Evening Post:Vawiin chhun dar 11:30 atang khan pawl paruk huaihawt eiru nia rinhlelh thlanna-a lehkha tlate chu Venghlui-a Central Hall-ah an chungthu ngaihtuah a ni a, eiru nia finfiah tawh mi 42 hming langte chungthu an rel a, thudawn danin chief vigilance hnenah an hming hi thehluh tur a nia, amaherawhchu rorel hi an zawh hman loh avangin thutlukna hriat hman a ni lo thung.
PRISM, SOSA, FOMTU, Y4M, SDYC, LDDVC – tangho hmalaknaah hian lehkha tla zat chu 549 an tling a, chuta hming lang zat chu 224 niin lehkha awmze nei lo, hming ziah nei lova thu ziak ve tawp 10 a tla bawk a ni, heng lehkha tla zingah hian ‘ziah chian leh finfiah tawh, convention rel anga bawhzui nghal theih zat’ chu mi 42 an awm a, hengte hi PRISM hian eiru nia finfiah an nih thu an sawi. Ziah chian thawkhat vanga chhui zui tlak, mahse la finfiah loh zat tia an tarlan chu 127 a ni a, ziah chian loh vanga chhui zui ngaihna pawh awm lo tia an tarlan zat chu mi 55 an awm bawk.
Vawiina Venghlui Central Hall-a Anti-Corruption Convention neihah hian mi an pungkhawm nual a, heng mipuite ngaihdan ang ang hian a chunga mi 42 tarlante chungah hian hma lak zui a ni dawn a ni.
SOSA president leh vawiin intawhkhawmna chairman hi bawk SL Sailova chuan mi hausaten dan an bawhchhe ve thei thin lo chu khawvel ziarang a nih thu a sawi a, hei hian ram leh hnamah nghawng tha lo a neih thu a sawi.
PRISM president Vanlalruata chuan thu sawiin, “An hming puangzar ngawt i la kan hnam tan hian a tha ber ang em? An hming puangzarin thuneitu hnenah thlen bawk ta i la, an thilneih lo thukru vek ta si se, thuneituin dan hmanga man tum mahse kan sangha khuh sa te hi an tlanchhuak leh thei ang em? A ti theitu hnenah a rukin thlen ta ila, kan sangha khuh sa te hi kan man kim thei ber ang em? tiin a sawi a.
“Hawh u, uluk takin ro i rel ang u. Kan ram mamawh ber chu heng sanghate hi man a, anmahnin an simna tur leh midangin an tihsual tih ang an tih duh loh phah a, taksa leh thlarau tam tak kan chhanhim theihna tura dan hmanga hrem a ni si a,” Vanlalruata’n a ti bawk.
Eiru nia rin thlanna hi August 1 khan Aizawl Press Club-ah chanchinthar lakhawmtute hmaah puanzar a ni a, Serchhip leh Chhiahtlangah August ni 24 khan bawm hun tan a ni a, Lunglei, Lawngtlai, Mamit-ahte bawm hun a ni leh a, Kolasib lamah pawh bawm hi hungin mipui ngaihven a hloh chho hle a ni.
-----------------------------------------------------------------------
Similar Posts
- Mizoramah Corruption Thubuai Awrh Hmabak 42 Awm!
- Eiru nia rin envelope hawn chhunzawm
- Eiru List-ah Sorkar Hnathawk Hlir
- INFORMA PRISM RTI Help Centre hawn a ni
- Poly-tarpauline lei tum dan Prism-in an ringhlel
He thu hi Saturday, October 3rd, 2009 dar 6:56 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
An chhui an chhui anga, kan vaiin min rutkhawm vek mai angah!
Kei chu ka tel ve lo phawt a, ka tel ve anih pawhin petrol leina tur kan nu pawisa ka lakruk hi ani mai.
KA EIRU tih an nghawngah awrh tir se, ti chuan rukru man khawlai fan pui ang chiahin khawlai fan pui se a tha ang
An rin aiin an lo milian hlom si ang a an sawi pung ngam leh lo ani mai lo maw.