Kum kalta 2008 a Kristian tih duhdahna State, Orissa-a Sai rual te chuan chanchin an la neichho zel a, In sang khat zet an tichhe tawh a Kristian te chenna erawh an khawih velo tih Dr PC Biaksiama chuan kan palai a hrilh.
Kum kalta 2008 khan Orissa State ah hian Kristian tihduhdahna a nasa in Khawvel puma Roman catholic hotu lu ber Pop Benedict sawm parukna chuan a dem thu a lo puangchhuak hial a nih kha. Orissa a Nuagang Block Hqrs hi nikum Aug 2008 a Catholic puithiam nu an pawngsuala, saruaka zahthlak taka khawlai an fanpuina hmun kha a ni a, Tunhnaia Sairual rawn lang te chuan chanchin nei chho zelin Sairual thinrim hian he khua a in 500 zet chu an tih chhiat sak tawh ni a thudawn a ni a, marikia khua chu Kristian tihduhdah nasatna ber niin Sairual chet hmaa Sakei mak taka a inlar hmasakna khua kha a ni a. Tunkar kalta khan Hindu tlangval pahnih chu sihal rualin an bei a, an hliam na viau a. Tunah hian Baliguda hospital ah enkawl mek an nih thu pawh dawn a ni.
Tunah hian khaw hrang hrang 30 vel zet a, sai rualten Hindu in an tihchhiat zat chu sang khat vel dawn lai a ni tawh a report dawn a ni bawk. Sorkar lam pawh an mangang hle a, tihngaihna an hre lo hle a. Panchayat 3, Katikia, Sindirigaon leh Baliguda khaw mipui thinrim pungkhawm mi 1600 zet chuan heng sai rualte hi umbo tumin an tawmna ramngaw nia an hriat chu hal khum tumin khawvartui tam tak kengin an thawk chhuak a, hal pawh an hal ngei a. Sai rualte chuan an rawn beilet ve a, lungin an rawn vawm let a, mi pakhat phei chu a hliam na hle a, mipui chu hlauvin an tlanchhe nasa hle ni a thudawn a ni bawk.Kandhamal Dist. a sai rual chet dan hi Orissa state chhung chanchinbu hrang hrang Samaylive, The Times of India leh The Hindu ten an chhuah ve reng a, mahse media lam chuan an report fimkhur hle a, sakhaw thil zawngin an report lo a, a tuartu Hindu chauh an nih thu emaw, Kristian te an him bik tih lam an tilang ve lo bawk a, mahse mipui lam titi hrang hrangah erawh chuan thil awmdan an hai lo niin thu dawn a ni.
Nikum 2008 a Kristian te in leh lo leh Biak In engemawzat Hindu ten an tihchhiat sakte kha sak that lohvin a ngai ngaiin lainatawm takin an la awm hlawm a, sorkarin ala ngaihsak vak chuang lova. kandhamal District chhunga thingtlang khaw pahnihah mithahnemngaite puihnaa din Biakin thar pahnih chu peihfel ani tawh a, heng Biakin te hawng tur hian Orissa a rawngbawltu leh Kohhran hruaitu zinga Mizo awm chhun Rev. LR Colney, Restoration Indian Mission a Founder President chu sawm a ni a, August ni 28 hian a hawng dawn a, Kalahandi area a tlawh nghal ang. Amah tawiawm tur leh Orissa Kristian te tlawh chhuak tur hian Rev. Colney hian Mizoram atanga Pastor pahnih khat talte tawiawm tu awm thei se a ti hle niin Upa Dr. PC Biaksiama chuan a sawi a, chutiang rilru pu leh inpe an awm anih chuan Phone No. 09437038976 ah contact theih ani.
-----------------------------------------------------------------------
Similar Posts
- Orissa chungchanga thuthang dik lo
- Mizoram khaw fai 5
- Tuikuk hel nia rin ten driver leh ramvak sawisa
- A tuihal leh tawh long
- Rajdali Village Development Chairman thattute an man
He thu hi Tuesday, August 25th, 2009 dar 5:01 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Thil mak buaipui hian kan mithiampui pui te an phe hi chu a mak ka ti deuh. Pathian hian sai rual hnenah ‘Hindu ho in khu zu ti chhe rawh u’ a tih ka ring lo. God does not play dice with the universe.
Hetah hian vawiin chhunah comment ka pe tawh tlatin ka hria. A bo nge, ka hai nge?
v_vantawl ka thlawp e!