Vanglaini: Mizoram Pradesh Congress Committee chu nimin khan Chaltlanga Tourist Lodge-ah an President leh Chief Minister Lal Thanhawla hoin an thukhawm a; CM Hawla chuan, sawrkar hnathawk thil ti diko leh diklo taka Sawrkar sum tichingpentu te chu dan anga chhui zel anih tur thu a sawi. Lal Thanhawla chuan, ” Sawrkar hnathawk thil tidiklo chu ngun taka thlir an ngaia , hmalak rum rum erawh chuan kan sawrkar chu mipuiin phuba la tu ringawtah min en ang tih a hlauhawm. Chuvangin, dan dik takin kan kal angai a ni”, a ti a; hemi atan hian ACB pawh tihlen anih thu leh Director atana CBI a tawnhriat tha tak nei dah anih tawh thu a sawi bawk.

He hunah hian Congress Ministry hmalak dan thlir letin, member ten sawrkar hmalakna an duh khawp loh lai leh hmalak zel dan tur an sawi a; Party leh sawrkar inkar bakah, Party hmalakna tur chi hrang hrang an rel bawk. 
MPCC Meeting chuan resolution siamin, September 25 a Muthi lui lianin a lak mi paruk nunna chan chhungte leh September 28 a Rihdil kawnga chetsual vanga mi pali thihna chu pawi an tih thu an tarlang a; nunna chan chhungte zawng zawng an lainat a, hliamte pawh an dam leh thuai theih an duhsak thu leh, chhiat tawhnaa chhanchhuah hna thawktute leh thilpek hlantu zawng zawngte chu Zo-Zemawi lantirtu annih thu sawiin an chungah lawmthu an sawi bawk a ni.

Share

-----------------------------------------------------------------------
Similar Posts

• Mizoram Watch
• CM in thil leh rial tuarte thlamuang taka awm turin ngen
• Rel luh chung changah YMA in sorkar a thlir
• Thalai hna hmulo tam laia, pension tawh rawih nawn leh hi?
• Mizo hminga hnamdang sumdawng thurualpui te ngenna pek tum

He thu hi Wednesday, September 30th, 2009 dar 1:43 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.