ZALEN : PRISM chuan SSA hnuaia, Primary School-a Greenboard sem dan, sum lakkir tih chungchang leh thil dangte chhui chiang turin Sept. ni 8 2009 khan Anti-Corruption Bureau (ACB) ah FIR an thehlut a. Hetih mek lai hian SSA Mizoram hnuaia officer leh an hruaitu dang pakhat chuan Rs.50,000/- an dil thu leh an pek loh thu Zalen a hlirh thung.
Lalhmachhuana, Addl. Project Director, SSA Mission chuan hu engenawti lai khan PRISM president nia insawi chu an hruaitu pakhat nen ka office ah lokalin Rs.50,000/- min dil a. Mahse, corruption dona tur sum kan neih loh avangin kan pe lo, a ti. Hetih rual hian tangkaina tur leh tha thawh theihna an neih avangin Presbyterian leh Baptist Kohhran te, MHIP leh CYMA te nen MoU te ziakin, dan ang thlapa sum hman tur pawh an pek tawh thu sawiin, “Education kaihhnawih loah chuan sum, kan sengso thei lo tih ka lo hrilh.” a ti.
Mizoram Primary Teachers Association chuan Circular chhuahin, Green Fibre Board (Black board thlakna tur) a lian chi pe ve turin SSA thuneitute hnenah an thlen a. An dil leh nawr angin AIzawl District-ah chuan Green Fibre Board hi Primary School zawng zawngah Class/Section tin daihin pek an nih thu leh, sorkar leh SSA thuneitute chungah an lawm hle tih MPTA chuan thuchhuah siamin an sawi a ni.
Sorkar Primary School-ah hian Middle School tana Teaching Learning Equipment (TLE) grant ang chi a awm ve loh avangin Green Fibre Board hi Maintenance Grat (2006-2007) atanga lei niin, hei hi MPTA duhdan a nih thu te, Green Board pakhat Rs.2,300/- a school a thlen thu te, Rs.5,000/- in a daih lohna chu Management Cost/Alternative Schooling Fund atanga tumpui a nih avangin Primary School te chuan Green Fibre Board hi 4 emaw, a aia tam emaw dawng thei an nih thu te pawh an tarlang a ni.
PRISM hian Green Fibre Board chungchanga ACB-a FIR an thehluh hma hian SSA hotute hnenah thil dik lo nia an hriat pawh an zawhfiah awm an hriat loh thu leh, a hmaa Rs.50,000/- an lo dil tawh, an pek loh avanga heti anga thil ti ta mai niah an ngai hial niin thudawnna chuan a sawi bawk.
Hemi chungchangah hian PRISM president Vanlalruata chuan kumin April thla khan Mizoram sorkar tharin mi 100 chhunga a hnathawhte thlirna ‘Mizoram Watch’ an neih tur sponsor turin SSA ah hian an dil tih a sawi a. A hnuah engmah an dil zui lo niin a sawi thung. Tunlai hian department thenkhatah an pawl hminga pawisa lo dil thin an awm thu leh rinhlelh mi 2 an neih tawh thu te sawiin, “Kan chhui zui mek,” a ti.
-----------------------------------------------------------------------
Similar Posts
- Saiphai a Primary school ah zirtirtu in daihlo
- PRISM-in KVIB lakah FIR thehlut
- Sorkar sikul HSS hnuailam 3627 awm
- Mizoram Primary Teachers Assn. Thuchhuah
- MPSTA in chaw sem tawhlo an ti, MSU in pawi ti
He thu hi Monday, September 14th, 2009 dar 9:59 am a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A va chiang lo teh nuaih ve maw le !!!
Lalhmachhuana, Addl. Project Director, SSA Mission hian tun thleng thleng hian PRISM hruaitute hi a lo la hre lo emawni leeee. Hruaitu a insawi ti lo hian a chian chuan sawi fak se Officer tih awm tak pawh anih hmel zawk e.
a va mak teh nuai ve aw!!! Kan Zoram ah hian Corruption hi a zung chawp hian an phoro har awm mange?