YMA, Chaltlang North Branch huam chhung, Lily veng Sairang Road-a Mizofed Gas showroom atanga gas tihchingpen chungchangah hun rei tak atang tawha thil diklo awm ni ngeia hriat chu mipui ngenna angin August ni 24 zing kar khan YMA duty ten an bawhzui tih YMA, Chaltlang North Branch chuan thuchhuah siamin an tarlang.
Thuchhuaha an tarlan danin Mizofed gas phur Truck No. AS-II/9164 in Gas bur a tak awm 14 leh a ruak 13 an phurhlet a, Maruti Van (Taxi) MZ-01D/2643 a hlan an tum lai chu man a ni a, Director, FCS&CA pawh phone a hrilh nghal a ni a. Director thupek leh veng mipuite ngenna pawh zah lova heng Gas burte an phur bo zui nghal mai te, maubawk veng mipui chan tur Showroom atanga bur 500 pekchhuah anga record anih laia bur 480 chauh Maubawk vengin an dawngte hi mipui zahlohna dik tak a ni a. Zoram mipui, Gas chungchanga kan harsat em em laia hetianga Gas tihchingpen a ni hi mizo mipuite zahlohnaah an ngai tih an tarlang a ni.
Mizofed Gas Showroom atanga Black Market leh buk tlinglo tam lutuk, mimal hlawkna atana gas tihchingpen ani thin hi a diklo a, a Mizo lo a ni an ti, Hetiang tihching hi an chhawr zinga mi vai engemawzat an awm tih pawh hriat a ni a, video picture leh mobile thlalak pawh YMA hruaitute hnenah en theihin a awm a ni an ti bawk. Thuchhuah chuan thil diklo titu leh mipuite zahlotu hi an veng chhung atanga inthiar fihlima, danin a phut ang ngeia an mahni erea huam chhunga awm ngei turin an duh tih an an tarlang bawk a, hemi chungchangah hian engemaw harsatna pawh lo thleng se Chaltlang North Branch YMA chuan mawh a phurh loh tur thu an tarlang bawk.
-----------------------------------------------------------------------
Similar Posts
- Bawngkawn leh Edenthar inkarah ruang chhar a ni
- ITI Veng YMA Branch thuchhuah
- Ai-ai-Z-aw-l zawl, Aizawl Mizoram khawpui chu
- Mizoram Police CID ten hel an man
- Aizawl traffic siamthat tum a ni
He thu hi Tuesday, August 25th, 2009 dar 4:55 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
tun hma tang tawh khan gas petrol desiel te leh kerosine thleng in an ti chingpen thin thangkhat lian mai pawh ani tawh awm love 1980 chho atang khan an lo ti ching pen fo toh thin. an tih chingpen chhan ber chu agent te leh sorkhar poh ani mah na hnianghnar an chawk luh theih loh vang ani mai. Inchhungah chuan pipe conection chu kan zoram ah chuan a theih loh ngei mai dawn a khawvel awm chhung hian home deliver mai bak ah duh hun hun a order mai thei in hnianghnar se chuan tu man an ti chingpen lo tawp tur hi ani a .
Chaltlang YMA te chu an va ti tha ve… MIZOFED hi nikum lam pawn tuna an hmunah hian man an tawn tawh kha… Vaiho chauh nilovin a thawk mizo te pawh hian an tan deuh tlat an ti lo maw…
A thu hrimah thil ti sual tute hi dan anga a na thei anga hremin mipui hriatah puanzar ni thei sela midang pawn an hlauh phah mahna…. Hlauh tur a awm loh chuan insiamthat kan tum lo dah a nge.
‘A na thei ang’ tih khi hman ni lawk a Lunglei a Gas bur tam tak ti chingpentu Driverte Legal Metrology Staff ten man a cheng b2000/- an chawi tir ang kha ni lovin, IPC 407 a hrem (Kum 7 tan leh fine) ni se la , midang pawn an hlau deuh ang chu…