Thangkhat lian zet dan anga lo neih tawh, kar tin ningani a pianga vairengte Freezone Bazar chu ILP neilo hnamdang te tan zoram luhna hun remchang ani mek.Vairengte Freezone Bazar ah hian thenawm state atangin hnamdang sumdawng ten an bungrua te hralhin thangkhat lian zet sumdawnna hmun pawimawh berah an hmang tawh a, zoram hmun hrang hrang atangin mizo ten sumdawnna bungrua hralh ve bawk mahse, a tam ber chuan mahni mamawh leh zawrh chhawn tur hnamdang sumdawngte hnen atangin an lei thin a ni.
Vairengte Bazar hi Freezone bazaar anih avangin thilzuar tur leh he bazaar kaltur hnamdang te chu vairengte checkgate ah ILP check lovin an tlang mai thin a, hetianga sumdawng te hi atam zawk chu tlai lamah mahni khua a an haw leh mai laiin, he hun hi remchang ah hmangin hnamdang thenkhat chuan ILP nei lova zoram luhna hun atan an hmang ve bawk thin ani.
Hetiang hi thil awmdan anih avangin Vairengte Police te chuan an remchan angin hemi ni hian vairengte chhaklam ah ILP neilo zoram tlang tum an awm leh awm loh an check thin a, hetianga vairengte chhaklam a ILP checking anneih chang hian Police te chuan hnamdang ILP neilo zoram luh ruk tum mi-20 -30 vel chu an man ziah bawk thin.
Thuneitu te hmalaknain tunhnai atang khan Vairengte leh a chhehvel ah hian uluk lehzual a ILP kalpui mek ani a, hnamdang nitin inhlawhfa leh Leilet enkawltu thlengin ILP demand an nih avangin DC Office Kolasib a ILP siamtir an thahnemin Vairengte SDO(c) hnen atanga Temporary permit la pawh an thahnem tawh hle a, amaherawh vairengte bazaar kal tur te tan ILP a ngaih loh avangin kar tin ningani vairengte bazarni a pianga vairengte chhaklam a ILP checking neih anih loh avangin hetianga check loh ni hian ILP neilo hnamdang engemawzat te chuan zalen takin zoram an lut ru thin nia hriat ani bawk.
-----------------------------------------------------------------------
Similar Posts
- Vairengte Multipurpose Coldstorage
- Vairengte Excise te chetha
- Vairengte mipui lawm lo
- ILP neilo leh hmang diklo lakah hma la dawn
- Motor ruk ching an man
He thu hi Sunday, August 9th, 2009 dar 10:48 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Vairengte bazar kha vai tan chuan sum hmuhna tha tak ani reng a vai thil kan lei thin a kan thil an lei ve lem lo vairengte khua te tan chuan sumlak luh ni a ni ve tho chu pawh mizo te sum Vairengte ho chuan krismas ai in an hlut zawk an tih pek kha bazar ni dawn ltai ah ram riak pawh an hawng thin a zirtawp zingah an riak lut leh thin an ti ha ha
kan naupan deuh lai chuan tem puar bazar te an ti thin
Chiar chhuak hmasa miah lo in kan comment teh ang.. “Vairengte Bazar” tih lai hi sawi zawm ta ila, — Vairengte nu ho chuan Vairengte Bazar(bazar ni) hi an ngaipawimawh khawp a.. an mumang ah te hian an hmu chhuaih chhuaih a.. kohhran nu ho ihkhawm ah pawh, kar leh inkhawm trantu atan.. tih tur ah te hian.. kar leh Bazar ni a tran tu atan.. an ti daih zel e an tia lom..
@alexxfender a hi a commnet thiam thei thin dei duai eee..lolzz
Thil reng reng hi a thatna leh that lohna a awm zel a nih hi maw….
Hnamah hian chiang tlang ila, ILP nei lova lo lutte hi lo chhawr duh ta lo ila, a fuh mai lo maw? Police leh bazaar ni vel dem kual ai chuan a mihring hi sawrkar lakah hian han rinawm em em phawt mai ila a fuh berin ka ring. Chutiang bawkin chhak lam atang min chim tute chungah pawh hian ti ta ila. Awmpui tur leh hnathawk tur man tlawm taka kan duh reng chhung chu min chim reng tho ang. Ruai lo lei lo ngam ila a dik a ni mai.