Zozam Weekly : Mizorama corruption dona lama Prism leh a thawhpui pawl dang panga – SOSA, FOMTU, Y4M, SDYC leh LDDVC ten ‘Eiru Nia Rin Thlanna’ an kalpuia thlangtu te thuziak a dik ngei tih finfiah tawh mi 42 te chu sorkar hnathawk vek an ni.
Mi 42 zingah hian Politician leh midang an la tel lo a. Finfiah leh tura chhawp mi 127 leh finfiah ngaihna awm lo leh thuziak a dik lo tih finfiah tawh mi 55 zingah erawh chuan politician lawk tak tak leh village level politician te, sumdawng leh contractor hming te pawh a lang nawk a. Tualchhung kohhran hruaitu leh ram pum huapa sakhaw rawngbawltu pawla hruaitu langsar tak tak hming te pawh a lang bawk a ni.
Hetianga finfiah chin 42 chauh an nei leh lehkha lut zinga a tlem zawk chauh finfiah a ni hi AMEF inti te chuan thuchhuah siamin ‘Eiru Nia Rin Thlanna’ rintlak tawk loh zia tilang tu nia an ngaih thu an lo sawi tawh a. Prism President erawh chuan hemi chungchang zawhna hi chhangin, “Kan hun neihin a tlin tawk kan buaipui a. Kan enfiah hi 42 mai ni lovin kan enfiahna atanga thuziak a dik tih kan hriat theih chin 42 a awm kan tihna mai a ni a. 127 te hi chu finfiah tura RTI hmanga sorkar atanga document lak ngai te, hmun hla tak tak zin ngai te an ni a, kan la bawhzui zel dawn a ni,” a ti thung.
Finfiah tawh 42 te hi Aizawl ami 26 te, Lunglei ami 15 te leh Lawngtlai ami 1 te a ni a. 127 te hi Aizawl ami 67 te, Lunglei ami 9 te, Serchhip ami 16 te, Kolasib ami 7 te, Lawngtlai ami 25 te leh Mamit ami 3 te a ni a. 55 te hi Aizawl ami 40 te, Kolasib ami 2 te leh Lawngtlai ami 13 te a ni a. Sawi tawh angin hming lang zingah sorkar hnathawk lawk tak tak leh hna sang vak lo thawk te, politician lawk fe fe leh tualchhung politician te, sumdawng leh contractor te, kohhran hrang hranga mi langsar tak tak te, NGO hruaitu te leh mi dang dang hming a lang a. “Hei hian kan rama corruption kairual zia a tilang chiang hleah kan ngai,” Prism President chuan a ti.
Convention thurel anga Chief Vigilance Officer hnena thehluh tur 42-ah hian politician pakhatmah an tel lo a, sorkar hnathawk mek leh sorkar hnathawk thin, tuna pension tawh an ni a. “An vai hian sap hovin ‘big fish’ an tih ang thalh an ni a. Sorkar Department hrang hrang ami an ni a. Heng mi te chungah hian Dan hmanga dik taka rorel anih chuan kan ram kalphung hi a danglam dawrh thei ang” tiin siamthat beiseina sang tak neiin a sawi bawk
-----------------------------------------------------------------------
Similar Posts
- Eiru nia rin envelope hawn chhunzawm
- Eirukdona Inkhawmpuiah Mi 42 Chungthu Rel
- Mizoramah Corruption Thubuai Awrh Hmabak 42 Awm!
- PRISM RTI Helpline hawn a ni
- Sorkar hnathawk NLUP dawng 74
He thu hi Wednesday, October 7th, 2009 dar 6:05 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
PRISM chuan thleibik nei lovin han vaihma teh se.
Kum engemaw ti hnu ah a thlang tu te hi an la thlang chhuak ve leh mai angah! hehehe
rin ai in eiru an lo van tlem ve a mahni hlawh phu lova properties nei trha leh ngah te hi an eiru lovin an thai bo mai zawk an ni ani ang ti rawh u
“Finfiah tawh 42 te hi Aizawl ami 26 te, Lunglei ami 15 te leh Lawngtlai ami 1 te a ni a. 127 te hi Aizawl ami 67 te, Lunglei ami 9 te, Serchhip ami 16 te, Kolasib ami 7 te, Lawngtlai ami 25 te leh Mamit ami 3 te a ni a. 55 te hi Aizawl ami 40 te, Kolasib ami 2 te leh Lawngtlai ami 13 te a ni a.” Heta lang lo District dang ho hi eiro sawi tur an awm lo nge, an thlang ve lo le. Eiru sawi tur an awm lo anih chuan District fak tlak tak leh entawn tlak tak an nih ngei ang le.
Ka hriat sual loh chuan – PRISM leh a thawhpui te hian direct in eiru an thlang chhuak lo a, hmun hrang2 ah bawm an hung a, chung bawm ah chuan a duh duh in eiru ngei ni a an hriat te hming an thlak khawm a. Heng bawm te hi hawng in, mipui ten a hming an thlak/thehluh te hi an ni (PRISM) hian an lo finfiah ve leh tete a ni.
Chuvangin, heng mite chauh hi eiru an ni tih na lam a kawk lo a, hming an hmuh/dawn zing a an finfiah tawhte tih na chauh a nih hmel.
Kum 20 hma lama E. Lungdar kawng lung chauh phah a nih laia black top anga bill la vektu contractor/politician kha a tel ve lo tihna a ni maw?
Kan ramah hian hriatchhuah siloh eirukna tenawm lutuk hi chhiar senloh a awm,i finfiah duh chuan Deptt.tin hmalakna hi RTI Act hmangin chhui chhin teh,i buai peih loh chen chen chhui tur i hmu nitin thin ang.Heng tenawmna chi hrang hranga inrawlhte hi a tlangpuiin kan sawrkar hnathawkte atangin a ni deuh vek anga,anni erawh engmah sualna neilo ang maiin khawtualah an leng changkang viau si ang.Chutichuan miten kan sawrkar tangka an lo chheprelh nasa hle mai tih i hmuh chhuah hunah chuan i rilru a lo tawt up up anga,eiruk ve mai nge tha ang hriatloh der mai mai tih bak thutawp siam hlei theilo khawpin kan rama eirukna tenawm lutuk hian a ching chau vek ang che.