MSU thuchhuah chuan Primary School naupang te chhunchaw tur atana tangka pawh Sanction vek tawh Release a nihloh avanga thla 4 chhung zet chhun chawhmeh pawh awmlo leh thawktu te hlawh pekloh avanga MPSTA in Sept ni 1 atanga zirlai te hnena chaw sem tawh loh nise tih an rel ta mai chu pawi an tih thu an tarlang.
Legal Metrology, Lunglei Dy. Controller H. Thanchhunga chu a hna atangin suspend a ni. Suspend order hi Dt.24.8.2009 khan K.Riachho, Secretary to the Govt of Mizoram, Food, Civil Supplies & Consumer Affairs Dept chuan a tichhuak a. Order-a a landan chuan H. Thanchhunga hi suspend a nih thu tarlangin, Order chhuahtu phalna la hmasa lo chuan headquarters chhuahsan lo tura tih a ni.Dy. Controller suspend a nih chungchangah hian Jt.Controller, Legal Metrology Thangtinliana chuan, “Kan Dept hian bukna dik lo hmangtute hnena pawisa kan chawitir hian receipt kan pe chhuak thin a, he receipt hi duh duhna hmuna siam mai mai theih a ni lova, Directorate lamin a pawmpui thlap a nih a ngai a. Chutihrual chuan receipt pechhuak theitu chu Inspector chauh a ni.
Tunlaiin Information technology-ah kan sâng ta em em mai a. A tlangpuiin mi tinin computer (PC etc.) neih kan intihhmuh a, tangkai taka hmang lem lote pawhin Games khelh nan leh naupang lengchhuak venna chhuanlamin kan nei ta sup sup mai. Internet pawh kan hmelhriat chho tanin tlawm zawk leh man man zawkin kan hmang tan thei ta a. Porn sites leh website tha lo te a hluarin awlsam takin, leh tum loh deuh pawha luh mai theihin a awm ta hel hûl mai le. Hengah hian mi tin, a bik takin nu leh pate kan fate tan kan fimkhur a pawimawh ta hle a ni.
YMA, Chaltlang North Branch huam chhung, Lily veng Sairang Road-a Mizofed Gas showroom atanga gas tihchingpen chungchangah hun rei tak atang tawha thil diklo awm ni ngeia hriat chu mipui ngenna angin August ni 24 zing kar khan YMA duty ten an bawhzui tih YMA, Chaltlang North Branch chuan thuchhuah siamin an tarlang.
Land Revenue & Settlement department Joint Director S. Rolianthanga chu sum tichingpena puh a nih avangin suspend a ni a, suspend-na thu pek hi Aug. 20 khan tihchhuah a ni. Revenue Minister office atanga thudawn danin S. Rolianthanga hi sorkar laipui atanga sum lo kal, ram tehna (land survey) tur sum eng emaw zat tichingpena puh a nih avangin suspend a ni a. Hemi chungchang hi sorkar chuan a chhui fiah dawn a, chumi chhung atan chuan ani hi suspend a ngaih avangin an suspend ta nia thudawn a ni.
Kum 1969 july 20 khan khawvela a hmasaber atan Apollo 11 commander Neil Armstrong chuan thla leilung chu ke ngeiin a han rap anih kha. Thla leilung a han rah tuma a tawngkam hmasaber “that’s one small step for man, one giant leap for mankind,” tih chu khawvela an hmunpui ah TV atangin an lo thlir mai bakah mi maktaduai chuangin an lo ngaithla bawk ani. Hun engemaw chen thla leilunga a awm hnua an boruak lawnga a let leh dawn chiah khan Neil Armstrong chuan thil mak danglam tak mai “good luck, Mr. Gorsky” tih chu a sawi leh a ni.
