Assam Bengal field a Missionary turin Lalchhandami BCM  in a tirchhuak ta.

Lunglei Times : BCM Rampawn Mission Committee in Rampawn hmun hrang hrang a thawk tur Missionary 4 a lak tharte,  Lalchhandami, B.Sc (Hons), D/o Vanruma (L), Electric Veng, Lunglei chu Mendavari Mt.Olive School, Assam Bengal Field-a thawk tur, Zohmingthangi Khiangte, B.Sc (Maths), D/o K.Lalropuia, Sethlun, Lunglei, Thawhna tur: Yakhily Academy, Tripura Field, Rodingliana, B.Com; B.D, S/o Lalnuntluanga, Mission Veng, Aizawl, Thawhna tur:Nepal ram ah, V.L.Buatsaiha, B.A; B.D; Dip in Church Music, S/o V.Rozamlova (L), Ramthar, Lunglei, Africa rama thawk turte chuan August ni 4 atang khan Orientation neiin August ni 14 thleng khan training hi an nei a.

Heng Misionary atana an lak thar atang hian, Lalchhandami chu nimin khan BCM Zotlang Biak Inah tirhchhuahna Inkhawm neih a ni a. Rev. F. Sangvela, AGS i/c Mission in a tir chhuak a. Rev. Dr. K. Lalrinthanga, Director, RCM in thuchah a sawi a ni. Heng Missionary tur atana lak thar mi 4 atanga Lalchhandami chauh tirhchhuah anih hrih chhan hi, Zohmingthangi Khiangte hi Temporary -in Elem english School, Tripura-a thawk lai mek a ni a, kum 2008 khan tirh chhuah inkhawm neihpui a lo ni tawh a ni. Foreign-a kal tur te hi Pastoral Ministry hnuaiah Orientation thla 6 chhung an la nei leh anga, an kalna tur Visa leh tul dang te ngaihtuah fel a nih hnu-ah tirh chhuah leh tur an ni.

Inter Branch YMA Football Tournament naktuk atangin

Lunglei Times:  YMA Sub Hqrs, Lunglei Sports Committee in Inter Branch Football Tournament a buatsaih chu naktuk atang hian khelh tan a ni dawn ta a. A  hawnna hun hi, a khelhna hmun tur LDSC Ground No- 1 chawhma dar 11:00 neih a ni dawn a.  He hun hi Pu. Lalbiaksiama Colney, Vice Chairman, Sports Committee in a kaihruai ang a, Pu. JH. Zoremthanga, President, Central YMA in a hawng dawn a ni. He football tournament an buatsaih na chhan hi Footbnall tih hmasawnna a tan leh YMA Branch te inhmelhriat leh thawh hona tha neihna a tana tih a ni a. Mahni Branch a mi nilo players khel tir an awm a, manchhuah an nih chuan 0-3 in chak lo a puan a ni zel dawn a, Branch pakhat aia tama member nihna neite chuan an duhna zawka khel thei tura tih an ni a; VC roll-ah an awm tur a ni a, roll a awm lote chu an nu leh pate VC roll a awmnaah an khel thei dawn a ni.
Pu PC. Lalthanliana Minister-in tualchhunga media te chawhlui a kilpui

Lunglei Times: Pu PC. Lalthanliana Social Welfare etc. Minister chuan Independence day (15 Aug) khan tualchhunga thu thar lakhawmtute Circuit House-ah dinner siamsakin a kilpui. Pu Mathana chuan, media hote chu a ngaih pawimawh thu sawiin, an puala India ni pawimawh bera chawhlui siamsak chu tula a hriat vanga siam a nih thu a sawi a ni.

 Chawhlui kilhonaah hian minister chuan a ngaih pawimawh zawng emaw, a deptt. chungchang emaw engmah a sawi lova, Minister a nih hnua Lunglei Press te interview vawi khat mah la nei lo a ni a, hemi chungchangah hian, Mizoram budget pawh kan la pass fel lova, chutih laia press lo hmachhawn sek chu thaa a hriat loh thu a sawi a ni. MJA Lunglei hruaitute chuan, Independence day a khuallian te buai thin zia leh hun an neih loh zia thlirin minister in ngai pawimawha chawhlui a buatsaih sak leh a tour programme-ah chawhlui a siamsak thu a tarlan hial chu ropui an tih thu minister hi an hrilh.

Teens Club Independence day Football-ah Bualte an champion

Lunglei Times:  NYK buatsaih Independence Day Football Tournament Tawipui N-I a khelah Bualte chuan Minpui 4-0 a hnehin an champion. He tournament a pathumna Thingfal an ni. Top Scorer Ngurthanzuala Thingfal a ni a, Best player Ramdinliana Thaizawl a ni a, Fair Play Award chu Tawipui N-I in an dawng. He tournament hi Teens club te puala tih a ni a, Lunglei leh Lawngtlai inkar tlangdung khuate puala buatsaih a niin Team 15 an chhuak a ni.

MCWA hruaitu thlan thar te

Lunglei Times:  Mizoram Chhaktiang Welfare Association, Lunglei chuan kum hnih chhunga an hruaitu a tan hengte hi an thlang : President : Pu V. Lalzuithanga Dist. Horticultute Officer Chanmari, Vice President : CS. Lalhmangaiha Electric veng, Secretary:R. Lalnuntluanga Bazarveng,  Asst. Secretary: F. Hrangnawla Electricveng, Treasurer: P. Laldingliana Electricveng, Finance Secretary: Lalengmawia Chanmari.

Thinlung Thianghlim Naupang Pual Programme zanin atangin tan dawn

Lunglei Times:  Eldo Zenith Link buatsaih “Thinlung Thianghlim” Naupang pual programme chuzanin atang hian Eldo Zenith Link Studio-ah  kohhran hrang hrang 15 atangin naupang group 20 ten intihsiak a nei tan dawn a. Kohhran hrang hrang tel tur naupangte hi KNP Venglai Unit, KNP Electric Unit, KNP Pukpui Unit, KNP Zotlang Unit, KNP Serkawn Unit, KNP Zohnuai Unit, KNP Bethel Unit, KNP Kanan Unit, KNP  Edenthar Unit, Rahsiveng PCD, Venghlun PCD, Kanan PCD, YP Corps Bazar, Sacredheart te an ni a, kohhran thenkhat atang hian Group 2 tel an awm bawk ang.

Sap Zu Um 289 neitu hriat a ni lo

Lunglei Times:  Lunglei Excise Force te chuan 3 Gate (Sethlun chan) a Pi Lalrimawii in atangin Sap zu a sen chi Um 289 an man a, um puitling contessa 9 leh um chanve chi 280 an ni a, heng zu te hi a neitu hriat a ni lo.

V. Rokhawlkima, Joint Editor, Lunglei Times

Share

-----------------------------------------------------------------------
Similar Posts

• Lunglei Times
• Red Ribbon Football Final Khaweng Laiin Khel Dawn
• Lunglei Times 18 Aug.
• Zahmingliana Memorial Badminton Tournament zawh fel ani ta
• ZDU Special Assembly

He thu hi Monday, August 17th, 2009 dar 11:36 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.