan Pharaoah-a sipai te chuan an rawn um leh tlat mai sia. Chutih nak alai chuan Pathian chuan Mosia hnenah chuan a mite chu thlaler lamah bawk chuan hruai kir leh turin a lo hrilh lehnghala, mangan tawh nak alaiin a hrehawm lampang han pan leh chu an hrethiam lo chhiava hle mai.
Krista rawngbawltu tak tak chuan hrehawm a tuar ngei dawn tih Isua?n a hre sa dim diam a. Chuvangin a zuitute hnenah, ?Khawvelah hian hrehawmin in awm thin, nimahsela thlamuang takin awm rawh u, keiin khawvel ka ngam ta? a lo ti lawk a ni (Johana 16:33). Krista zuitu, Krista rawngbawltu, Krista tana thawk kan nih chuan hrehawm chu pumpelh tum chi niin a lang lo va, mahse hrehawma kan awmin thlaphang tur erawh kan ni lo.
By HJ | August 29, 2009 | 6:13 pm | Posted in : Articles | |
THUHMA : Kum 1894-ah Chanchintha kan dawng a, kum 1906-ah Harhna tum khatna a lo chhuak a, a tum hnihna pawh kum 1913 ah a lo chhuak leh a, ringtu an pung hle. Mahse hun engemaw chen hnuah harhna chu a lo reh a, Kohhran a lo nguiin a lo chaklo leh ta, rinna kawnga an la ngheh tawk loh avangin han ban leh puk puk te a awm a, khawvel miten nuihzatin “Pathian thu awih leh aichhia chuan thal an hua a nia” an ti thin. Mahse, mi engemawzat rinnaa mi nghet leh rinawm an awm a, phurna hloh mahse thahnemngaihna hloh lovin an thawk zel a. He Harhna hnua Kohhran han ngui leh chuan mi tam tak hnungtawlhna leh zuaina a siam mai bakah, thawhlawm pawhin a More >>>>
BCM hnuaia Christian Music Comtt buatsaihin Zirtawpni leh Inrinni hian tualchhung Kohhran zaipawl intihsiak, Lunglei Ramthar Biakin ah neih a ni a, he intihsiaknaah hian Area Baptist Council (ABC) 10 atangin tualchhung Kohhran Zaipawl 20 an tel a ni. He intihsiakah hian Solfa thluk hla 2 ‘Lalpa Fakin zairu’ tih leh ‘Nangma Thil Ropuite An Sawi’ tih hla leh Lengkhawm zai “Aw Lalpa Davida Leh A Thlah Arsi” tih hla hmangin intihsiakna neih a ni a, intihsiak result hi Pathianni zan hian puan a ni ang.He intihsiak neih hma hian ABC tinah he intihsiaka tel tur thlanna hi neih a ni a, ABC tina a ti tha zaipawl pahnih zel te chu tun tum Zaipawl intihsiakah hian an tel a ni.
Home Minister Pu R. Lalzirliana chuan, Mizoram chhunga Remna leh Muanna hlu tak kan neih tibahlah tura chet thawhna reng reng hmeh chimih zel a ni ang, a ti. He thu hi Vairengte-a NGO hruaitute leh sawrkar hnathawkte hma-ah a sawi a ni. Vairengte-a Police hmun pawimawh hrang hrangte a tlawh zawhah SDO(C) office-ah nimin khan thu sawiin Pu Zira chuan Helna reng reng hian hlawkna a nei tur a ni lova, ram mipuite muanna vawng turin I tang ho ang u, a ti a.
By bronco | August 28, 2009 | 4:02 pm | Posted in : NEWS | |
Vawiin ni 28 chawhma dar 11 khan Pu Benjamin, Registrar, Mizoram university chuan I&PR conference hall ah Chanchinthar lakhawmtute a kawm a, East Zone’s Vice chancellor Meeting chu Mizoram university in Sept ni 17 hian a thleng dawn tih a sawi a, Mizoram university a hnathawktu tur lak chung chang pawh a sawifiah bawk.
