Vanglaini : India Today in kum 2009-a ei leh bar, dan leh thupek kenkawh, vantlang hriselna, agriculture, environment, primary education, infrastructuure leh consumer market chungchanga tehna hrang hrang hmanga state ti thate a thlannaah Mizoram chu state teho zingah hmarchhak state zinga a ti tha ber palina a ni. India Today hian state hrang hrangte chu a lian leh a tein a then hrang a, state lianah state 20 awmin, state te-ah state 10 an awm a; tehnaah hian state te zingah Delhi chu pakhatna niin Meghalaya a hniam ber a ni.
Tehna hrang hranga India Today tehnaah hian Mizoram chu agriculture lamah hmasawnna lamah parukna a ni a; vantlang hriselna lamah pathumna, environment lama hmasawnna atana tan lakna lamah pariatna, naupang lehkha zirtir kawngah pathumna, infrastructure lama hmasawn dan tehnaah pathumna, economy than dan tehnaah pangana, dan leh thupek kenkawh that lamah pahnihna, consumer market-ah palina a ni.
India Today hian state te leh liante dinhmun teh nan hian tehkhawng hran ve ve a hmang a. State te zingah 10-te chu hetiang hian an indawn a: Delhi, Puducherry, Goa, Mizoram, Sikkim, Arunachal Pradesh, Nagaland, Manipur, Tripura leh Meghalaya te an ni.
-----------------------------------------------------------------------
Similar Posts
- Hriselna lama India rama hmasawn chak ber Mizoram
- India ram University tha berah University of Hyderabad
- Motor Ruk Hralhchhawngtu Lian 2 Man?
- Mizoram khaw fai 5
- Ramngaw neih zau lawmman pakhatna dawng tur Mizoram
He thu hi Tuesday, September 29th, 2009 dar 11:51 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Meghalaya te chu engkimah kan chunga awm vek awm an ni si a; a tehtute hi an lo zuk hnawm leh hlek a ni lo maw?