August ni 31 hian Zoram taxi drivers’ Assn (ZTDA) chuan Aizawl Press Club ah Chanchinthar lakhawmtute an kawm a, Zoram Taxi Owners Assn leh Traffic thuneituten Aizawl khawpui chhunga Taxi intlanchhawk tura hmalakna an kalpui mek chu a taka kalpui a nih chuan Employment Problem nasa takin a siam dawn ni a an hriat thu an sawi a, a tawl thlenga do an tum thu an puang.
Chanchinthar lakhawmtute kawmna hun ah hian ZTDA hruaitute an kal tha hle a, Chanchinthar lakhawmtute hnen ah tunlai hian ZTOA leh Traffic thuneitute chuan Aizawl khawpui chhunga Taxi intlanchhawk chung chang ah ruahmanna an siam ni a an hriat thu sawiin hei hi an eizawnna nghawng thei leh tichhe thei zawng ni a an hriat thu an sawi a, pawi an tih thu leh lungchhiat thlak an tih thu sawiin thil ngaihtuah chian loh vanga thiltih leh tute emaw sumsiamna hmanrua mai ni a an hriat thu an sawi a, he ruahmanna hi titawp tur leh a tawp thlenga do an tum thu te, hemi kawng ah hian Aizawl khawpui chhung Taxi Stand welfare te chu an lungrual hle niin an sawi bawk.
ZTDA ah hian Member 2500 chuang zet an awm ni a sawiin He ruahmanna siamtu ZTOA intite chu Taxi neitu zinga mi tlemte zawk an ni tih an sawi a, an hotu thenkhat te phei chu Taxi nei tawhlo leh eizawnna tak tak atana hmang an ni tawhlo an ni a, thutlukna siampui tlak an ni lo tiin a tuartu mi tam zawk te a nghawng dan tur hi ngun taka ngaihtuah ngai zawk a ni an ti a, intlanchhawk a nih avanga harsatna thleng thei ni a an hriat te tarlangin intlanchhawk a nih chuan kar khat ah ni 4, thlakhat ah ni 16 kumkhat ah ni 192 chauh hna an thawk thei dawn a, kum khat chhunga hnathawhna tur hun ni 173 lai paihsak an ni tur hi a rapthlak hle a, Taxi a eizawngtu tan a na lutuk a ni an ti a, mi hnuaia inhlawh Taxi driver za tam tak chhungkaw chawm ngai ve tho te hi ban an ni ngei dawn a, thla khata ni 16 chauh hnathawk tur hian tumah in thlabi hlwh pe in an chhawr duh dawn lova, mi hausa leh sawrkar hnathawk Service tir lemlo pawh a, awm theite hian Employment Problem a siam ngei dawn a an hriat thu pawh an sawi a, hengte avang hian intlanchhawk tura ruahmanna awm mek chu do zel an tumthu Chanchinthar lakhawmtute chu an hrilh a ni.
-----------------------------------------------------------------------
Similar Posts
- Taxi intlanchhawk tir
- Taxi intlanchhawk ah sorkar a ding nghet
- Taxi driver that avangin ZTDA ten press mite kawm
- Mizoram Road Transport Union in Sawrkar an nawr ve thung
- Co-ordination Committee on Traffic Management
He thu hi Monday, August 31st, 2009 dar 6:49 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A sa siam lai chuan ka la huai lova, ei dawn chuan hlau tawh lo rengs…
LOL khita ka thusawi hi hetah i chhang a ni maw….
ztda te tan hmun hi a dik ani ztoa in ti te hi asso awm tawh non funtion an tih ang hi ani ber 1997 vel atang tawh khan kei pawh hi an member thina ka ni a tum hnih taxi ka lei in ka hrALH TAWH A CHUtih chhung chuan ztoa member ka ni ngailo ZTDA erawh ka ni an function hi a tha zawk in mi harsatna pawh an hre zawk tin 75% and above taxi neitu te hi ZTOA ah an tel lo ZTDA ah erawh mahni ta khalh tu leh mi taxi khalh te hi an tel veks