Hmanni chu Exodus 14 hi kan chhiar fuh ve tlat pekah. A lo ropui hle mai tih ka hriat phah ta hlauh mai. Pathian chuan Mosia hmangin Israel mite kha Pharaoh-a kut atangin a hruai chhuaka. Ramtiam lam an pan lai chuan Pharaoah-a sipai te chuan an rawn um leh tlat mai sia. Chutih nak alai chuan Pathian chuan Mosia hnenah chuan a mite chu thlaler lamah bawk chuan hruai kir leh turin a lo hrilh lehnghala, mangan tawh nak alaiin a hrehawm lampang han pan leh chu an hrethiam lo chhiava hle mai.

An vui authawm te hi a na riap riap a sin, “Aigupta ramah khan thlan a awm loh avangin em ni thlalerah hian thi tura min hruai hhuah ni? Engvangin nge ni hetianga min ti tura aigupta ram ata min hruai chhuah ni…”. Sala tan leh mai kha an chak tlat. A awm ka tihpui bawk. Thlaler chu a hrehawm tawh nak alaiin sipai chak tam tawkin an rawn um bawk si tihngaihna dang a vang reng a ni.

Hetih hunah hi chuan phenglawng tum leh lam chu a har ve phian chuan a rinawm. Chutiang authawm chu Mosia’n a hriat chuan, “Hlau suhu, awm hle hle mai ula, lalpa chhhandamna, vawiina a thawhsak tur che u hi en mai rawhu…” tiin a hnema. Hetiang hunah chuan awm hle hle mai rawh u han intih ngawt chi pawh niin alang lo asin mawle. Tlanchhiat dan tur te hrilh zawk se awih a nuam deuh tur a nia. Mahse khi zawng khi an tihtur chu ani mai sia, kawng lehlamah chuan taksa chu a hahdam phian mai theia, mahse rilru zawng a chiai ve ngei ang le. Mahse a tawpah chuan Pathian chuan a chhanchhuak ta nge nge anih kha.

Pathian hian mitin mai hi saltang kan ni tih a hria. Saltang chung chuan Vanram a luh theih loh tih pawh a hria. Chuvang chuan kan saltanna ata theuh hi min khai chhuah a tum thin. Mahse chu kalkawng chu duhaiin a ro mah mah fo thina. Kalkawngah kan phunnawia, hmelma ten min um thin ani tih kan hriat phei chuan kan chiaiin kan buaia, kan awmna hmasaah khan kir leh kan duh fo thin. Thlaler rama Israelte a hruaina chhan kha Pharaoh-a leh pawlte a bum tum vang a niphawt angle. Dan beh tlat anga an awm hnua han chhanchhuah kha Pathian khan nuam a tit lat a nih pek chu mawle: A ropuina lanchhuah tirna hmanrua atan a hmang a nih kha. Keini pawhin thlaler kan kal chhan chu Lalpa’n hemi hmang hian a hming a ti ropui duh a ni tih hi awih har tak ni mahse kan tihtur ber chu niing a lang.

Hetiang hian harsatna I tawk ve thin em? Awm hle hle la, Pathian chhanchhuahna chu lo thlir ve tache.

Share

-----------------------------------------------------------------------
Similar Posts

• Kanan ramah mana a tawp – Upa Vanlalvuana Sailo
• Hrehawm Tuar Rawngbawltu – R.H. Hmingliana Hmar
• Hrehawm Tuar Rawngbawltu – R.H. Hmingliana Hmar
• Mama pa ve kha! (cont.)
• HARSATNA CHHAN DAN – Zonunmawia Thlaute

He thu hi Sunday, August 30th, 2009 dar 8:56 am a Religion . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.