Dated Vairengte The 22st September : Nimin khan Vairengte Co-ordination Committee chuan Mizoram sorkar laka an lungawi lohna chungchangah Total bandh an huaihawta, he bandh hi Mizoram sorkar chuan sipai chakna (tharum) hmangin an hmachhawn a, hetah hian a tlawm zawkah mipui an tang ta a ni.
Aw kha ka taxi hlui te tak kha chu aw!!!!tunlai aizawl taxi chungchang buaina ah hian ka hre chhuak zawk mai.Nia mi ten taxi thar trha tak tak te tluk lem lo mahse kei a tan chuan kum hnih chuan ka nupui fanau chawmna kan chaw bel kha ani ve trhin kha ani a .Tunlai hian Aizawl ah taxi hlui sorkharin nuaibo a tum ni in an sawi than tak ah chuan kei ang a taxi hlui hmang a chhungkua chawm an la awm nual awm sia tih te ka ngaih tuah chhuak vel mai mai hi kan sawi chhuak ve aani e.Mi ei zawn na a hlui tawh aavang a aneitu te cghungchang ngaihtuah fel chiang lova an tihral sak ngawt anih chuan a fel lo hle tur ah kei chuan ka ring.
Source: Evening Post
Vawiin hian PRISM, SOSA leh FOMTU pawl leh district hrang hranga an thurualpuite nena an hmalakna an kalpui mek ‘Eiru nia rinhlelh thlanna’ kal zelah bawm an hawn tawhte zinga envelope tlate chu an hawn chhunzawm leh dawn. Nimin atang khan envelope hi an hawng tan tih RL Liantluanga, PRISM General Secretary chuan Evening Post a hrilh a, vawiin lamah pawh a hawn hna hi an thawk chhunzawm dawn a, tuna an hawn hi ‘Confidential’ a la ni rih tiin henga hming langte chu an chhui chian hnuah…….
Source: Evening Post
Bawngkawn khawtlang duty-te chuan Synod Revival Speaker nia sawi leh a counsellor pakhat chu kar kalta khan Bawngkawn Brigade area-ah an man a. A rual hian mipa pakhat leh hmeichhe pahnih an man nghal.
Tlai khaw hnua kan thudawnnain a sawi danin, Bawngkawn khawtlang thenfaina kawngah hma lain, hemi zan pawh hian khawtlang duty-te chuan dan pangngai ang bawkin Bawngkawn Brigade field area chhungah mi tawm an awm leh awmloh enin an fang kual a. An fan kualna lamah Synod Revival Speaker Upa C. Vanlalfela nia sawi leh Councellor Lalremtluanga nia an sawi bawk te chuan nula pahnih lo awmpui niin a sawi.
Vanglaini : Vairengte khawtlang chuan NGO Coordination Committee huaihawtin Vairengte Police Station sak thatna tur sum Saitual Police Station sakna atana sorkarin a ruahman an duh lohna lantir nan Sept. 21 zing dar 6 atang khan bandh huaihawtin, Vairengte-ah National Highway 54 an dang a; mipui pungkhawmte police-in hnawhdarh an tumna lamah buaina a chhuak a, mi 10 chuangin hliam an tuar.
UPC (NEI) chuan Health Minister hmalak danah an lawmlo tih sawiin, Biak In kalh lai a thuneihna hmanga hman tumah an puh. Thudawn danin UPC (North East India) chuan Health Minister Lalrinliana Sailo chuan amah hringtunu Lalringliani’n a hming chawia Pathian chawimawina neih a tumah UPC (Mizoram) North Mizoram UPC Hqrs. Biak In kalh lai mek chu hman a tum a, Minister a nihnain Court lamah nasa taka a nawrpui chungchangah an lawm lo hle tih an sawi.
Source:Evening Post
Serlui B Hydel Project siamna atana ram lak zangnadawmna pek dan dik lo nia sawi chhuitu, Inquiry Commission chuan ram neitu, zangnadawmna dawng lo te, zangnadawmna dawng tlem lutuk nia inngaite leh thil sawi duh neite thu sawi a chhinchhiah zawh hnuah, tun kar kalta Thawhtanni atanga Ningani thleng khan zangnadawmna chungchang khawihtu sorkar hnathawkte thu a zawtfiah leh a ni. Heng zingah hian Power Department Engineer-in-Chief, Pu C.L. Thangliana pawh a tel a ni.
Source: Evening Post
Zan dang ang lo takin zanin chu khua a trha teh mial a ber thla furkhawthiang tih a mawi ani hial awm e.Nia keini awmna lam ah hi chuan fur leh thlasik hi an in kawp tlat hek i maw le.Ka ral ven zan tak ani vei bawk nen sawi vak lo mai ilang khawvel lei sipai thuam tha ber famkim in indo mai tur inthuam in ka in thuam a.Engkim mai hi a tha ber vek ani hial in ka ring .Heng kan ralthuam hman ang hi ram dang sipai te pawh hian an nei bik a rin awm loh hial ngei ang le.Tunhma deuh a US Army te nen a joint exercise kan neih thin tee pawh khan an ni ho pawh khuan kan ralthuam te hi chu a awhawm an tih thu hi hahip in an sawi trhin tak kha maw le.
Shillong-a Mizo zirlai nih tinuam tu, zirlaite nghahhlelh em em leh an hunpui ve ber thin MSU Games Dt. 15-19. 9. 2009 chhung khan hman a ni a, house riat (8) ah inthenin infiamna chi hrang hrang hmanga inel a ni. Shillong-ah hian Mizo zirlai sangthum (3000) dawn lai an awm a. Zirna in (institution) hrang hrang 39 velah lehkha zirin, ram leh hnam tan an rammu mek a ni. Heng zirna in hrang hranga Mizo zirlai awmte hi house riat ah thendarh an ni a, chungte chu- Chawngbawla House, Saizahawla House, Khuangchera House, Taitesena House, Mualzavata House, Vanapa House, Neuva House leh Zampuimanga House te an ni. Indoor games leh outdoor games chi hrang hrang heng Badminton, Table tennis, kut inelh, lam, Football, Volleyball, Basketball, 100m race, Poison ball leh insuknawr te hmanga inel a ni a, zirlai ten an hlutin Shillong khaw chhe hnuaiah kal an thahnem thei hle.
