Evening Post: Tukin dar 8:00 vel khan rihdil tlawha kal bus pakhat chu Burma ram chhunug, Rihkhawdar bulah a chesual a, a hmunah mi pathum thiin mi 24 an hliam a, hliamte hi Champhai civil Hospital ah dahluh an ni. Thudawn danin nizana tiak Melbuk-a Salvation Army Youth khawmpuia kal Sialhawk atanga palai kalte chuan tukin khan an bus hire MZ-04 1200, TBC Mawitea, Biate ta hmangin Rihdil an tlawh a….
Mizoram pana an rawn haw leh chu Rihkhawdar bulah hian kawng nem lai rap palhin kawng thlangah a lum ta a ni. A hmunah hian Chanchinmawia (24) s/o Lalhmachhuana, Lalzarzova (32) s/o Lalhmuakliana (L), Zonunmawii (22) d/o Ngurthuamluaia, Sialhawk khua ami vekte chu an thi a, mi 4 chu bus atang hian zuangchhak hmanin hliam te hi hriat theih chinah 24 an ni a, hliam zinga mi pathum chu an na zual niin thudawnna chuan a sawi.
Champhai atanga thudawn danin bus chetsualna laiah hian kawngchhak leitla a awm a, kawngsirah sakawr a lo awm mek bawk nnen, hel an tumna kawng thlang, lei nemna lai an rap a, an tla thla ta mai niin an sawi a. Motor hi metre 300 vel a lum nia sawi a ni.
Motor khalhtu hi a neitu TBC Mawitea fapa Thuampuia a ni a, ani hihliam zingah a tel ve a, conductor hi a nau Lalthangliana niin ani hi hliam na lutuk lo zingah a tel niin Biate lama TBC Mawitea-te chhung chuan Evening Post an hrilh.
-----------------------------------------------------------------------
Similar Posts
- Luangmual Vengthlang KTP chuanna bus chesual. Thi leh hliam awm.
- 207 Chesual ah 30 chuang hliam
- Rihdil kal haw zirlai an chesual
- Truck chesual-ah 5 hliam
- Mi vithlumtu tlanbo
He thu hi Monday, September 28th, 2009 dar 6:09 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
A va zìa lo ve aw…thi chhungte Pathian awmpuina ka dil sak mawlh mawlh e.
apoi ngei mai
zozamtimes a ka chhiar dan chuan sakawr nen in pelh an tum laiin an accident a in tia… zia lo khawp mai.