Vawiin ni 28 chawhma dar 11 khan Pu Benjamin, Registrar, Mizoram university chuan I&PR conference hall ah Chanchinthar lakhawmtute a kawm a, East Zone’s Vice chancellor Meeting chu Mizoram university in Sept ni 17 hian a thleng dawn tih a sawi a, Mizoram university a hnathawktu tur lak chung chang pawh a sawifiah bawk.

Chanchinthar lakhawmtute kawmna hun ah hian Pu Benjamin-a hi Prof.Thangchungnunga, Dr.Tawnenga, Pi Lalthanchami sailo te bak ah Mizoram university a zirlai hruaituten an tawiawm a, Chanchinthar lakhawmtute hnen ah Pu Benjamin-a chuan Mizoram university dinhmun leh hmalakna hrang hrang te tarlangin sept ni 17atanga ni 19 chhung hian Mizoram University chuan East Zone’s Vice Chancellor Meeting a thleng dawn a, He Meeting hi Assn of Indian universities(AIU) New delhi huaihawt a neih tur niin Eastern region a, AIU hnuaia university, Orissa, West bengal, Bihar, Jharkhan, Madhya Pradesh, UP leh NE region a vice chancellor 67 sawm an ni a, Meeting ah hian Expansion Of higher education : Challenge Of maintaining quality tih chu thupui ah hman a ni ang a ti a, he meeting hi Mizoram mipui tan zirna sang lam ah kan khawhawi tizautu tangkai a nih an beisei thu sawiin Mizoram Larsap leh Chief Minister te chu a hawnna leh kharna hun ah hmanpui tura beisei an nih thu a tarlang bawk.

University hmasawnna leh hmalakna te tarlangin Mizoram university Vision Plan zul zuiin School Of medical sciences tan theihna tur atan hmalak mek a nih thu leh hei hian Post Graduate research leh Medical College te a kentel tur thu te, Expert team pawh sept ni 7 hian endik tur leh DPR buatsaih tura an lo thlen beisei a ni a, hei hi XII Plan ah bawhzui theih tura ruahman a ni a ti a, Kumin hian university Sports pawh huaihawt a nih tur thu sawiin sept ni 7 atanga ni 11 thleng hian neih a ni anga, hemi chhung hian PUC Playground thar pawh  hawn a ni ang a ti a, MZU convocation 2009 chu November thla hian hman tur a nih thu sawiin President of india emaw Vice president of india emaw he huna khuallian turin beisei a ni tiin Academic Staff College pawh hawnthar a ni a, Prof.Tlanglawma director kaihhruaina hnuai ah Orientation course neih tan a ni tawh a ni a ti bawk.

Pu Benjamin-a chuan MZU a zirna peng hrang hawn tawh zat chu 28 a ni tih sawiin dept pathum Nursing, Planning & Architecture leh Rural development & extension Education te chu zirtirtu an la indaihloh avangin zirna hi tan a la ni lova, Dept hrang hrang te hi Campus ah sawnluh vek an ni tawh a ni a ti a, elevent Plan chhunga Dept thar hawn belh turte chu Mass communication, Hindi, Computer Engineer leh electrical Engineer te a ni a, UGC in a phut angin Mizoram university chuan college level ah Semester system hmang turin hmalak mek a ni a, kum 2010 Academic session thar a hman tum a ni a, Credit based system pawh hmang thei tura hmalak mek a ni a ti.eleven Plan chhung ah

Share

-----------------------------------------------------------------------
Similar Posts

• Turnipui Silver Jubilee
• Health Dept a Senior Officer meeting Neih a ni.
• PUC ah internet resource centre
• I Yr BA Examination 2009 result
• M.Ed Course (Post Graduate) hawn a ni dawn?

He thu hi Friday, August 28th, 2009 dar 4:02 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.