Aizawl City Bus Conductor leh Driver then khat te an Licence MVI in an man sak a vanga lungawi lo chuan vawiin Aug ni 5 chawhnu dar 1 atang khan passenger la lo in ngaizel ah an ding khawm a, Hei hian mipui nunphung a ti khaihlak hle.
Hemi cungchang ah hian MVI Enforcement Inspector Pu Lalbiaksanga chuan State Transport Authority in July ni 10 a Gazette a tih chhuah ah Aizawl City Bus chuan man tur thar a siam a. Chutiang ang a Bus Fare khawn lo te chu dan ang a hrem theih an nih tur thu a chhuah tawh hnu ah, vawiin thleng hian City Bus chuan man hi a hlui ang a khawn a la nih a vangin hotu te thu pek a Conductor te chu an license man sak an nih thu a sawi a. Hetih lai hian conductor license an man sak te chuan an chunga thil thleng chu an ngaithiam lo hle a. Chawhnu dar 1 vel khan an hmun pui Ngaizel a Aizawl City Bus Office atang in a theih ang ang in Phone kualin passenger nei lai pawn an passenger te he thil awmdan hrilh fiah a a rem chang a pianga chhuk turin an in hriattir a.
Conductor ten an sawi dan in an passenger te thil awmdan an hrilh hnuah an passenger te pawn thil awmdan an hriatthiam thu leh tun hnai ah Bus chuan man to leh to loh chungchang ah passenger te phun nawi an hriat loh thu an sawi a. He thil ah hian Mizoram Consumer Union Gen Secretary chu in hnam hnawih thuk hle ah an ngai a, MCU Gen Secy hian Chairman pawh lang lo in duh duh in in terview te hma chhawn in STA lam hian a thu hi an ngai pawimawh hle thin ah an ngai a. Hetianga mi eizawnna in tih chhiat sak zawng a a kal thin chu conductor te chuan theihtawp a do let leh Court hial pawh thlen an in huam thu LPS palai an hrilh a ni. City Bus a tlan loh a vang hian Aizawl hmun hrang hrang ah nunphung a khaihlak nasa hle a.
Bus chang thlawn an tam hle a ni. Mizoram Road Transport Union chuan Aizawl City Bus Fare 2009 hman chungchang an ngaihtuah nghal a. Aizawl City Bus te hian School naupangte Rate chanve (Student Concession) in a chuan tir mek a, tar chaklo leh rualbanlo te phei chu an chuan man a Free hial thin thu leh Tuna City Bus Fare 2009 hman alo tul takah hian heng an Concession te hi la kalpui zel theih a ni dawn em tih an rela. Aizawl City Bus Service mek te Sorkar lam in an Document pawimawh te lo laksak a an man sak avangin MRTU chuan Document tel lova City Bus Service zel remchanga a hriat loh avangin City Bus Service lai te chu vawiin chawhnu Dar 1:00 PM khan a titawp ta rih a ni. Hemi chungchangah hian MRTU chuan mipui te hriat thiamna an ngen nghal thu an sawi bawk.
-----------------------------------------------------------------------
Similar Posts
- City Bus fare bithiah chungchangah Sawrkar dinna ngaiah a ding dawn
- Mizoram Road Transport Union in bus fare an buaipui
- Mizoram Road Transport Union in Sawrkar an nawr ve thung
- Bus fare chungchangah NGO in sawrkar thlawp
- Taxi leh City bus nuar, sorkar in service turin hriattir
He thu hi Wednesday, August 5th, 2009 dar 7:08 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A tu hi nge thuneitu ber pawh a hriat tawh niau lo e.
Conductor-te lisence (LISENCE ni lovin eh!) han laksak ngawt pawh chu… Chuan man chungchangah hian a bus neitute kha mawhphurtu an ni lo em ni? Bus chuan man hi a hlui pawh a thar pawh ka hre miah lo mai a, a to leh to loh pawh ka hre ve hek lo. Mahse thuneitute ni lo, a neituten an duh dan ang anga chuan man an bithliah ngawt zel hi chu thil dik a ni lo. Sawrkar thu a ni. Sawrkar pawh a awm tawk hre tura ngaih a ni. Lo inrem teh se, Bus a service loh chuan a buaithlak dawn em mai…
Licence or license ala ni cheu mai. engpawh nise dan siamtute hian dan tha siamse. chutianga siam tawh chu zawm mai tur.thu neitu te khian ti dik anih chuan ti zel rawh se anih loh chuan VDP an lo chhuak leh anga nunna chan a hlauhawm
Bus fare (Taxi fare telin) hi chu a sang a ni dik chiah chuan. Hotute hma lakna hi a hnukpui ber chu a nih ka ring hran lo. City bus ah hian(Tun ka tawng lo haw lo sela) conductor-te hi a thuneitu ber an nih hmel loh. Fare tih hniam erawh a tha ka ti.
News hmanhmawh deuh a an type sa kha, kan rawn vawm bei tawp tawp hlawm a, hun kan lo neih bik loh avangin kan lo correct or hmu vek lo a, rawn sawi zel ru, adik lo lai kha, kan hman hun hunah kan lo correct zel ang nge.
Thil pakhat ka han sawi ve teh ang. Hmanniah ka pu damlo Aizawlah phurh phei a ngai a, Lunglei atangin Ambulance kan hire a, hire man hi Rs 5000/- a inbiakrem a niin, Aizawl thlen pui a nih hnuah driver-in pawisa Rs 800/- vel a lo dil belh leh a, tichuan hire mam hi Rs 5800/- vel kan chawi ta a ni.
Ka hriat dan chuan hire rate hi Rs 20 per Km niin ka hria a, Lunglei atangin Thenzawl roadah kalin hei 170Km vel ani. Aizawl atangin haw lamah Ambulance Zoram Driver Union ta hman leh a ni a, hire rate Rs 15 per Km (Garagge to garagge) niin haw lam kal lam chawi a ngai thung a, heti chung hian ZDU ta hman man hi a tlem zawk daih a ni.
Ka sawi tum chu sorkar hian thil tha leh dik a duh chuan dik takin thil ti rawh se. Lunglei Civil Hospital atanga Ambulance hman man pawh hi a dik theiin ka hre lo. Hire man inbiak rem vek tawh hnua Rs 800 vel chawi ngai leh hi eng dan nge ni ang aw ka ti.
Aizawl city bus ho hi ka ngeina a rei ve tawh khawp mai. Pawl 10 final kan exam lai 1992 khan zirlaite ngaihtuah miah lovin Bus chuanman sang ngiatin an nuara, kan exam chhung zawng nuarin kan exam zawh tuk atangin an service leh chauha, kha ta tang phei kha chuan an thil thlirdan hi side khat chauh an thlira hriatna ka nei. Zirlai exam nei mekte kha engahmah ngai lovin care-na pawh an nei lo reng reng tih kha ka hmuchiang ve tawkin ka hria. Tun tumah pawh hian an tanghma chauh an thlir niin ka hre ve tlat. Aizawl aia Bus chuanman tona hmun hi India ramah hian a vang viauin ka ring.
hmingmawi huatna chhan kah chu thu hran nise bus and taxi etc fare chungchangah chuan SORKHAR bak dem tur an awm hlohlo a chhan chu maw permit phek hnung lam ah term and conditoin an ti emawni a awm a permit lak dawn in STA dan zawn tur in hming an sign hnan a chumi pawm lo chu permit cansel hial theih ani a .Owner lam lah hian an driver te leh conductor te an fuih pawrh a chu chuan tun hun hi a thleng ta ani.
kan khua ah chuan sorkhar bus kan tih ang chiah hi a tlan a conductor an awm ve lo driver khan a kawp vek khaw tawp atang a khaw tawp chu kan chen 2.50 ani tawp pensoner te half fare rualpan lo ten sorkhar in card a siam an show in free naupang te zual free. stand ah bak a lawn in a chhuk ve theih lo
lawless state ah chuan sorkhar nawr peih 2 an ding chhuak thin
permit cancel sak vek se tin assoaition saim khap se sorkhar thu zawm duh tur chauh permit pe se. hlawk lo an in ti a midang permit neih ve an huphur leh hla si hlawk lo chuan tuman an tlan tir lo tawp ang .hlawk lo chu dawr pawh an khar hmiah mai zel kha maw.
Bus leh Taxi fare hi chu awmze nei deuh hleka thuneituten an bithliah a tul khawp mai. Sorkar hi inhnukhniam lul suh se. Taxi pawh vaihma nghal nghe nghe rawh se.
Sum bawm vawngtu lam hi chuan pawm harsa an ti viau reng ang. Mizoram hi chuan Hruaitu MUMAL tak kan mamawh. City Bus ho hian mipui rawngbawl an nih an hriat dan hi a fuh chiah lo. An rawngbawlsaka te harsatna siam sakin, an duh tih hlawhtlin nan hmanruaah min hmang a; rawngbawl an tling lo.
Hei nikhat chu mipuiin kan tuar ta a, sawrkar hi a dinna ngaia a dintlang dawn chuan nisawm pawh kan la tuar peih e. A tul anih chuan Bus permit te pawh hi cancel sak law law se. Kan tuar ta sa sa, a tawp thlengin sawrkar pawh hi tang tlang law law se a tha ang. Kalphung a inthlak dawn chuan a tuartu chu an awm a ngai thin reng alawm. A tuar tuar in kan tuar mai aniang chu !!
Thunei tu te thupek hnial kan tum ta zel mai hi,kan in enfiah deuh chu a hun tawh.!!
motor nei tan chuan kawng a tlan vel nuam dawn ve!
hetiang ang “situation” ah hi chuan sorkar hian an MST bus te hi town bus angin service tir mai tur ania.
Bus fare hi ato mah2 a ni ahma kha chuan, arate thar hi chu a ziaom toh e hetiang a hman hi a that ka ring a, taxi poh hi metre vuahve a ngai a ni, a to lutuk hrat.
Awmze nei Sorkar nge anih kan duh tak loh kan hnawl hnu Congress bawk kha, i lo thlir ang u hmiang. Pu Hawla hian tun term hi a hming a chher hun leh a vuiliam hun a ni tih chu a hmutlang ve tho chuan ka ring.
Bus chuang ngai lo na a, a to deuh a nih hmel,sorkar pawh ti ta sa sa,Taxi, Maxi cab,Bus fare thleng in ti zel se kan va ti ve.A bul ber ah chuan association/pawl tam ta lutuk hi chu kan la tuar dawn chauh niin ka hria. Pawl/association hma ngai, mipui hma ngai si lo hlir awmkhawm kan la ni thei mai a ngem?
Sawrkar hian mi tlemte inhlawmkhawm hi a hlau zawk emaw tih mai tur hi a nia. Sawrkar pawh, City Bus lam pawh hian mipui hi min zah lo ve ngawt mai.