Darlawn khawtlang chu October thla a YMA khawmpui lian thleng turin an inbuatsaih mek a, Khawmpui Pandal ‘Chalfilh Run’ pawh peih thawkhat a ni ta. YMA Khawmpuina tur ‘Chalfilh Run’ (Pandal) area hia dung 180 ft., a vang 120 ft, stage zau zawng 30 x 60 ft a ni a. Pandal hi July 18, 2009 ah sak tan a ni a, tha 980 sen a ni a, hnatlang vawi 17 neih ani a, khaw thenawm atangin mau leh thingtuai trfip 9 tanpuina an dawng a, tlawmngaia hnatlanpui khaw thenawm atangin an awm reng bawk.
Pandal structure hi Agriculture Department, PHE Deptt., Police Deptt., P&E Department leh mimal tlawmngaiten an phurh sak a, Pandal Committee chuan lawmthu an sawi.
Darlawn khawtlang chuan he Gen. Conference ah hian YMAS member te a tam thei ang ber kal turin an ngen a, amaherawhchu ruihhlo chungchangah member tinte inthiarfihlilim tura hriattirin ruihhlo a inhnamhnawih man te chungah a na thei ang bera action lak an tum thu an puang a ni.
Darlawn khua hi in sang chuang zet an ni a, Sorkar Department 16 a awm a., High School 4, Middle School 5, Hr. Secondary School 1 a awm a, Darlawn atanga Aizawl hi 123KM a hla a ni.
-----------------------------------------------------------------------
Similar Posts
- MTKP inkhawmpui na tur pandal peih a ni trep
- A tuihal leh tawh long
- YMA Khawmpui Chhungin Lungleiah Zawlaidi Khuahkhirh Dawn
- Pandal hnam dang cheitir rem ti lo
- UPC Inkhawmpui lian tur inpeihfel
He thu hi Thursday, September 10th, 2009 dar 7:43 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
