Zan dang ang lo takin zanin chu khua a trha teh mial a ber thla furkhawthiang tih a mawi ani hial awm e.Nia keini awmna lam ah hi chuan fur leh thlasik hi an in kawp tlat hek i maw le.Ka ral ven zan tak ani vei bawk nen sawi vak lo mai ilang khawvel lei sipai thuam tha ber famkim in indo mai tur inthuam in ka in thuam a.Engkim mai hi a tha ber vek ani hial in ka ring .Heng kan ralthuam hman ang hi ram dang sipai te pawh hian an nei bik a rin awm loh hial ngei ang le.Tunhma deuh a US Army te nen a joint exercise kan neih thin tee pawh khan an ni ho pawh khuan kan ralthuam te hi chu a awhawm an tih thu hi hahip in an sawi trhin tak kha maw le.

Khua lah chu a vawt var mai bawk vei nen thangvan zawl ah chuan chhawrhthlapui lah chuan lallai par a chhuah eng po hau bawk a .Thli vawk  leh vur sur heuh heuh reng a .Ka naupan lai a sam kan sawi thin Harmon daifim Zion tlang a tla trhin ang hi ani tih chu ka hre chhuak thut mai a.Khanglai hun te khan Hermon tlang chu eng ang tak a tlang sang nge ani tih pawh ngaihtuah thiam lo leh ka tlangval hun ah Hemon tlang daifim tleh heuh heuh kar ah Ramthianghlim venghim tur in ka sentiry ang tih ka lo ngaihtuah phak ngai reng reng lo kha tunah chuan zan thla eng hnuaiah hmelma te rawn beihtheina kar ah kan duty ve ta vang mai chu a ni a ka ti rilru neuh neuh a.Hermon tlang hi Israel ram hmar tawp Syria nen an inrina lai a awm ani a .Tlang chhip hi a hmar zawng in a pharh phei deuh duai a thlasik lai chuan vur in a bawh chiai reng a thla en zan te chuan vur var tlesur mai  leh thing ding pheuh 2 te pawh thui tak ahmuh theih a vurram chhimbuk hram kur kur pawh hriat tur a awm ve leh zauh tih mai lo chu a reh in a reh vawng 2 reng mai a .Engtiklai pawh ino mai thei reng kan nih chu sawi tam pawh a ngai lem lo.Chutiang dinhmun a ding e ti lo chuan ka ngaihtuahna erawh chuan indo lam ai mah in ka nun hlui chu min ngaihtuah tir ta zawk tlat mai a.

Hunliam tawhnu kan khua a kan hun hman dan thin chuan ka thinlung chu a rawn zem ta cciai chiai mai a .Ka chhingmit thla ah chuan an rawn lang ta iar uar mai a .Kan tleirawl lai a kan khua sipai camp hlui tlang pang phul a sunday tlai ni tla tur kan thlir liam lai te .Aw thu hril kan chak em em thin sawi ngam leh lova kan hamhaih leh thin lai te kha aw.A bul ah kan trhu a ti deuh hui phur tak si tim deuh tak si in kian hawikual vel a tuman min hmu lo tih hriat vel leh eng emaw ka sawi pui ang kan tih rilruk te chu sawi chhuak zo leh mang ta lova en teh saw ta tlang liam a thing lian pui saw i hmu em te kan tih leh daih thin lai vel te kha maw le .A chang leh zan thla eng hnuai induh leh inthlahlelh tak  a bata pheikhawk tlo zia kan in hrilh melh melh lai te kha maw le.

Ani nen kha chuan tlaimahvar mah ilang kan in ning chuan lawng tih kha kan thupui kha ani thin a .Induh leh inthlahleh tak ka hmalam beiseina eng kan thlir reng lai chuan kei nu leh pa thuawi leh nu leh pa te hnial ngai lo chuan ram dang a ka kal a lo ngai ta tlat mai sia .Inthen a lo tul ta miau mai si a leh achhingmittui te chuan min dang zo lo ka chhingmittui pawh in min pawt kir thei bik hek suh luaithlipui nul in kan inthen ta kha ani a in tawng leh tak ang i maw?

Chutia hun kal tawh hnu ka ngaih tuah kir lai chu eng ang rei nge pawh ka lo hre chang tawh lova ka mittui te chu a parawl kiang mai a khua pawh a lo var ta derh a ka duty hun pawh a lo pel fel ta der chu lo ni in ,minthlak tu in min rawn thlak ta a.

Share

-----------------------------------------------------------------------
Similar Posts

• LUNGLEN
• Khawzawl ah gypsy in naupang a chilhlum
• Together we can make it – Ralte Kta via FB
• Galili dil Israelis life line
• To Gaz, fr. Din

He thu hi Monday, September 21st, 2009 dar 8:28 am a Articles . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.