Vawiin August ni 7 a NGO hrang hrang – MCU, MICLUN, MSU leh NTUM te joint meeting chuan Mizoram sorkarin mipuite hma ngaia Aizawl City Bus Fare a tihniam chu duhthusam nilo mahse lawmawm an tih thu resolution siamin an tarlang.
An resolution-ah chuan NGO hrang hrangten Bus chuan man sang lutuk tihniam tura an rawtna aia sang daiha sorkar thuneituten tha tawk leh awm tawk nia an ngaih a bus chuan man an bituk anga Aizawl City Bus neituten zawm duh lova mipui harsatna siama lungawilohna an lantir chu pawi an tih thu leh hetiang hi thleng tawh lo se an duh thu an tarlang a. Sorkar in Bus chuan man ennawn leh tura sawi awm hi tun aia rate sang chuan siam tawh lo se an duh thute, hei aia sang chu engtikawng maha pawm chi-a an ngaih loh thu pawh an tarlang a. Mizoram hi India ramah oil man tlawmna ber anih laiin bus chuan man sanna ber a ni a, tun dinhmunah hian India ram khawpui danga stand khat atanga a tawpna Rs. 15/- a la ni a, stand base / km wise pawhin bus fare hi state dangte aiin a la sang lawr lak a, motor parts tam tak leh tyre te hi printed price deuh veka hralh ve tho a ni tiin, heng zawng zawng ngaihtuah hian tuna rate hi bus neitute tan pawh la tha tawk hle ah an ngaih thu an tarlang bawk. Heng bakah hian Mizorama Passenger phur lirthei chi hrang hrang leh route hrang hranga tlante rate mumal leh awmze neia hmangtute ngaihtuaha siam an phut tih an sawi bawk a, Joint NGO hmalakna hi mipuite hmakhaw ngaia tih ani tih hriaa a tul anga thlawp turin mitinte an ngen tih an tarlang bawk.
-----------------------------------------------------------------------
Similar Posts
- City Bus fare bithiah chungchangah Sawrkar dinna ngaiah a ding dawn
- Mizoram Road Transport Union in bus fare an buaipui
- Mizoram Road Transport Union in Sawrkar an nawr ve thung
- Taxi leh City bus nuar, sorkar in service turin hriattir
- Zawlaidi siamtu ten an hralh chhuak dawnlo
He thu hi Friday, August 7th, 2009 dar 8:04 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
NGO hrang hrang te khi an va tlem deuh ve mawle..
Eng eng nge an nih ka la hre lo zui… hre lo hi ti hu reng ila a ni mai… nang i hre bik em alexx ?
pawl lian tak chu an ni mloh hmel ve a
Kei pohin sorkar ka thlawp e, NGO zingah khian YMA, MUP, MHIP, MZP-te han tel lehnghal sela chuan a famkim deuh tur. Kan kalphung hi kan inenlet deuh chu a hun tawh hle.