Evening Post : October ni 10 a ni tawh a, favang hun a inher mek laiin ruah tui erawh fur pui lai ang maiin a la tla tluk tluk a, thenkhatin ‘fur a tlai’ an tih mek laiin khawchin zirmite chuan chhimthlang fur kiam tur nghawng an ti thung. Chhimthlang fur kian tur hian Assam,Meghalaya-te a nghawng mek a, Nagaland,Manipur, Mizoram leh Tripura-ah ruah a sur tluk tluk a. Mithiamte sawi dan chuan van boruak sang taka cyclone tlehin boruak awm dan a thlak mek avang hian India hmarchhak state-ah hian darkar 24 dang chu ruah nasa takin a la sur leh dawn niin an sawi lawk.
India Meteorological Department thlirlawk dan chuan chunglam boruak inthlak mek avang hian India hmarchhak state hrang hrangah darkar 24 chhung vel ruah a la sur nasa hle dawn a, nimina satellite lam atanga an hmuh dan chuan Andaman Sea,Nagaland,Manipur,Mizoram leh Tripura chung velah tuihu chhum thahnem tawk tak a la lang a ni.
India ram hmun hrang hrangah fur puia kiam chho tan zel a, chhimthlang lama fur a kiam chhoh tan avangin tun atanga ni nga chhung vel hi chuan India ram hmar, a laipui, khawthlang lamte chu ruah a tla meuh tawh dawn lo niin thlirlawknaah chuan a lang a, India khaw chhak lamte chu ruah hi a la tla chho pheuh pheuh dawn niin thlirlawknaah chuan a lang thung.
Tuna ruah tui tla mek hi Sri Lanka,Tamil Nadu leh a chhehvel leh Bay of Bengal inkar velah a nasa lehzual a, October ni 9 atanga ni 16 inkar hian ruah tui hi a la tla chhunzawm zel dawn niin thlirlawknaah chuan a lang a, India hmarchhakah hian October ni 16 thleng hian ruahtui la tla pheuh pheuh tur angin US National Centres for Environmental Prediction chuan a hmu bawk a ni.
-----------------------------------------------------------------------
Similar Posts
- India Today tehnaah Mizoram 4-na
- Ruah a sur ve ta
- Manipurah Petrol Phurhluh Khap
- Ruah leh thlipui vanga thing tluin nufa a deng hlum
- Tualthattu thiamloh chantir ah Mizoram sangber ?
He thu hi Saturday, October 10th, 2009 dar 4:44 pm a NEWS . a dah luh a ni a, a hnu chhui zel duh tan hetah hian RSS 2.0 a theih e. Ngaihdan i neih chuan hetah, hian rawn thawh la, Hnuchhui leh dawn chuan hetah hian rawn kai rawh.
Vawiin chu khua pawh a vawt ve surh mai
Hei ka thianpa hian engtizia a khua hi chhe reng nge maw anih le? a lo ti mek a,a chhanna hre miah lovakan hawih haih mai ai laiin hetia dik taka chhanna ngaihnawn fumfe tak rawn tarlan a ni ta hi kan lawm hle mai,lawm tak kan ni…